Кадры: Лукашэнка прызначыў двух новых губернатараў
11:09 13.12.2021 (абноўлена: 12:50 13.12.2021)
© Sputnik / Алексей Даничев
Падпісацца
Кіраўнік дзяржавы праводзіць другі кадравы панядзелак запар, мінулым разам ён прызначыў першага намесніка міністра аховы здароўя, першага намесніка міністра лясной гаспадаркі і іншых чыноўнікаў на пасады кіраўнікоў органаў дзяржкіравання.
МІНСК, 13 сне - Sputnik. Прэзідэнт Беларусі Аляксандр Лукашэнка прызначыў двух новых губернатараў, паведамляе Telegram-канал "Пул Першага", блізкі да прэс-службы кіраўніка дзяржавы.
Новым губернатарам Магілёўскай вобласці прызначаны былы намеснік Савета Рэспублікі Анатоль Ісачэнка, а Віцебскую вобласць узначаліў віцэ-прэм'ер краіны Аляксандр Субоцін.
Не "адкідваць" ранейшых губернатараў
Назначаючы кіраўніком Віцебскага рэгіёну Аляксандра Субоціна, кіраўнік дзяржавы падкрэсліў, што трэба заняцца ў першую чаргу сельскагаспадарчым развіццём вобласці.
"Мы з вамі як з віцэ-прэм'ерам дамаўляліся аб тым, што сур'ёзна паглядзім, як ідуць справы ў Віцебскай вобласці. Мы больш не можам спакойна глядзець, як вырашаюцца некаторыя пытанні. А вырашаюцца яны не па ўсіх напрамках так, як мы думалі", - сказаў Лукашэнка, яго цытуе БелТА.
Ён дадаў, што новаму старшыні Віцебскага аблвыканкама трэба звярнуць увагу на развіццё ў прыватнасці Аршанскага мясакамбіната, а таксама Міёрскага металапракатнага завода. Прэзідэнт папярэдзіў, што ў бліжэйшы час збіраецца наведаць гэтае прадпрыемства і азнаёміцца з яго работай.
"Гэта значыць праблем нямала. Вам лёгка будзе ўвайсці ў курс справы. Але і яшчэ папрашу: вы не "адкідвайце" цяперашняга губернатара. Вы яго вопыт павінны выкарыстоўваць, на якой рабоце ён ні працаваў бы пасля гэтага", - заклікаў кіраўнік дзяржавы.
Ён таксама адзначыў, што былыя губернатары не застануцца ў баку - яны ўнеслі свой уклад у развіццё даручаных ім рэгіёнаў. "Але патрэбны новыя людзі", - сказаў прэзідэнт.
Ратацыя кадраў
Анатоль Ісачэнка прызначаны ў Магілёўскую вобласць не ўпершыню: у канцы 1980-х ён працаваў у калгасах Горацкага і Шклоўскага раёнаў, пасля ўзначальваў Кіраўскі райвыканкам, быў намеснікам старшыні Магілёўскага аблвыканкама. Лукашэнка зазначыў, што Ісачэнка, які да новага прызначэння быў намеснікам старшыні Савета Рэспублікі, патрэбна "канкрэтная работа".
"Я вельмі рады, што вы няўтульна сябе адчуваеце ў кабінеце, што вам трэба канкрэтная праца. Мне падабаецца ваша стратэгічнае мысленне, я гэта бачыў у Мінскай вобласці (Ісачэнка быў старшынёй Мінскага аблвыканкама з 2017 па 2019 год - Sputnik). Таму вы таксама вяртаецеся на сваю родную зямлю, гэта ратацыя кадраў", - растлумачыў прэзідэнт.
Што да экс-губернатара Магілёўскай вобласці Леаніда Зайца, ён прызначаны членам Савета Рэспублікі. Лукашэнка заявіў, што ён шмат зрабіў для развіцця вобласці і "быў гатовы папрацаваць на іншай пасадзе".
Што вядома аб Ісачэнка і Субоціне?
Анатоль Ісачэнка – ураджэнец Бранскай вобласці, нарадзіўся ў 1966 годзе. Акрамя працоўнай дзейнасці ў Магілёўскай вобласці, быў памочнікам прэзідэнта Беларусі - галоўным інспектарам па Мінскай вобласці, пазней - старшынёй Мінскага аблвыканкама.
У снежні 2019 года прэзідэнт перавёў Ісачэнку на работу ў верхнюю палату беларускага парламента - Савет Рэспублікі.
У снежні 2019 года прэзідэнт перавёў Ісачэнку на работу ў верхнюю палату беларускага парламента - Савет Рэспублікі.
Аляксандр Субоцін нарадзіўся ў пасёлку Руба Віцебскай вобласці ў 1976 годзе. Скончыў Віцебскую дзяржаўную акадэмію ветэрынарнай медыцыны, у якой да 2015 года працаваў у якасці дацэнта кафедры. Быў намеснікам міністра сельскай гаспадаркі, адначасова ўзначальваў дэпартамент ветэрынарнага і харчовага нагляду Беларусі.
Займаў таксама пасады памочніка прэзідэнта - інспектара па Віцебскай вобласці і пазней - аналагічную пасаду ў Магілёўскай вобласці, быў членам калегіі (міністрам) па прамысловасці і АПК у ЕАЭС. У 2020 годзе назначаны намеснікам прэм'ер-міністра Беларусі.
