https://bel.sputnik.by/20211104/adna-sesya--termn-u-5-gado-parlament-mozha-pamyanyats-farmat-raboty-1057670882.html
Адна сесія і тэрмін у 5 гадоў: парламент можа памяняць фармат работы
Адна сесія і тэрмін у 5 гадоў: парламент можа памяняць фармат работы
Sputnik Беларусь
Цяпер беларускія парламентарыі абіраюцца на чатырохгадовы тэрмін і збіраюцца на дзве сесіі ў год. 04.11.2021, Sputnik Беларусь
2021-11-04T16:49+0300
2021-11-04T16:49+0300
2023-02-23T14:06+0300
парламент
сесія
беларусь
https://cdnn11.img.sputnik.by/img/104074/84/1040748488_0:0:1200:676_1920x0_80_0_0_fb52deb3aae78b0d6ebe1807e9501219.jpg
МІНСК, 4 лістапада — Sputnik. Беларускі парламент можа перайсці на працу ў фармаце адной сесіі за год, такая норма закладзена ў праект абноўленай Канстытуцыі.Аб тым, што парламент мяняе фармат працы, паведаміла старшыня Савета рэспублікі Нацыянальнага сходу Беларусі Наталля Качанава па выніках сустрэчы кіраўніка дзяржавы з рабочай групай па дапрацоўцы праекта Асноўнага закона."Мы прапанавалі адну сесію. Мы павінны працаваць практычна ўвесь год: будзем пачынаць яе з трэцяга аўторка верасня і заканчваць у чэрвені. Гэта значыць, практычна год парламент будзе працаваць над законапраектамі, якія вельмі важныя для нашай краіны", - цытуе Качанаву БелТА.Цяпер абедзве палаты беларускага парламента збіраюцца на дзве чарговыя сесіі за год. Адна адкрываецца 2 кастрычніка, калі гэты дзень не выпадае на суботу ці нядзелю. Яе працягласць не павінна быць больш за 80 дзён. Другая сесія - 2 красавіка (калі гэта будны дзень), яе працягласць не можа перавышаць 90 дзён.Акрамя гэтага, плануецца, што дэпутаты і сенатары будуць абірацца не на чатыры гады, як гэта было заўжды, а на пяць.Парламент узмоцняць?У пакет канстытуцыйных змен унесены і пункт аб парламенце. Канстытуцыйная камісія, якая рыхтавала змены ў Асноўны закон, правяла асобнае пасяджэнне па раздзеле "парламент". Былі прапанаваны дастаткова сур'ёзныя змены ў Канстытуцыю.Пасля прыняцця абноўленай Канстытуцыі паўнамоцтвы Нацыянальнага сходу ў Беларусі плануецца пашырыць. Прапаноўвалася, што абедзве яго палаты будуць удзельнічаць у фармаванні складу Цэнтрвыбаркама. Акрамя гэтага, прапанавана частку прэзідэнцкіх паўнамоцтваў перадаць парламенту - каб узмацніць ягоную ролю ў фармаванні Цэнтральнай выбарчай камісіі.Таксама прапанавана замацаваць норму, у адпаведнасці з якой дэпутаты могуць вылучаць на пасады старшынь Вярхоўнага, Канстытуцыйнага і Вышэйшага гаспадарчага судоў, Генеральнага пракурора, кіраўніка праўлення Нацбанка.Функцыі парламентаПарламент у Беларусі - вышэйшы заканадаўчы орган. Нацыянальны сход складаецца з дзвюх палат - Палаты прадстаўнікоў (ніжняя палата) і Савета Рэспублікі (верхняя палата).Дэпутатаў заўсёды 110, яны абіраюцца па мажарытарнай сістэме. Верхняя палата фарміруецца тэрытарыяльным чынам ад кожнай вобласці і Мінска абіраюцца па 8 сенатараў. Акрамя гэтага, восем членаў Савета Рэспублікі прызначае прэзідэнт.Усяго Савет рэспублікі складаецца з 64 членаў.Згодна з заканадаўствам, дэпутаты атрымліваюць заработную плату, працуючы ў парламенце, сенатары пры гэтым працягваюць працаваць на сваіх ранейшых месцах.Дэпутатам можа быць грамадзянін краіны, які дасягнуў 21 года, сенатарам - які дасягнуў 30 гадоў.
