Лукашэнка назваў Афганістан гіганцкім паражэннем ЗША

© AFP 2024 / MARK ANDRIESАмерыканскія вайскоўцы ў Афганістане
Амерыканскія вайскоўцы ў Афганістане - Sputnik Беларусь, 1920, 23.08.2021
Падпісацца
Амерыканскі прэзідэнт Джо Байдэн прыняў рашэнне аб вывадзе вайсковага кантынгенту з Афганістана, што прывяло да падзення кіруючага рэжыму і ўсталяванню праўлення руху "Талібан"*.
МІНСК, 23 жні - Sputnik. Мы вельмі насцярожана і ўважліва назіраем за тым, што адбываецца ў Афганістане, заявіў беларускі лідэр падчас відэаканферэнцыі Савета калектыўнай бяспекі АДКБ.
Паводле яго слоў, сітуацыю, якая складваецца, трэба ацэньваць рэалістычна і адэкватна, без эмоцый.
"Нам здаецца, што, на першы погляд, гэта гіганцкае паражэнне заходняй палітыкі. Гэта сапраўды так, і перш за ўсё Злучаных Штатаў", - сказаў ён.
Аляксандр Лукашэнка лічыць, што гэта вынік спробы насадзіць дэмакратыю. Злучаныя Штаты і іх сатэліты наплявацельскі паставіліся да гістарычных, этнакультурных, рэлігійных асаблівасцяў дзяржавы і, самае галоўнае, да інтарэсаў людзей. Тое, што адбываецца ў аэрапорце афганскай сталіцы служыць гэтаму пацвярджэннем.

Стратэгічная нестабільнасць

"Можна было б сказаць, што кааліцыя на чале з Вашынгтонам пасля 20 гадоў акупацыі і ўкладання каласальных сродкаў села ў лужыну. Давайце будзем думаць, што гэта не зусім так", - заклікаў ён.
Кіраўнік дзяржавы ўпэўнены, што нельга скідаць з рахункаў верагоднасць таго, што гэта быў свядомы крок з боку амерыканцаў, каб прыўнесці нестабільнасьць у рэгіёне.
"Збольшага ў зоне адказнасці АДКБ. Яны стварылі праблемы, цяпер перакладаюць вырашэнне гэтых праблем і гэтыя праблемы на іншых. Пры гэтым, па сутнасці, яшчэ спрабуюць выйсці сухімі з вады. Амерыканцы гэта любяць", - падкрэсліў ён.
Аляксандр Лукашэнка выказаў жаданне пачуць пазіцыю саюзнікаў па АДКБ, каб разам выпрацаваць адказы на тое, як нейтралізаваць пагрозы.
"І гэтыя крокі мы павінны вызначыць ужо да сярэдзіны верасня - да нашай сустрэчы ў Душанбэ", - заклікаў беларускі лідэр.

Базы ЗША

На думку кіраўніка дзяржавы, адчувальным пасля сыходу амерыканцаў з Афганістана застаецца пытанне "размяшчэння узброеных кантынгентаў амерыканскай арміі ў суседніх краінах, у тым ліку членах АДКБ". Прычым ён лічыць, што гэтае пытанне заслугоўвае пільнага разгляду, зыходзячы з таго, што гэта зона адказнасці краін, якія ўваходзяць у АДКБ.
"Я абсалютна падтрымліваю прэзідэнта Расіі, яго заявы пра тое, што палёты баявых самалётаў ЗША, перш за ўсё над краінамі АДКБ, непрымальныя. І не толькі для Расіі - для ўсіх нас як членаў АДКБ", - запэўніў Аляксандр Лукашэнка.
Пасля чаго дадаў, што таксама непрымальныя спробы паўночнаатлантычнага альянсу рушыць наперад у рэгіён Цэнтральнай Азіі.

Пазіцыя АДКБ і ШАС

Беларускі лідэр нагадаў, што вакол Афганістана сканцэнтраваны краіны, якія ўваходзяць у Шанхайскую арганізацыю супрацоўніцтва. У гэтым рэгіёне сыходзяцца інтарэсы Масквы, Пекіна, Дэлі і Ісламабада.
"Варта ўзмацніць узаемадзеянне па лініі АДКБ і ШАС, выкарыстоўваючы для гэтага саміты дзвюх арганізацый, запланаваныя на 16-17 верасня бягучага года ў Душанбэ", - прапанаваў ён.
Паводле яго слоў, добра будзе, калі ШАС акрэсліць сваю пазіцыю па гэтай праблеме. У выпадку, калі гэтага не атрымаецца, то сваю заяву зробіць АДКБ.
"Не лічыцца з пазыцыяй АДКБ-ШАС будзе немагчыма. Пазіцыя ШОС-АДКБ нават будзе важней, чым пазіцыя заходняй кааліцыі", - выказаў упэўненасць Аляксандр Лукашэнка.
Прычым ён канстатаваў, што АДКБ валодае ўсім неабходным інструментарыем для прыняцця рашэнняў, "калі недастаткова, ёсць яшчэ тры тыдні для таго, каб да Душанбэ іх выпрацаваць".

Прызнанне талібаў

"На фоне дыпламатычных намаганняў талібаў па ўсталяванні адносін з ключавымі сусветнымі і рэгіянальнымі гульцамі шэраг краін ужо схіляецца да прызнання руху", - сказаў беларускі лідэр.
Паводле яго слоў, для АДКБ важна ведаць, ці ёсць рэальная аснова пад гэтым і якая агульная пазіцыя арганізацыі ў выпадку міжнароднага прызнання талібаў.
Аляксандр Лукашэнка канстатаваў, што ў гэтым пытанні разлічвае на расійскага прэзідэнта і тое, што ён падзеліцца інфармацыяй па гэтай праблематыцы.
"Таму што Расія - гэта не проста адзін з ключавых гульцоў у гэтай праблеме. Гэта самы галоўны гулец, і ад Расіі будзе вельмі многае залежыць. У саюзе, натуральна, з цэнтральнаазіяцкімі рэспублікамі", - адзначыў ён.

Мяжа з Афганістанам

Беларускі лідэр нагадаў удзельнікам саміту пра рызыкі, якія нясе трансмежавая злачыннасць. Таму неабходна займацца практычным умацаваннем мяжы Таджыкістана з Афганістанам.
"Гэта тое, што нам трэба зрабіць у першачарговым парадку і абавязкова", - звярнуў ён асаблівую ўвагу. Таму ў рамках АДКБ трэба правесці пазачарговыя аперацыі па барацьбе з наркатрафікам, нелегальнай міграцыяй.
"Мы гэта рабілі раней і вельмі эфектыўна, практыка напрацавана", - канстатаваў Аляксандр Лукашэнка.
Прычым ужо ў кастрычніку падчас вучэнняў АДКБ у Таджыкістане трэба прапрацаваць супрацьдзеянне верагодным пагрозам, якія ідуць ад Афганістана.
"Пры гэтым мы не збіраемся шантажаваць Афганістан, цяперашнія ўлады, талібаў. Не, мы проста выбудоўваем абарону нашых рубяжоў АДКБ на выпадак, калі ...", - падсумаваў кіраўнік дзяржавы.
* "Талібан" - рух, прызнаны тэрарыстычным, забаронены ў Расіі.
Чытайце таксама:
Будуць ісці і ляцець праз нас: Лукашэнка пра афганскіх мігрантаў
Рыхтуецца рэйс для вывазу беларусаў з Афганістана - пасол
Беларускія ваенныя адправяцца на мяжу з Афганістанам?
Стужка навiн
0