Да –17°С: якое надвор'е чакае беларусаў у сераду

© Pixabay / Franz26Зімовы лес, архіўнае фота
Зімовы лес, архіўнае фота - Sputnik Беларусь, 1920, 28.12.2021
Падпісацца на
Марознае надвор'е, паводле папярэдніх прагнозаў сіноптыкаў, зменіцца практычна ў апошні дзень адыходзячага года.
МІНСК, 28 сне – Sputnik. У сераду месцамі па Беларусі тэмпература можа апусціцца да –17°С, пра гэта паведамілі ў прэс-службе Белгідрамета.
Надвор'е ў рэспубліцы ў сярэдзіне тыдня вызначыць вобласць павышанага атмасфернага ціску, якая фарміруецца ў халоднай і вільготнай паветранай масе.
Па прагнозах, будзе воблачнае з праясненнямі надвор'е. У асобных раёнах магчымы невялікі снег, у начны і ранішні час месцамі слабы туман.
На асобных участках дарог захаваецца галалёдзіца. Вецер паўднёва-ўсходні, усходні ўмераны.
У начны час слупок тэрмометра будзе апускацца да –8… –14°С, пры праясненнях тэмпература можа ўпасці і да –15… –17°С. Днём будзе цяплей, аднак усё яшчэ па-зімоваму халаднавата - ад –4°С да –10°С.
Атмасферны ціск у гэты дзень будзе падаць.

Якое надвор'е чакаць 30 снежня

У чацвер ноччу тэмпература адчувальна не зменіцца: ноччу захаваецца –8... –13°С, месцамі таксама застануцца ўсё тыя ж –17°С, аднак днём пацяплее. Па паўднёвым захадзе ўжо можа быць і вышэй за 0: +2°С, ва ўсходняй частцы лёгкі мароз - застаецца –8°С.
Пры гэтым на большай частцы тэрыторыі рэспублікі магчымы кароткачасовыя ападкі: снег і мокры снег, а днём па паўднёва-заходняй частцы таксама яшчэ і з дажджом.

Якое надвор'е будзе на Новы год

У апошні дзень адыходзячага года будзе дастаткова цёпла з-за атмасферных франтоў і цёплых паветраных мас, якія прыйшлі з Атлантыкі. Уначы ўжо чакаецца плюсавая тэмпература - ад +2°С па паўднёвым захадзе да –8°С ва ўсходняй частцы Беларусі, днём усталюецца традыцыйнае "каля нуля" - ад –2 да +5°С.
Будзе воблачна, на большай частцы тэрыторыі краіны магчымы ападкі ў выглядзе снегу, мокрага снегу і дажджу.
Месцамі чакаецца туман, галалёд, на дарогах - галалёдзіца.
Таксама на Sputnik:
Якое надвор'е чакае беларусаў у апошнія дні снежня – Рабаў
Еўропу накрыла снегам: цудоўная падборка фота
З абліваннямі і ў купальніках: Калядны забег прайшоў у Мінску – відэа
Стужка навiн
0
Спачатку новыяСпачатку старыя
loader
У эфіры
Заголовок открываемого материала