https://bel.sputnik.by/20211101/yarmoshyna-nazvala-kolk-vydatkuyuts-na-pravyadzenne-referendumu-pa-kanstytutsy-1057599610.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
парламент, сесія, беларусь
парламент, сесія, беларусь
Адна сесія і тэрмін у 5 гадоў: парламент можа памяняць фармат работы
16:49 04.11.2021 (абноўлена: 14:06 23.02.2023) Цяпер беларускія парламентарыі абіраюцца на чатырохгадовы тэрмін і збіраюцца на дзве сесіі ў год.
МІНСК, 4 лістапада — Sputnik. Беларускі парламент можа перайсці на працу ў фармаце адной сесіі за год, такая норма закладзена ў праект абноўленай Канстытуцыі.
Аб тым, што парламент мяняе фармат працы, паведаміла старшыня Савета рэспублікі Нацыянальнага сходу Беларусі Наталля Качанава па выніках сустрэчы кіраўніка дзяржавы з рабочай групай па дапрацоўцы праекта Асноўнага закона.
"Мы прапанавалі адну сесію. Мы павінны працаваць практычна ўвесь год: будзем пачынаць яе з трэцяга аўторка верасня і заканчваць у чэрвені. Гэта значыць, практычна год парламент будзе працаваць над законапраектамі, якія вельмі важныя для нашай краіны", - цытуе Качанаву БелТА.
Цяпер абедзве палаты беларускага парламента збіраюцца на дзве чарговыя сесіі за год. Адна адкрываецца 2 кастрычніка, калі гэты дзень не выпадае на суботу ці нядзелю. Яе працягласць не павінна быць больш за 80 дзён. Другая сесія - 2 красавіка (калі гэта будны дзень), яе працягласць не можа перавышаць 90 дзён.
Акрамя гэтага, плануецца, што дэпутаты і сенатары будуць абірацца не на чатыры гады, як гэта было заўжды, а на пяць.
У пакет канстытуцыйных змен унесены і пункт аб парламенце. Канстытуцыйная камісія, якая рыхтавала змены ў Асноўны закон, правяла асобнае пасяджэнне па раздзеле "парламент". Былі прапанаваны дастаткова сур'ёзныя змены ў Канстытуцыю.
Пасля прыняцця абноўленай Канстытуцыі паўнамоцтвы Нацыянальнага сходу ў Беларусі плануецца пашырыць. Прапаноўвалася, што абедзве яго палаты будуць удзельнічаць у фармаванні складу Цэнтрвыбаркама. Акрамя гэтага, прапанавана частку прэзідэнцкіх паўнамоцтваў перадаць парламенту - каб узмацніць ягоную ролю ў фармаванні Цэнтральнай выбарчай камісіі.
Таксама прапанавана замацаваць норму, у адпаведнасці з якой дэпутаты могуць вылучаць на пасады старшынь Вярхоўнага, Канстытуцыйнага і Вышэйшага гаспадарчага судоў, Генеральнага пракурора, кіраўніка праўлення Нацбанка.
Парламент у Беларусі - вышэйшы заканадаўчы орган. Нацыянальны сход складаецца з дзвюх палат - Палаты прадстаўнікоў (ніжняя палата) і Савета Рэспублікі (верхняя палата).
Дэпутатаў заўсёды 110, яны абіраюцца па мажарытарнай сістэме. Верхняя палата фарміруецца тэрытарыяльным чынам ад кожнай вобласці і Мінска абіраюцца па 8 сенатараў. Акрамя гэтага, восем членаў Савета Рэспублікі прызначае прэзідэнт.
Усяго Савет рэспублікі складаецца з 64 членаў.
Згодна з заканадаўствам, дэпутаты атрымліваюць заработную плату, працуючы ў парламенце, сенатары пры гэтым працягваюць працаваць на сваіх ранейшых месцах.
Дэпутатам можа быць грамадзянін краіны, які дасягнуў 21 года, сенатарам - які дасягнуў 30 гадоў.
