Вярнуліся ўсе расійскія самалёты з эвакуіраванымі з Афганістана людзьмі

© Sputnik / Максим Блинов / Перайсці ў медыябанкТранспартны самалёт Іл-76, архіўнае фота
Транспартны самалёт Іл-76, архіўнае фота - Sputnik Беларусь, 1920, 26.08.2021
Падпісацца
Спецрэйсы вывезлі расіян і грамадзян краін-удзельніц АДКБ - на борце самалётаў былі ў тым ліку і беларускія грамадзяне.
МІНСК 26 жні - Sputnik. Два ваенна-транспартныя самалёты Іл-76 Міністэрства абароны Расіі з эвакуіраванымі з Афганістана грамадзянамі РФ і краін АДКБ прызямліліся напярэдадні ў падмаскоўным аэрапорце Чкалаўскі.
Раней у падмаскоўны аэрапорт ўжо прыляцелі два самалёты Іл-62 і Іл-76, які таксама здзяйснялі спецрэйсы.
Такім чынам, усе чатыры самалёты ваенна-транспартнай авіяцыі Мінабароны РФ, якія адправіліся раней у Афганістан, вярнуліся ў Расію.
Згодна з існуючым правілам, для прадухілення распаўсюджвання каронавіруса эвакуіраваныя людзі прайшлі санапрацоўку пасля таго як выйшлі з самалёта.
Эвакуацыя з Афганістана больш за 500 грамадзян РФ, краін АДКБ (Беларусі, Кыргызстана, Таджыкістана) і Украіны праводзілася Мінабароны РФ па даручэнні прэзідэнта Расіі Уладзіміра Пуціна.

Што з беларусамі

На мінулым тыдні пасольства Беларусі ў Таджыкістане (па сумяшчальніцтву ў Афганістане) паведаміла, што з просьбай дапамагчы пакінуць Афганістан звярнулася 16 чалавек. З іх адзін быў эвакуіраваны, а адзін выключаны, так як страціў права мець від на жыхарства.
Пасол Беларусі ў Таджыкістане і Афганістане Алег Іваноў паведаміў, што дыппрадстаўніцтва гатова працаваць з усімі, хто звернецца па дапамогу. Ён таксама растлумачыў, што дапамога - гэта не абавязкова эвакуацыя. Так як у Беларусі "вельмі шмат партнёраў", то, у прыватнасці, часовы прытулак прадастаўляе прадстаўніцтва беларуска-афганскай кампаніі.

Сітуацыя ў Афганістане

Сітуацыя ў краіне абвастрылася пасля таго, як з краіны была выведзена вялікая частка амерыканскіх вайскоўцаў. Практычна ўсю тэрыторыю захапіў "Талібан" (тэрарыстычная арганізацыя, забароненая ў Расіі).
У ноч на 16 жніўня кіраўніцтва "Талібану" заявіла, што вайна ў Афганістане скончана, а форма праўлення стане яснай у бліжэйшы час.
З краіны вырашылі з'ехаць тысячы людзей: не толькі грамадзяне Афганістана, але і замежнікі, у тым ліку дыпламаты, што выклікала праблемы ў аэрапорце Кабула. Там узнікала цісканіна, а ваенныя адкрывалі папераджальны агонь. Тады аэрапорт перапыніў працу на суткі, але затым аднавіў працу.
У нядзелю, 22 жніўня, стала вядома, што аэрапорт Кабула будзе зачынены на 48 гадзін, каб эвакуіраваць з Афганістана тых, хто ўжо знаходзіцца на тэрыторыі паветранай гавані.
Як заявіў прадстаўнік "Талібану" Забіхула Муджахід, улады не падтрымліваюць масавы вылет грамадзян з краіны, у сувязі з гэтым эвакуацыя грамадзян будзе дазволена толькі да 31 жніўня.
Чытайце таксама:
Расія эвакуіруе з Афганістана грамадзян РФ і іншых краін
Рыхтуецца рэйс для вывазу беларусаў з Афганістана - пасол
Будуць ісці і ляцець праз нас: Лукашэнка пра афганскіх мігрантаў
Стужка навiн
0