Стала вядома, дзе і як захоўваецца кітайская вакцына ад COVID-19

© Минздрав БеларусиКітайская вакцына "Сінафарм"
Кітайская вакцына Сінафарм - Sputnik Беларусь, 1920, 07.09.2021
Вакцына была дастаўлена з Кітая ў Беларусь у спецыяльных кантэйнерах, якія забяспечваюць патрэбны тэмпературны рэжым.
МІНСК, 7 вер – Sputnik. На адказным захоўванні прадпрыемства "Белмытнясэрвіс" знаходзіцца 1,5 мільёна доз кітайскай вакцыны супраць каронавіруса, паведаміла прэс-служба Міністэрства аховы здароўя Беларусі.
Па словах дырэктара Мінскага філіяла РУП "Белмытнясэрвіс" Аляксандра Скачкоўскага, склады дазваляюць захоўваць у належных умовах усе лекі. Зараз на захоўванні прадпрыемства знаходзіцца і кітайская вакцына ад COVID-19.
Ён падкрэсліў, што прэпарат з Кітая знаходзіцца на асаблівым кантролі.

"Дадзены груз размешчаны на складах у асобным халадзільніку з тэмпературай у чатыры градусы па Цэльсіі, захоўваецца 29 палет. У склад грузу ўвайшлі 500 тысяч доз, якія кітайскі бок прадаставіў Беларусі ў якасці сяброўскай гуманітарнай дапамогі, а таксама мільён доз у рамках закупкі", - сказаў Скачкоўскі.

У прэс-службе Міністэрства аховы здароўя адзначылі, што прадпрыемства "Белмытнясэрвіс" адно з першых у рэспубліцы атрымала пацвярджэнне адпаведнасці сваіх складскіх комплексаў высокім міжнародным стандартам. Там таксама дадалі, што сярод важных задач ва ўсім свеце вылучаецца транспарціроўка вакцын, таму што іх вытворчасць будзе толькі нарастаць.

Дапамога Кітая

У Беларусь у нядзелю прыбыў самалёт з Пекіна з 1,5 мільёна доз вакцыны супраць COVID-19 вытворчасці карпарацыі "Сінафарм" (Vero Cell). Прытым, 500 тысяч доз з іх гуманітарная дапамога, а мільён закупілі беларускія ўлады.
Дастаўку вакцыны ў Беларусь арганізавалі прадстаўнікі Міністэрства аховы здароўя, пасольстваў дзвюх краін, РУП "Белфармацыя" і Рэспубліканскага цэнтра арганізацыі медыцынскага рэагавання.
Раней паведамлялася, што кітайскія партнёры перадалі ў Беларусь не толькі вакцыну супраць каронавіруса, але і паўмільёна шпрыцаў.
Чытайце таксама:
Самалёт з Пекіна з 1,5 млн доз вакцыны ад каронавіруса прыбыў у Мінск
Беларусь разлічвае пачаць выпуск кітайскай вакцыны ад каронавіруса
Да поўнай перамогі над COVID-19: Кітай працягне пастаўляць вакцыны ў Беларусь
Другая партыя кітайскай вакцыны ад COVID прыбыла ў Беларусь
Стужка навiн
0
Спачатку новыяСпачатку старыя
loader
У эфіры
Заголовок открываемого материала