Бывай, ЧС-2022: зборная Беларусі не здолела абыграць эстонцаў

© АБФФГульнявы ​​момант матча па футболе
Гульнявы ​​момант матча па футболе - Sputnik Беларусь, 1920, 09.10.2021
Першы гол у складзе гаспадароў поля забіў на 57-й хвіліне эстонскі форвард Эрык Сорга.
МІНСК, 9 кас – Sputnik. Нацыянальная зборная Беларусі па футболе не змагла абыграць каманду Эстоніі ў адборачным матчы чэмпіянату свету 2022 года, перадае Sputnik.
Сустрэча паміж камандамі прайшла ўвечары ў пятніцу 8 кастрычніка на гасцявым полі - у Таліне.
Першы гол у складзе гаспадароў поля забіў на 57-й хвіліне эстонскі форвард Эрык Сорга. На другой дадатковай хвіліне матча пераможную кропку ў гульні паставіў Сяргей Зянёў.
Да канца матча падапечныя Георгія Кандрацьева не змаглі адыграць хоць бы адзін мяч: у выніку на табло лік - 2:0 на карысць Эстоніі.
У рамках адбору на ЧС-2022 "белакрылыя" правялі два матчы ў сакавіку: выйгралі ў Эстоніі (4:2) і разгромна прайгралі Бельгіі (0:8). Пазней у верасні саступілі Чэхіі (0:1), Уэльсу (2:3) і зноў Бельгіі (0:1). У каманды засталіся яшчэ дзве гульні ў рамках 8-га і 9-га тураў - супраць Уэльса і Чэхіі.
Пасля пройгрышу эстонцам зборная Беларусі апусцілася на апошняе месца ў групе Е і страціла нават матэматычныя шансы трапіць на чэмпіянат свету: у Бельгіі - 16 ачкоў, у Чэхіі і Уэльса - па 8, у Эстоніі - 4.

Чэмпіянат свету ў Катары

У фінальную стадыю сусветнага першынства наўпрост ад Еўропы выйдуць пераможцы дзесяці груп. Уладальнікі другіх месцаў, а таксама дзве лепшыя зборныя з Лігі нацый будуць змагацца яшчэ за тры пуцёўкі на ЧС-2022.
Планетарнае першынство пройдзе ў Катары з 21 лістапада па 18 снежня 2022 года. На чэмпіянатах свету па футболе зборная Беларусі яшчэ ні разу не выступала.
Прэзідэнт Беларусі Аляксандр Лукашэнка на адкрыцці дзіцяча-юнацкага футбольнага цэнтра Дынама-Мінск - Sputnik Беларусь, 1920, 03.09.2021
Лукашэнка параіў футбалістам "Дынама" не мець з ім справы
Стужка навiн
0
Спачатку новыяСпачатку старыя
loader
У эфіры
Заголовок открываемого материала