Мінсельгасхарч аб эмбарга: Беларусь будзе забяспечана харчаваннем

© Sputnik / Светлана ЯценюкПрадуктовая крама
Прадуктовая крама - Sputnik Беларусь, 1920, 08.12.2021
Падпісацца на
У Мінсельгасхарчы Беларусі не бачаць праблем з забеспячэннем магазінаў краіны мяса-малочнай прадукцыяй, а таксама агароднінай і садавінай.
МІНСК, 8 сне - Sputnik. Унутраны рынак Беларусі будзе забяспечаны харчаваннем, а прадпрыемствы рэспублікі - сыравінай, заявіў намеснік міністра сельскай гаспадаркі і харчавання Беларусі Аляксей Багданаў.
Нагадаем, напярэдадні стала вядома аб увядзенні забароны на ўвоз на тэрыторыю рэспублікі шэрагу тавараў, якія паходзяць з дзяржаў, якія прымяняюць незаконныя антыбеларускія санкцыі. Адпаведныя нормы замацаваны пастановай беларускага Саўміна ад 6 снежня 2021 года нумар 700 "Аб прымяненні спецыяльных мер у адносінах асобных відаў тавараў”.
Згодна з дакументам з 1 студзеня 2022 года ўводзіцца харчовае эмбарга на шэраг тавараў з дзяржаў, якія "рэалізуюць дыскрымінацыйную палітыку і ажыццяўляюць недружалюбныя дзеянні ў адносінах да нашай краіны".

Праблем з мяса-малочнай прадукцыяй не прадбачыцца

"Беларусь ужо даўно выбудоўвала палітыку па забеспячэнні харчовай бяспекі ўласнымі сіламі. Нам удалося гэтага дабіцца ўжо больш за 10 гадоў таму", – заявіў у сераду Аляксей Багданаў.
Паводле яго слоў, Беларусь поўнасцю забяспечвае сябе таварамі мяса-малочнай групы, больш за тое, па гэтай пазіцыі мае значны экспартны патэнцыял: пры вытворчасці амаль 8 млн т малочнай прадукцыі ў год, 4,8 млн т дуць на экспарт у 58 краін. Што да мяса, то тут экспартны патэнцыял складае 32 працэнты ад вытворчасці.
Багданаў падкрэсліў, што амаль уся мяса-малочная прадукцыя ў беларускіх магазінах - айчыннай вытворчасці.
"Гэтыя тавары нікуды не прападуць, яны былі, ёсць і будуць. І толькі будзе пашырацца асартымент і аб'ём выпускаемай прадукцыі згодна з нашым планам. Спажывец не адчуе ніякіх змяненняў з пункту гледжання насычэння паліц", - запэўніў намеснік міністра.

У прадпрыемстваў будзе сыравіна

Што да забеспячэння перапрацоўчых прадпрыемстваў сыравінай, то тут Багданаў таксама не бачыць праблем.
"Мы маем квоты ў рамках ЕАЭС па свініне, мясе птушкі. Такія тавары мы ўвозім на 90% з краін, якія не трапілі ў спіс", - заявіў ён.
І прывёў прыклад: толькі 4 працэнты ялавічыны завозілася летась з краін Еўропы, большую частку свініны закупілі ў Расіі. Акрамя таго, Беларусь кожны год дабаўляе ў аб'ёмах вытворчасці мяса птушкі, ялавічыны, свініны, малочнай прадукцыі.
"Доля імпарту з кожным годам становіцца меншай", - канстатаваў Аляксей Багданаў.

Закласці новыя сады

Паводле дадзеных намесніка міністра, доля айчыннай агародніны і садавіны на прылаўках складае ад 60 да 90 працэнтаў у залежнасці ад віду. Частка такой прадукцыі імпартуецца ў міжсезонне. Аднак і па гэтых пазіцыях праблем у Мінсельгасхарчы не чакаюць.
"Многія тавары, якія завозіліся з ЕС, ішлі транзітам. Таму нашым камерцыйным структурам, якія займаюцца імпартам, неабходна хутка пераарыентавацца непасрэдна на вытворцаў", - сказаў намеснік міністра. І дадаў, што можа быць знойдзены варыянт паставак, пры якім гэта будзе нават таннейшым чым праз еўрапейскага пасярэдніка.
Акрамя таго, новыя ўмовы працы могуць стымуляваць айчынных вытворцаў і інвестараў да павелічэння аб'ёмаў вытворчасці агародніны і садавіны ў Беларусі, высадкі новых садоў, лічыць Аляксей Багданаў.

Якія краіны трапілі пад санкцыі

Сярод дзяржаў, у адносінах да якіх будуць прымяняцца абмежавальныя меры:
краіны ЕС
ЗША
Канада
Нарвегія
Албанія
Ісландыя
Паўночная Македонія
Вялікабрытанія і Ірландыя
Чарнагорыя
Швейцарыя
У пераліку тавараў, якія падлягаюць забароне ў Беларусі, – свінні і свініна, мяса буйной рагатай жывёлы, некаторыя субпрадукты, розныя віды іншага мяса (у тым ліку салёнае, сушанае або вэнджанае), малочная прадукцыя, гародніна, арэхі і садавіна, розныя віды тлушчу, каўбасы, кандытарскія вырабы. і іншыя тавары.
Пры гэтым пастанова Саўміна змяшчае шэраг выняткаў, але не закране тавары, якія ўвозяцца беларусамі для асабістага спажывання або, напрыклад, прызначаны для дзіцячага харчавання, і шэраг іншых пазіцый крытычнага імпарту.
Падрыхтавана па матэрыялах БелТА
Сцяг Беларусі, архіўнае фота - Sputnik Беларусь, 1920, 07.12.2021
Мінск уводзіць харчовае эмбарга на тавары з краін Захаду
Стужка навiн
0
Спачатку новыяСпачатку старыя
loader
У эфіры
Заголовок открываемого материала