Міністэрства аховы здароўя РФ: зняты ўсе бар'еры для прызнання вакцыны "Спутник V" у СААЗ

© Sputnik / Владимир Трефилов / Перайсці ў фотабанкШпрыц і ампула на фоне лагатыпа "Спутник V"
Шпрыц і ампула на фоне лагатыпа Спутник V - Sputnik Беларусь, 1920, 02.10.2021
Пазіцыя Расіі з нагоды рэгістрацыі і прасоўвання расійскай вакцыны "Спутник V" цалкам пачута, заявіў кіраўнік расійскага Міністэрства аховы здароўя Міхаіл Мурашка.
МІНСК, 2 кас - Sputnik. Міністр аховы здароўя Расіі Міхаіл Мурашка заявіў аб ліквідацыі ўсіх бар'ераў па прызнанні вакцыны "Спутник V" у СААЗ. Заява расійскага міністра прагучала па выніках сустрэчы з прадстаўнікамі ЗША ў Жэневе, засталіся толькі некаторыя адміністрацыйныя працэдуры, удакладніў Мурашка.
"Пазіцыя Расіі з нагоды рэгістрацыі і прасоўвання расійскай вакцыны "Спутник V" цалкам пачута. <...> Цяпер неабходна, каб кампанія, якая займаецца рэгістрацыяй вакцыны на пляцоўцы СААЗ, падпісала шэраг дакументаў, прадаставіла дадаткова паперы", - паведаміў міністр.
Гендырэктар СААЗ Тэдрос Гебрэйесус пацвердзіў, што для "далейшай працы" перашкод няма, паведаміў міністр, сустрэча з кіраўніком СААЗ аб далейшым прызнанні расійскага прэпарата адбылася напярэдадні.
Мурашка таксама дадаў, што ЗША выказалі зацікаўленасць ва ўзаемным прызнанні сертыфікатаў аб вакцынацыі і што ў гэтым кірунку можна чакаць зрухаў.
На дадзены момант у Расіі зарэгістраваны пяць вакцын ад COVID-19. Першая з іх, "Спутник V", створана Нацыянальным даследчым цэнтрам эпідэміялогіі і мікрабіялогіі імя Н. Ф. Гамалеі, шырока ўжываецца для масавай імунізацыі, яе ўхвалілі ў 70 краінах. Расіянам таксама даступны "ЭпиВакКорона" ад новасібірскага цэнтра "Вектар" і "КовиВак" ад Цэнтра імя Чумакова РАН.
Для рэвакцынацыі рэкамендаваны "Спутник Лайт" - палегчаная версія "Спутника V", якая прадугледжвае аднаразовае ўвядзенне прэпарата.
У ліпені таксама быў выдадзены дазвол на клінічныя даследаванні прэпарата Санкт-Пецярбургскага НДІ вакцын і сываратак Федэральнага медыка-біялагічнага агенцтва.
Стужка навiн
0
Спачатку новыяСпачатку старыя
loader
У эфіры
Заголовок открываемого материала