https://bel.sputnik.by/20210927/kal--belarus-zapustsyats-dobraakhvotnae-pensynae-strakhavanne-1056758644.html

Калі ў Беларусі запусцяць добраахвотнае пенсійнае страхаванне?

Калі ў Беларусі запусцяць добраахвотнае пенсійнае страхаванне?

Sputnik Беларусь

Па словах кіраўніка Мінпрацы Ірыны Касцевіч, у праекце ўказа аб новым відзе пенсіённага страхавання закладзены механізм капіталізацыі, які ўлічвае інфляцыю... 27.09.2021, Sputnik Беларусь

2021-09-27T10:48+0300

2021-09-27T10:48+0300

2021-09-27T10:48+0300

інфляцыя

страхаванне

ірына касцевіч

пенсійная рэформа

https://cdnn11.img.sputnik.by/img/102488/36/1024883637_0:194:4001:2444_1920x0_80_0_0_495624b64428ac37b999d4ae89ec2464.jpg

МІНСК, 27 вер - Sputnik. Добраахвотнае пенсійнае страхаванне пачне працаваць у Беларусі ўжо ў наступным годзе, заявіла міністр працы і сацыяльнай абароны рэспублікі Ірына Касцевіч ў эфіры тэлеканала "Беларусь 1".Паводле яе слоў, цяпер трэба правесці шэраг арганізацыйна-тэхнічных мерапрыемстваў, дапрацаваць міністэрскія рэсурсы, каб без збою запусціць новую праграму.І дадала, што ў праекце ўказа аб добраахвотным пенсійным страхаванні закладзены механізм капіталізацыі, які ўлічвае інфляцыю, якая можа працякаць на працягу ўсяго назапашвальнага перыяду.Міністр падкрэсліла: беларусы ўжо ўдзельнічаюць у праграмах добраахвотнага пенсійнага страхавання, аднак пакуль гэты аспект развіваецца "дастаткова слабавата". Касцевіч згадала, што доля людзей, якія ўдзельнічаюць у гэтай праграме, складае сёння каля 5%.Паводле яе слоў, займацца добраахвотным пенсійным страхаваннем будзе рэспубліканскае прадпрыемства "Стравіта".Як беларусам павялічыць свае пенсіі?Новая сістэма добраахвотнага пенсійнага страхавання будзе цікава беларусам, якім да пенсіі засталося хаця б 10-15 гадоў. Зараз работнікі ўносяць абавязковы ўнёсак у 1% ад заработнай платы ў пенсійны фонд, прапануецца выплачваць дадатковы ўнёсак на назапашвальную пенсію ў памеры да 10% заробку.Кожны зможа вызначыць самастойна, які працэнт выбраць (але не больш за 10%). Разам з гэтым працадаўца абавязаны рабіць даплаты, супамерныя узносам работнікаў. Да прыкладу, калі чалавек абярэ дадатковы ўнёсак у памеры 1%, 2% або 3%, то наймальнік дадае такі ж працэнт. Калі ж чалавек абярэ 4% і вышэй (але не больш за 10%), то наймальнік усё роўна будзе дадаваць 3%.Пенсійная рэформа ў БеларусіНагадаем, у Беларусі ў 2022 годзе завершыцца пенсійная рэформа, якая акрэсліць тэрміны выйсця на пенсію ў наступныя гады. Для мужчын гэта 63 гады, для жанчын - 58 гадоў.Галоўная ўмова для атрымання працоўнай пенсіі ў Беларусі - наяўнасць стажу працы з выплатай абавязковых страхавых узносаў у ФСАН на працягу 18 гадоў. Але гэта пакуль: ў 2022 годзе паказчык вырасце да 18 гадоў і 6 месяцаў. Простымі словамі: калі ў вас ёсць зялёная пластыкавая картка сацстраха, і вы афіцыйна адпрацавалі як мінімум 18 гадоў, пенсію вы абавязкова атрымаеце.Важны нюанс: з кожным годам страхавы стаж павышаецца на паўгода. Гэта значыць, у 2023-м ён складзе ўжо 19 гадоў, а ў 2024-м - 19,5 гадоў. Завершыцца рэформа па стажу ў 2025 годзе - адпрацаваць да таго моманту прыйдзецца як мінімум 20 гадоў.Памеры пенсійЗ 1 верасня беларускім пенсіянерам пералічылі пенсіі. Гэта звязана з ростам сярэдняй зарплаты па краіне. Працоўныя пенсіі выраслі на 7% (на 25-30 рублёў). Апошні раз памер гэтых сацыяльных выплат змянялі 9 месяцаў таму, 1 снежня 2020-га.Цяпер сярэдняя пенсія па ўзросту ў Беларусі складае 512,78 рублёў (205 долараў па актуальнаму курсу Нацбанка).Чытайце таксама:

2021

Навіны

ru_BY

інфляцыя, страхаванне, ірына касцевіч, пенсійная рэформа