Ва Узбекістане праходзяць выбары прэзідэнта

© SputnikВыбарчы ўчастак
Выбарчы ўчастак - Sputnik Беларусь, 1920, 24.10.2021
Падпісацца на
Для перамогі на выбарах кандыдату трэба набраць больш за 50% галасоў. Парог яўкі выбаршчыкаў павінен скласці 33%.
МІНСК, 24 кас – Sputnik. Ва Узбекістане праходзяць выбары кіраўніка дзяржавы, паведамляе Sputnik Узбекістан.
Усе пяць кандыдатаў у прэзідэнты ўжо прагаласавалі. За галоўную пасаду краіны змагаюцца дзеючы прэзідэнт Шаўкат Мірзіееў, член Сената парламента Максуда Варысава, віцэ-прэзідэнт акадэміі навук краіны Бахром Абдухалімаў, дэпутат Заканадаўчай палаты парламента Алішэр Кадыраў і лідар Экалагічнай партыі Нарзуло Абламуродаў.

Колькасць выбаршчыкаў

Па дадзеных ЦВК Узбекістана, у спісак выбаршчыкаў уключаны 19,86 мільёна чалавек, утвораны 14 акруговых выбарчых камісій, 10 760 выбарчых участкаў.
Звыш 420 тысяч грамадзян, якія не маюць магчымасці ў дзень выбараў знаходзіцца па месцы жыхарства, змаглі прагаласаваць датэрмінова. Узбекістанцы могуць аддаць свой голас у тым ліку і за мяжой.
Для перамогі кандыдату неабходна набраць 50% галасоў. Лічыцца, што выбары адбыліся, калі яўка перавысіць 33%.

Назіральнікі на выбарах прэзідэнта

За выбарамі будуць сачыць больш за 64,5 тысячы мясцовых назіральнікаў і 970 міжнародных з амаль 50 краін ─ ад розных арганізацый, уключаючы СНД, АБСЕ, Шанхайскую арганізацыю супрацоўніцтва, Арганізацыю ісламскага супрацоўніцтва і Сусветную арганізацыю выбарчых органаў.
Асвятляюць выбары амаль 1,7 тысячы журналістаў, у тым ліку 233 прадстаўніка замежных СМІ. Бяспеку на выбарах забяспечаць супрацоўнікі МУС, Нацыянальнай гвардыі і Службы дзяржбяспекі Узбекістана. Папярэднія вынікі галасавання могуць быць вядомы ўжо ў панядзелак у першай палове дня.
Стужка навiн
0
Спачатку новыяСпачатку старыя
loader