Латвія стала сусветным "лідарам" па распаўсюджванню COVID-19 і сыходзіць у лакдаўн

© Sputnik / Кирилл Брага / Перайсці ў фотабанкЛячэнне хворых на Covid-19
Лячэнне хворых на Covid-19 - Sputnik Беларусь, 1920, 19.10.2021
Падпісацца на
Кожныя суткі ў рэспубліцы фіксуецца звыш 2000 новых выпадкаў захворвання на каронавірус.
МІНСК, 19 кас – Sputnik. Латвія стала сусветным лідарам па колькасці пацверджаных выпадкаў COVID-19 на мільён грамадзян.
Такія дадзеныя апублікаваў на сваёй старонцы ў сацыяльнай сетцы Facebook Юрый Перавошчыкаў - галоўны эпідэміёлаг Цэнтра прафілактыкі і кантролю захворванняў.
Паводле інфармацыі на 17 кастрычніка Латвія лідзіруе з тыднёвым паказчыкам 7679 выпадкаў заражэння COVID-19 на мільён насельніцтва. Ніжэй размясціліся Барбадас - 7125 і Грузія - 7106.
Кожныя суткі ў рэспубліцы фіксуецца звыш 2000 новых выпадкаў захворвання на каронавірус. Пры гэтым насельніцтва краіны складае ўсяго 1,8 мільёна чалавек. Зараз у Латвіі дзейнічае рэжым НС.

Жорсткі лакдаўн

З-за росту колькасці хворых на каронавірус улады Латвіі прынялі рашэнне ўвесці ў краіне строгія абмежавальныя меры на чатыры тыдні.
"З 21 кастрычніка да 15 лістапада будзе лакдаўн", - заявіў міністр аховы здароўя краіны Даніэль Павлюцс.
Гэта рашэнне напярэдадні прыняў Савет па крызісным кіраванні. Яго яшчэ трэба будзе зацвердзіць ураду. Прэм'ер-міністр Латвіі Крыш'яніс Карыньш дадаў, што такія меры прымаюцца на фоне нізкага ахопу вакцынацыяй насельніцтва.
На перыяд лакдаўна ў рэспубліцы будуць зачынены ўсе крамы, акрамя тых, дзе прадаюць тавары першай неабходнасці. Для насельніцтва будуць даступны толькі самыя неабходныя паслугі, забаўляльныя і навучальныя ўстановы ў гэты час не будуць працаваць. Акрамя таго, у краіне хочуць увесці каменданцкую гадзіну - з 20:00 да 05:00.
Школы, за выключэннем 1-3 класаў, пераводзяць на выдалены рэжым навучання.
Чытайце таксама:
Школьнікам і студэнтам з ВРВІ дазволілі 5 дзён не хадзіць на заняткі без даведкі
Лукашэнка мае намер дэталёва разабрацца ў сітуацыі з каронавірусам
Змяніліся правілы выезду за мяжу праз наземныя пункты пропуску
Калектыўны імунітэт да каронавіруса ў Расіі дасягнуў 45 працэнтаў
У 2022 годзе вакцын "Спутник V" і "Спутник Лайт" хопіць на 1 млрд чалавек
Стужка навiн
0
Спачатку новыяСпачатку старыя
loader
У эфіры
Заголовок открываемого материала