Легендарны гурт ABBA выпусціў першы альбом за 40 гадоў

© AFP 2021 / -Гурт ABBA
Гурт ABBA  - Sputnik Беларусь, 1920, 05.11.2021
Падпісацца на
Калектыў перажывае другую хвалю папулярнасці: новыя трэкі ўжо даступныя на стрымінгавых музычных сэрвісах, а таксама на CD-дысках і аўдыёкасетах. Таксама даволі хутка пройдзе першы канцэрт гурта з 1982 года.
МІНСК, 5 ліс — Sputnik. Шведскі гурт ABBA у ноч на пятніцу выпусціў новы альбом Voyage ("Ваяж"), які стаў першым з пачатку 1980-х, паведамляецца на афіцыйным сайце калектыву.
У альбоме 10 трэкаў, яны ўжо даступныя для праслухоўвання на музычных інтэрнэт-сэрвісах, а таксама на CD-дысках і аўдыёкасетах. Як адзначае выданне Guardian, альбом уключае ў сябе эксперыменты з кельцкім фальклорам, закранае тэму змены клімату і заканчваецца кампазіцыяй, у якой гучыць мелодыя з вальса Чайкоўскага.
З нагоды выхаду новых песень гурт паведаміў, што ў канцы траўня 2022 года адбудзецца канцэрт на спецыяльна пабудаванай арэне ў Алімпійскім парку ў Лондане, разлічанай на 3 тысячы гледачоў. Чакаецца, гэта будзе галаграфічнае шоу: на сцэне будуць "спяваць" віртуальныя выявы ўдзельнікаў ABBA у суправаджэнні 10 сапраўдных музыкантаў.
© JONATHAN NACKSTRANDНовы альбом ABBA у краме гуказапісу ў Стакгольме
Новый альбом ABBA в магазине звукозаписи в Стокгольме - Sputnik Беларусь, 1920, 05.11.2021
Новы альбом ABBA у краме гуказапісу ў Стакгольме
ABBA - адзін з найболей паспяховых музычных калектываў за ўсю гісторыю. Гурт, заснаваны ў 1972 годзе, названы па першых літарах імёнаў выканаўцаў - Агнеты Фельтскаг, Б'ёрна Ульвеуса, Бені Андэрсана і Ані-Фрыд Лінгстад.
Афіцыйна гурт не абвяшчаў аб сваім распадзе, аднак з пачатку 1980-х не выступаў і не выпускаў новых песень. У свеце прададзена каля 400 мільёнаў сінглаў і кружэлак гурта.
У 2015 годзе іх кампазіцыя пад назвай Dancing Queen ("Танцуючая каралева") была ўключана ў Залу славы прэстыжнай амерыканскай прэміі "Грэмі".
У музеі гурта ABBA - Sputnik Беларусь, 1920, 27.04.2018
Гурт АВВА запісаў новую кампазіцыю ўпершыню за 35 гадоў
Стужка навiн
0
Спачатку новыяСпачатку старыя
loader