https://bel.sputnik.by/20211127/pamr-belarusk-paet-mkola-myatltsk-1058296734.html
Памёр беларускі паэт Мікола Мятліцкі
Памёр беларускі паэт Мікола Мятліцкі
Sputnik Беларусь
Мікола Мятліцкі - лаўрэат Дзяржаўнай прэміі Рэспублікі Беларусь, Спецыяльнай прэміі Прэзідэнта дзеячам культуры і мастацтва. 27.11.2021, Sputnik Беларусь
2021-11-27T14:24+0300
2021-11-27T14:24+0300
2021-11-27T14:24+0300
літаратура
прэмія
беларускія паэты
https://cdnn11.img.sputnik.by/img/07e5/0b/1b/1058296404_0:422:900:928_1920x0_80_0_0_4f4cbd33f8e4a505160b0ce597748050.jpg
МІНСК, 27 ліс – Sputnik. На 68-м годзе жыцця памёр беларускі паэт Мікола Мятліцкі.Вестку пра смерць паведаміла Саюзу пісьменнікаў Беларусі яго жонка раніцай у суботу. Калегі па цэху гавораць, што ён апошнім часам вельмі хварэў, але па-ранейшаму займаўся літаратурай.“Для нас гэта не проста трагічная і сумная навіна, бо ролю і значнасць гэтага паэта цяжка пераацаніць. Уся яго творчасць прасякнута грамадзянскай пазіцыяй, любоўю да радзімы. Мы памятаем той момант, калі пасля аварыі на Чарнобыльскай АЭС ён вярнуўся ў сваю родную вёску Бабчын. Ён жыў там некалькі дзён, адчуў стан вёскі. Жыў у дамах сваіх аднавяскоўцаў. Ён вярнуўся назад, падарваўшы сваё здароўе, але з'явілася кніга на вастрыі гэтых душэўных перажыванняў", - цытуе БелТА першага намесніка старшыні Саюза пісьменнікаў Беларусі Алену Стэльмах.Яна падзялілася, што зараз падрыхтаваны да друку трэці том абранай паэзіі Мятліцкага. Па словах Стэльмах, паэт быў вельмі актыўным, шмат працаваў, займаўся перакладамі, шмат перакладаў кітайскіх паэтаў. Таму для сяброў ягоны сыход стаў нечаканасцю."Ён любіў жыццё, любіў паэзію, дапамагаў маладым. Гэта быў сапраўдны чалавек, паэт, настаўнік, сябар. Я не магу паверыць у тое, што адбылося. У яго яшчэ было шмат задумак і планаў", - дадаў галоўны рэдактар часопіса "Полымя" Віктар Шніп.Паэт і журналістБеларускі паэт, перакладчык, публіцыст, журналіст Мікола Мятліцкі нарадзіўся 20 сакавіка 1954 года ў вёсцы Бабчын (Хойніцкі раён Гомельскай вобласці), у сялянскай сям'і.У 1976 годзе скончыў філалагічны факультэт Беларускага дзяржаўнага ўніверсітэта імя У.І. Леніна. Працаваў карэспандэнтам газеты "Ленінскі сцяг", штотыднёвіка "Літаратура і мастацтва". З 1983 года быў старшым рэдактарам рэдакцыі крытыкі, літаратуразнаўства і драматургіі выдавецтва "Мастацкая літаратура".На працягу 12 гадоў (2002-2014 гады) займаў пасаду галоўнага рэдактара легендарнага беларускага літаратурнага часопіса "Полымя".Цэнтральнай тэмай творчасці Мятліцкага стала чарнобыльская трагедыя, якая непасрэдна закранула родныя мясціны паэта — вёску Бабчын Хойніцкага раёна.Пераклаў на беларускую мову шэраг тэкстаў паэтаў Кітая, Індыі, Таджыкістана, Казахстана.Мікола Мятліцкі быў удастоены Дзяржаўнай прэміі Рэспублікі Беларусь і Спецыяльнай прэміі Прэзідэнта ў галіне культуры і мастацтва.
