Беларусь прыпыняе пагадненне з ЕС аб рэадмісіі

© Sputnik / Владимир Астапкович / Перайсці ў фотабанкСцяг ЕС каля будынка прадстаўніцтва Еўрапейскага Саюза ў Маскве
Сцяг ЕС каля будынка прадстаўніцтва Еўрапейскага Саюза ў Маскве - Sputnik Беларусь, 1920, 14.10.2021
Прэзідэнт Беларусі Аляксандр Лукашэнка падпісаў адпаведны закон, ухвалены парламентам.
МІНСК, 14 кас – Sputnik. Прэзідэнт Беларусі Аляксандр Лукашэнка падпісаў закон аб прыпыненні дзеяння пагаднення з Еўрапейскім саюзам аб рэадмісіі асоб, якія знаходзяцца без дазволу. Дакумент №125-3 апублікаваны ў чацвер на нацыянальным прававым інтэрнэт-партале.
Законапраект быў падрыхтаваны урадам "у рамках мер у адказ на недружалюбныя дзеянні, прынятыя ЕС і яго дзяржавамі-членамі ў дачыненні да Беларусі".
Прэзідэнт Беларусі прыняў рашэнне ўнесці дакумент для разгляду ў палату прадстаўнікоў Нацыянальнага схода.
Законапраект быў прыняты ніжняй палатай парламента краіны 4 кастрычніка года, і ў гэты ж дзень ухвалены верхняй палатай парламента.

Адмова ад рэадмісіі як адказ на санкцыі

Пагадненне аб рэадмісіі было падпісана ў Бруселі 8 студзеня 2020 года і ішло ў адным пакеце дакументаў аб палягчэнні візавага рэжыму ЕС для беларусаў, аб якім бакі дамаўляліся амаль 10 гадоў.
Пагадненне вызначала механізм перадачы, прыняцця і вяртання асоб, якія парушылі ўмовы ўезду, знаходжання і пражывання.
У пачатку восені 2021 года прэзідэнт Беларусі ўнёс у парламент праект закона аб прыпыненні пагаднення ў адказ на санкцыі Захаду, і законапраект быў прыняты.

Што такое рэадмісія

Рэадмісія - гэта згода дзяржавы на прыём назад на сваю тэрыторыю сваіх грамадзян (а таксама, у некаторых выпадках, замежнікаў, якія раней знаходзіліся або пражывалі ў гэтай дзяржаве), якія падлягаюць дэпартацыі з іншай дзяржавы.
Нагадаем, што адносіны Беларусі з краінамі Захаду пагоршыліся пасля прэзідэнцкіх выбараў 2020 года. Еўрасаюз, Вялікабрытанія, ЗША, Канада і шэраг іншых краін паэтапна ўводзілі санкцыі супраць беларускіх афіцыйных асоб, прадпрыемстваў.
У чэрвені ЕС запусціў эканамічныя сектаральныя санкцыі супраць Беларусі, на што ўлады краіны ўвялі санкцыі ў адказ.
У пачатку кастрычніка Еўрапарламент прыгразіў санкцыямі ў дачыненні да Расіі, калі стратэгічны партнёр Беларусі працягне падтрымліваць эканоміку рэспублікі.
Чытайце таксама:
Лукашэнка ініцыяваў "замарозку" пагаднення з ЕС аб рэадмісіі
ЕС шкадуе аб жаданні Беларусі "замарозіць" пагадненне аб рэадмісіі
Санкцыі пакуль не паўплывалі на кошт віз для беларусаў
Пяты пакет санкцый: супраць Беларусі ці Саюзнай дзяржавы?
Санкцыйны ціск ЕС пагоршыў інвестыцыйны клімат у краіне – Сівак
Лукашэнка: мы павінны "мярзотнікам па той бок" паказаць бяссілле санкцый
Візавы рэжым і рэадмісія: Беларусь дамовілася з Еўропай
Стужка навiн
0
Спачатку новыяСпачатку старыя
loader
У эфіры
Заголовок открываемого материала