Талібы* заявілі аб заканчэнні вайны ў Афганістане

© REUTERS / STRINGERСітуацыя ў Афганістане
Сітуацыя ў Афганістане - Sputnik Беларусь, 1920, 06.09.2021
Падпісацца
Плануецца, што новы ўрад будзе абвешчаны ўжо праз некалькі дзён, у шэраг краін накіравалі запрашэнні на мерапрыемствы з гэтай нагоды.
МІНСК, 6 вер - Sputnik. Вайна ў Афганістане скончылася, пра гэта заявіў прадстаўнік руху "Талібан" (тэрарыстычная арганізацыя, забароненая ў Расіі) Забіўла Муджахід.
"Вайна ў Аўганістане скончана. Зараз мы будзем працаваць разам для аднаўлення краіны", - цытуе Муджахіда тэлеканал Shamshad News.
Ён таксама паведаміў, што новы ўрад краіны будзе абвешчаны праз некалькі дзён. У шэраг краін былі накіраваны запрашэнні на мерапрыемствы з гэтай нагоды.
Па дадзеных тэлеканала Al-Jazeera, працэдуры, якія патрэбныя для аб'явы новага ўрада, ужо завершаны. Інтрыга, аднак, не захавалася - вядома, што "лідэр руху застанецца на сваёй пасадзе" і будзе "кантраляваць урад".
У панядзелак рух "Талібан" паведаміў, што апошняя з 34 афганскіх правінцый Панджшэр, якая аказвала супраціў талібам, цалкам перайшла пад іх кантроль. "Талібан" заявіў, што мірным жыхарам шкода нанесена не была.
Пры гэтым сілы супраціву Панджшэра абвяргаюць дадзеную заяву.
Віцэ-прэзідэнт Афганістана Амрула Салех, які раней абвясціў сябе выконваючым абавязкі прэзідэнта, з'ехаў з Панджшэра ў Таджыкістан.
Паведамленне аб заканчэнні вайны ў Афганістане стала другім - першае "Талібан" зрабіў 16 жніўня пасля таго, як захапілі сталіцу краіны Кабул.

Што адбываецца ў Афганістане

"Талібан" актывізаваў наступ пасля таго, як ЗША практычна завяршылі вывад войскаў з Афганістана. У жніўні талібы ўзялі пад кантроль практычна ўсю тэрыторыю краіны, буйнейшыя гарады і сталіцу. Супраціў аказвала толькі правінцыя Панджшэр, дзе яго ўзначалілі Ахмад Масуд - сын Ахмад Шаха Масуда, які ў свой час кіраваў Паўночным альянсам, які выступаў супраць талібаў, і быў забіты ў 2001 годзе.
Краіну вырашылі пакінуць як мясцовыя жыхары, так замежнікі і дыпламаты. Масавы ад'езд выклікаў праблемы ў аэрапорце Кабула - яны баяліся пераследаў новай уладай, а таксама пагаршэння правоў чалавека ў краіне пры талібах. З-за беспарадкаў у паветранай гавані загінулі людзі, а праца аэрапорта неаднаразова перарывалася.
Эвакуацыя была дазволена да 31 жніўня. У гэты дзень з Кабула вылецеў апошні самалёт ЗША.
* Талібан - тэрарыстычная арганізацыя, забароненая ў Расіі.
Чытайце таксама:
Названа дата сустрэчы кіраўнікоў МЗС G7 па Афганістане
Талібы ўзялі пад свой кантроль правінцыю Панджшэр
Пуцін заклікаў аб'яднаць намаганні для вырашэння пытання Афганістана
Стужка навiн
0