Відэа

Біяметрычныя дакументы: як і дзе ў Беларусі выпускаюць ID-карты - відэа

З 1 верасня 2021 года ў Беларусі ўведзены біяметрычныя дакументы. Глядзіце на відэа, як выпускаюцца ID-карты і пашпарты новага ўзору.
Ідэя перайсці на біяметрыю ўзнікла даўно, але рэалізавана была толькі ў верасні гэтага года. Выпускам гэтакай спецыфічнай прадукцыі займаецца рэспубліканскае ўнітарнае прадпрыемства "Крыптатэх". Яно падпарадкоўваецца Дэпартаменту дзяржаўных знакаў Міністэрства фінансаў Беларусі.
Тут працуюць спецыялісты, якія маюць патэнты на ўласныя вынаходкі. Яны старанна вывучылі перадавы замежны вопыт па вырабе біяметрычных дакументаў, ацанілі верагодныя рызыкі, падышлі да вырашэння пастаўленай задачы ў поўным узбраенні.
Тэхналогіі, якія прымяняюцца на прадпрыемстве - самыя сучасныя. Яны дазваляюць абараняць прадукцыю ад падробкі, выключаюць уцечку інфармацыі.
Працэс вырабу дакументаў такі: спачатку на полікарбанатныя лісты з двух бакоў наносяць друк, затым іх ламінуюць. З дапамогай спецабсталявання наносяць чып, а далей - фрэзероўка, клеенне, кантроль. Пасля карта паступае ў цэнтр персаналізацыі, там наносяць электрычны і графічны запіс. Усе замацоўваецца ўльтрафіялетавымі фарбамі і спецыяльным суперстойкім лакам.
Інфармацыя і базы дадзеных на прадпрыемстве надзейна абаронены, бо гэта рэжымны аб'ект. Спецыялісты "Крыптатэх" тлумачаць, што на прадпрыемстве прымяняюцца рашэнні, якія забяспечваюць надзейнасць і захаванасць лічбавых уліковых запісаў.
Беларусы пакуль не праяўляюць вялікай цікавасці да біяметрычных дакументаў, але ўкараненне лічбавых тэхналогій ужо не адмяніць, за імі будучыня.
ID-карта ўяўляе сабой пластыкавую карту з вялікай колькасцю ступеняў абароны. На адным баку нанесены практычна ўсе персанальныя дадзеныя аб грамадзяніне: каляровае фота, прозвішча, імя, ідэнтыфікацыйны нумар, дата нараджэння, грамадзянства і пол. На адваротным баку дакумента - QR-код і чорна-белая фатаграфія.
Таксама на Sputnik:
Можна ісці за новымі пашпартамі: 1 верасня ўступіў у сілу ўказ прэзідэнта
Біяметрычны пашпарт і ID-карты: асаблівасці новых дакументаў – відэа
Хто ў Беларусі атрымае першы біяметрычны пашпарт?
ID-карты: колькі будуць каштаваць, як аформіць і куды па іх з'ехаць
МУС РБ: у новых біяметрычных пашпартоў будзе высокая ступень абароны
Стужка навiн
0
Спачатку новыяСпачатку старыя
loader
У эфіры
Заголовок открываемого материала