Прамы авіярэйс можа з'явіцца паміж Беларуссю і Венесуэлай

© Sputnik / Виталий Белоусов / Перайсці ў медыябанкСамалёт у небе
Самалёт у небе - Sputnik Беларусь, 1920, 22.09.2021
Падпісацца
Зараз, каб дабрацца да гэтай лацінаамерыканскай краіны, трэба рабіць перасадку ў Маскве: квіток каштуе нятанна, а ляцець трэба каля 16 гадзін.
МІНСК, 21 вер - Sputnik. Прамыя авіязносіны могуць быць запушчаны паміж Мінскам і Каракасам, гэтае пытанне ў аўторак абмеркавалі пасол Беларусі ў Венесуэле Андрэй Молчан і намеснік міністра па турызме гэтай рэспублікі Лецісія Гомес, паведамляе беларускае МЗС.
Бакі ўжо не ў першы раз паднімалі пытанне прасоўвання гэтай ініцыятывы. Адзначаецца, што праца па наладжванні прамых авіязносін будзе працягнута.
Таксама прадстаўнікі Беларусі і Венесуэлы казалі з нагоды супрацоўніцтва ў сферы турызму: у бліжэйшы час будзе сфарміравана дагаворна-прававая база ў гэтай галіне. Суразмоўцы ацанілі і перспектывы ўдзелу беларускіх будаўнікоў у стварэнні аб'ектаў туріндустрыі ў Венесуэле, перадае прэс-служба беларускага знешнепалітычнага ведамства.

Авіясанкцыі супраць Беларусі

Пасля інцыдэнту з экстраннай пасадкай у Мінску самалёта авіякампаніі Ryanair Захад заявіў, што Мінск прымусіў прызямліцца ў сваім аэрапорце пад прыдуманай падставай борт, якім з Афін у Вільнюс ляцеў адзін з заснавальнікаў прызнанага ў рэспубліцы экстрэмісцкім Telegram-канала Nexta і абвінавачаны Беларуссю па артыкуле "арганізацыя масавых беспарадкаў" Раман Пратасевіч. Пасля гэтага некаторыя авіякампаніі вырашылі лятаць, абмінаючы паветраную прастору Беларусі, а Еўрасаюз забараніў беларускім авіяперавознікам выкарыстоўваць сваю паветраную прастору і аэрапорты.
У канцы траўня першы віцэ-прэм'ер Беларусі Мікалай Снапкоў заявіў, што айчынная авіякампанія "Белавія" на фоне абмежаванняў будзе мяняць мадэль бізнэсу, нарошчваць палёты ў тыя краіны, куды перавозчыка пускаюць. У прыватнасці, плануецца развіваць рэйсы ў СНД. Да еўрапейскіх санкцый сетка рэгулярных рэйсаў авіякампаніі "Белавія" ахоплівала краіны Еўропы і Азіі.
Калі Беларусь застанецца ва ўмовах авіясанкцый, цалкам верагодна, што рэйсы ў Каракас будуць выконвацца праз Расію ў аблёт Украіны, Турцыю і краіны Паўночнай Афрыкі.
Чытайце таксама:
Расія здымае ўсе абмежаванні на авіязносіны з Беларуссю
Мінск вядзе перамовы з авіякампаніямі ЕС аб аднаўленні палётаў
Новы маршрут: чартар "Белавія" паляцеў у Іарданію
Стужка навiн
0