Лукашэнка пра змены ў Канстытуцыю: як абяцалі, так і правядзем рэферэндум

© Sputnik / Виктор ТолочкоКанстытуцыя Рэспублікі Беларусь
Канстытуцыя Рэспублікі Беларусь - Sputnik Беларусь, 1920, 20.09.2021
Падпісацца
МІНСК, 20 вер - Sputnik. Прэзідэнт Беларусі Аляксандр Лукашэнка пацвердзіў гатоўнасць правесці ў рэспубліцы рэферэндум па ўнясенні змяненняў у Канстытуцыю. Пра гэта ён заявіў у панядзелак, прымаючы кадравыя рашэнні ў Палацы Незалежнасці.
У канцы жніўня Канстытуцыйная камісія накіравала Лукашэнку канчатковыя прапановы з папраўкамі ў Асноўны закон. Затым папраўкі ў Канстытуцыю будуць вынесены на ўсенароднае абмеркаванне, а рэферэндум плануецца правесці не пазней за люты наступнага года.
"Старшыням райвыканкамаў і супрацоўнікам вертыкалі ўлады давядзецца, вядома, нялёгка. Наперадзе ў нас рэферэндум. Нам давядзецца праводзіць яго, пераконваць людзей, хоць напружвацца мы асабліва не будзем", - сказаў Лукашэнка, ягога цыціруе БелТА.
Ён адзначыў, што "мы проста людзям раскажам, якія змены нас чакаюць у сувязі са зменай Канстытуцыі".
"Каб нас не папракнулі, што мы тут ўтрымліваем дзіка ўладу ссінелымі рукамі, як я часта кажу, і вось пад сябе робім гэтую Канстытуцыю", - падкрэсліў кіраўнік дзяржавы.
Лукашэнка асабліва адзначыў, ніхто пад сябе, уносячы змены ў Канстытуцыю, нічога рабіць не збіраецца.
"Як абяцалі, так правядзем рэферэндум", - дадаў прэзідэнт.
Звяртаючыся да новых кіраўнікоў на месцах, беларускі лідэр звярнуў увагу на неабходнасць працы з людзьмі.
"Калі мы хочам падтрымкі з боку насельніцтва, з боку беларускага народа, так трэба працаваць з народам. Вось такія вось задачы", - сказаў ён.
Стужка навiн
0