"Адзіная Расія" набірае больш за 48% галасоў на выбарах у парламент

© Sputnik / Максим Богодвид / Перайсці ў медыябанкПадлік галасоў на выбарах у адзіны дзень галасавання
Падлік галасоў на выбарах у адзіны дзень галасавання - Sputnik Беларусь, 1920, 20.09.2021
Падпісацца
Папярэднія дадзеныя галасавання на выбарах у Дзярждуму РФ дазваляюць гаварыць пра тое, што галоўная партыя атрымае канстытуцыйную большасць.
МІНСК, 20 вер - Sputnik. Кандыдаты ад "Адзінай Расіі" перамагаюць у 195 аднамандатных выбарчых акругах на выбарах у парламент, заявіў сакратар генеральнага савета партыі Андрэй Турчак.
"Безумоўна, бюлетэні яшчэ падлічваюцца, але па стане на 8 раніцы па спісах "Адзіная Расія" набірае больш за 48% галасоў, што дазваляе нам атрымаць 120 мандатаў", - сказаў расійскі палітык на ранішнім брыфінгу.
Раней карэспандэнту Sputnik ў прэс-службе пасольства РФ у Мінску паведамілі, што больш за 11 тысяч грамадзян Расіі прынялі ўдзел у галасаванні на выбарах у Дзярждуму ў беларускай сталіцы.
У бягучым годзе галасаваць можна было на працягу 3 дзён з 17 па 19 верасня. Расійскі парламент абіраецца на пяць гадоў. Усяго ў ім 500 дэпутатаў, першая палова з якіх ідзе па партыйных спісах, а другая - па аднамандатных акругах.
У Дзярждуме канстытуцыйная большасць фармуецца, калі палітычная сіла набірае ў сваім актыве больш за 300 дэпутацкіх мандатаў. У цяперашніх выбарах прымалі ўдзел 14 партый.
Галасаванне ў расійскім пасольстве ў Мінску - Sputnik Беларусь, 1920, 20.09.2021
Больш за 11 тысяч расіян, якія жывуць у Беларусі, прагаласавалі на выбарах у Дзярждуму
Стужка навiн
0