https://bel.sputnik.by/20211020/test-ts-vedaetse-vy-sapradnyya-prozvshchy-vyadomykh-belaruskkh-ltaratara-1057132887.html
Sputnik Беларусь
media@sputniknews.com
+74956456601
MIA „Rosiya Segodnya“
2021
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
літаратура, прэмія, беларускія паэты
літаратура, прэмія, беларускія паэты
Памёр беларускі паэт Мікола Мятліцкі
Мікола Мятліцкі - лаўрэат Дзяржаўнай прэміі Рэспублікі Беларусь, Спецыяльнай прэміі Прэзідэнта дзеячам культуры і мастацтва.
МІНСК, 27 ліс – Sputnik. На 68-м годзе жыцця памёр беларускі паэт Мікола Мятліцкі.
Вестку пра смерць паведаміла Саюзу пісьменнікаў Беларусі яго жонка раніцай у суботу. Калегі па цэху гавораць, што ён апошнім часам вельмі хварэў, але па-ранейшаму займаўся літаратурай.
“Для нас гэта не проста трагічная і сумная навіна, бо ролю і значнасць гэтага паэта цяжка пераацаніць. Уся яго творчасць прасякнута грамадзянскай пазіцыяй, любоўю да радзімы. Мы памятаем той момант, калі пасля аварыі на Чарнобыльскай АЭС ён вярнуўся ў сваю родную вёску Бабчын. Ён жыў там некалькі дзён, адчуў стан вёскі. Жыў у дамах сваіх аднавяскоўцаў. Ён вярнуўся назад, падарваўшы сваё здароўе, але з'явілася кніга на вастрыі гэтых душэўных перажыванняў", - цытуе БелТА першага намесніка старшыні Саюза пісьменнікаў Беларусі Алену Стэльмах.
Яна падзялілася, што зараз падрыхтаваны да друку трэці том абранай паэзіі Мятліцкага. Па словах Стэльмах, паэт быў вельмі актыўным, шмат працаваў, займаўся перакладамі, шмат перакладаў кітайскіх паэтаў. Таму для сяброў ягоны сыход стаў нечаканасцю.
"Ён любіў жыццё, любіў паэзію, дапамагаў маладым. Гэта быў сапраўдны чалавек, паэт, настаўнік, сябар. Я не магу паверыць у тое, што адбылося. У яго яшчэ было шмат задумак і планаў", - дадаў галоўны рэдактар часопіса "Полымя" Віктар Шніп.
Беларускі паэт, перакладчык, публіцыст, журналіст Мікола Мятліцкі нарадзіўся 20 сакавіка 1954 года ў вёсцы Бабчын (Хойніцкі раён Гомельскай вобласці), у сялянскай сям'і.
У 1976 годзе скончыў філалагічны факультэт Беларускага дзяржаўнага ўніверсітэта імя У.І. Леніна. Працаваў карэспандэнтам газеты "Ленінскі сцяг", штотыднёвіка "Літаратура і мастацтва". З 1983 года быў старшым рэдактарам рэдакцыі крытыкі, літаратуразнаўства і драматургіі выдавецтва "Мастацкая літаратура".
На працягу 12 гадоў (2002-2014 гады) займаў пасаду галоўнага рэдактара легендарнага беларускага літаратурнага часопіса "Полымя".
Цэнтральнай тэмай творчасці Мятліцкага стала чарнобыльская трагедыя, якая непасрэдна закранула родныя мясціны паэта — вёску Бабчын Хойніцкага раёна.
Пераклаў на беларускую мову шэраг тэкстаў паэтаў Кітая, Індыі, Таджыкістана, Казахстана.
Мікола Мятліцкі быў удастоены Дзяржаўнай прэміі Рэспублікі Беларусь і Спецыяльнай прэміі Прэзідэнта ў галіне культуры і мастацтва.
20 кастрычніка 2021, 08:55
