Эвакуацыя людзей завершана, аэрапорт ачэплены - што адбываецца ў Афганістане

© AP / Master Sgt. Alexander BurnettСітуацыя ў Кабуле
Сітуацыя ў Кабуле - Sputnik Беларусь, 1920, 31.08.2021
Злучаныя Штаты завяршылі самую доўгую ў сваёй гісторыі замежную ваенную кампанію, а разам з ёй - эвакуацыю амерыканскіх грамадзян і бежанцаў з Афганістана.
МІНСК, 31 жні - Sputnik. Аэрапорт у сталіцы Афганістана Кабуле, адкуль ажыццяўлялася эвакуацыя іншаземцаў і саюзнікаў ЗША, перайшоў пад поўны кантроль руху "Талібан" (тэрарыстычная арганізацыя, забароненая ў Расіі).
Напярэдадні вайскоўцы ЗША завяршылі аперацыю па эвакуацыі людзей і пакінулі Афганістан пасля амаль 20-гадовага знаходжання ў краіне.

Апошні самалёт

Апошнім з аэрапорта Кабула вылецеў ваенна-транспартны самалёт C-17 Globemaster III. На яго борце знаходзіўся таксама часовы павераны ў справах ЗША ў Афганістане Рос Уілсан.
Аб завяршэнні амерыканскай кампаніі распавёў у Вашынгтоне кіраўнік Цэнтральнага камандавання Узброеных сіл ЗША генерал Кенет Макензі.
Ён адзначыў, што так амерыканцы завяршылі працяглую місію ў Аўганістане па ўсталяванні свету.
"Коштам стала гібель 2 461 вайскоўца і грамадзянскіх асоб ЗША, больш за 20 тысяч былі паранены", - сказаў Макензі.
Апошнімі Афганістан пакінулі вайсковыя падраздзяленьні ЗША, якія забяспечвалі бяспеку кабульскага аэрапорта.

Эвакуацыя грамадзян Афганістана

Як заявілі ў Вашынгтоне, з 14 жніўня ЗША разам з саюзнікамі эвакуіравалі з Афганістана больш за 123 тысячы чалавек. Каля 6 тысяч з іх - амерыканцы. Астатнія - гэта грамадзяне іншых краін, а таксама афганцы.
Па дадзеных Дзярждэпартамента ЗША, у Афганістане застаецца менш за 200 амерыканцаў на дадзены момант.

Эвакуацыя замежнікаў і дыпламатаў

З краіны з-за абвастрэння сітуацыі вырашылі з'ехаць тысячы людзей: не толькі грамадзяне Афганістана, але і замежнікі, у тым ліку дыпламаты.
Аб спецрэйсах па вывазу сваіх ваенных і грамадзян заяўлялі такія краіны, як Канада, Вялікабрытанія, Расіі і іншыя. Таксама па дапамогу звярталіся і грамадзяне Беларусі - з краіны вывезлі шасцярых чалавек.
Прадстаўнік "Талібану" Забіхула Муджахід заявіў, што ўлады не падтрымліваюць такі маштабны вылет грамадзян з краіны, у сувязі з гэтым эвакуацыя была дазволена толькі да 31 жніўня.
Савет Бяспекі ААН у панядзелак падтрымаў рэзалюцыю, якая заклікае забяспечыць магчымасць афганцам, жадаючым пакінуць краіну, зрабіць гэта бяспечным спосабам.

Улада "Талібану"

Лідэры руху "Талібан" наведалі аэрапорт Кабула, які пакінулі амерыканскія вайскоўцы. Баевікі ўзялі ў ачапленне паветраную гавань, і не падпускаюць да яго грамадзян.
Такім чынам аэрапорт, адкуль ажыццяўлялася эвакуацыя, перайшоў пад поўны кантроль "Талібану".
Прадстаўнік руху Забіхула Муджахід заявіў, што ЗША пацярпелі паражэнне і не дасягнулі сваіх мэтаў у Афганістане.
Аднак рух мае намер усталяваць добрыя адносіны з Амерыкай, дадаў ён.
"Мы хочам добрых стасункаў з ЗША", - прыводзіць словы Муджахіда афганскае тэлебачанне.

Сітуацыя ў Афганістане

Становішча ў Афганістане абвастрылася пасля таго, як з краіны была выведзена вялікая частка амерыканскіх вайскоўцаў. Практычна ўсю тэрыторыю Афганістана і найбуйнейшыя гарады захапіў "Талібан".
У ноч на 16 жніўня кіраўніцтва руху заявіла, што вайна скончана, а форма праўлення стане яснай у бліжэйшы час.
Масавы ад'езд людзей выклікаў праблемы ў аэрапорце Кабула - яны баяліся пераследаў новай уладай, а таксама пагаршэння правоў чалавека ў краіне пры талібах. З-за беспарадкаў у паветранай гавані загінулі людзі, а праца аэрапорта неаднаразова перарывалася.
Чытайце таксама:
Лукашэнка расказаў, хто вінаваты ў крызісе ў Афганістане
Талібы расстралялі вядомага фальклорнага спевака і музыканта
Апошні самалёт з ваеннымі з Вялікабрытаніі пакінуў Кабул
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі