Крэмль пракаменціраваў магчымы дыялог Лукашэнкі і Ціханоўскай
© Sputnik / Алексей Майшев
/ Падпісацца
Аляксандр Лукашэнка ў інтэрв'ю ВВС сказаў, што сядзе за стол перагавораў з экс-кандыдатам у прэзідэнты Ціханоўскай, як толькі Пуцін вырашыць паразмаўляць з расійскім апазіцыянерам Навальным.
МІНСК, 23 ліс – Sputnik. Прэс-сакратар расійскага прэзідэнта Дзмітрый Пяскоў пракаменціраваў словы беларускага лідара Аляксандра Лукашэнкі аб закліках да дыялогу з апазіцыяй.
На яго думку, кіраўнік беларускай дзяржавы вельмі маляўніча заявіў аб немагчымасці і адсутнасці тэмы для размовы са Святланай Ціханоўскай.
Журналісты спыталі ў Пяскова, з кім, на думку расійскага прэзідэнта, Лукашэнку варта весці перамовы з беларускай апазіцыі. Ён адзначыў, што Расія не цісне на беларускага прэзідэнта наконт таго, з кім весці перамовы, а з кім не.
"Безумоўна, тут не можа ісці размова аб нейкім ціску. Прэзідэнт Беларусі, суверэннай краіны, сам вызначае, з кім яму весці дыялог і для чаго", - дадаў прадстаўнік Крамля.
Калі Лукашэнка паразмаўляе з Ціханоўскай?
Аляксандр Лукашэнка ў інтэрв'ю ВВС назваў некаторых прадстаўнікоў беларускай апазіцыі "здраднікамі" і сказаў, што весці з імі перамовы не будзе. Ён параўнаў сітуацыю з апазіцыяй у Беларусі з расійскай, а Святлану Ціханоўскую - з Аляксеем Навальным.
"Я магу паралель правесці. Вось як толькі Пуцін з Навальным сядуць за стол перагавораў, я імгненна са Святланай (Ціханоўскай - Sputnik) пачну весці перамовы", - адзначыў Лукашэнка.
На яго думку, Навальны - "гэта прадажны чалавек, і Пуцін з ім ніколі не сядзе за стол перагавораў".
Расія нападзе на Украіну праз Беларусь?
Таксама ў Пяскова папрасілі пракаменціраваць словы прадстаўніка ўкраінскага мінабароны Кірыла Буданава аб тым, што Расія нібыта рыхтуецца да нападзення на Украіну. У сваю чаргу агенцтва "Блумберг" паведаміла, што разведка ЗША лічыць, што Расія нібыта плануе ўварванне на Украіну з трох напрамкаў - з тэрыторыі Крыма, з мацерыковай мяжы і праз Беларусь.
"Мы ўжо неаднаразова заяўлялі на самых розных узроўнях, што Расія не збіраецца ні на каго нападаць. Расія не выношвае ніякіх агрэсіўных планаў", - адказаў прэс-сакратар Пуціна.
Таксама на Sputnik:
Інтэрв'ю Аляксандра Лукашэнкі тэлеканалу BBC – поўная версія
ГУБАЗіК і снайперы забяспечвалі бяспеку Ціханоўскай - Карпянкоў
СК не стаў узбуджаць справу аб неправамерным прымяненні сілы ў жніўні 2020-га
Лукашэнка выказаўся пра "збіццё і катаванні" на Акрэсціна
Ціханоўскую не выключалі з міждзяржаўнай базы вышуку СНД
"Подласць небывалая": Захарава пра заявы Ціханоўскай у Кангрэсе ЗША
КДБ РБ унёс у спіс маючых дачыненне да тэрарызму Ціханоўскую і Латушку
Генпракуратура накіравала Літве просьбу аб экстрадыцыі Ціханоўскай
Лукашэнка распавёў пра Ціханоўскую, санкцыі і сустрэчы ў СІЗА КДБ
