Навагодні зварот прэзідэнта Беларусі Аляксандра Лукашэнкі

© пресс-служба президента БеларусиПрэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь, 1920, 01.01.2022
Падпісацца на
Прэзідэнт Беларусі ў апошнія хвіліны адыходзячага 2021 года звярнуўся да беларускай нацыі з навагоднім пасланнем.
Дарагія мае суайчыннікі! Паважаныя госці Беларусі!
Праз некалькі хвілін 2021 стане яшчэ адной перавернутай старонкай у жыцці кожнага з нас, у гісторыі нашай краіны.
Гэтую гісторыю пішам мы, рэалізуючы задуманае, увасабляючы мары, нараджаючы дзяцей і ствараючы сем'і. І я кажу дзякуй усім, хто пражыў кожны дзень адыходзячага года з любоўю да людзей і роднай зямлі, павагай да памяці свайго народа і нацыянальных традыцый.
Вам - сялянам і працоўным, лекарам і настаўнікам, людзям у пагонах, навукоўцам і дзеячам культуры, журналістам і спартсменам, кіраўнікам і працоўным калектывам.
Менавіта так - карпатліва, дзень за днём - вось ужо 30 гадоў будуецца і расквітае наша суверэнная дзяржава. І пагадзіцеся, аглядаючыся ў пачатак 90-х, нам ёсць чым ганарыцца. Мы пабудавалі сучасную, стабільную і паспяховую краіну. Насуперак выклікам часу ўпэўнена ставім новыя мэты і ідзем наперад.
Спакойна, без мітусні расцім хлеб, вучым дзяцей, змагаемся за здароўе нацыі, ствараем выгоду і камфорт у гарадах і сёлах, укараняем у вытворчасць сучасныя тэхналогіі і праектуем аб'екты будучыні.
І мы нямала за гэты год зрабілі: пабудавалі новыя дамы, дарогі, масты, камфартабельныя жылыя мікрараёны, адкрылі школы, дзіцячыя сады, бальніцы, паліклінікі, падарылі краіне яркія творчыя праекты і спартыўныя перамогі.
Усё гэта - вынік вашай працы, вашай самааддачы. І адказ тым, хто не хоча бачыць на карце свету нашу маладую незалежную дзяржаву.
Але яно будзе! Яшчэ і таму, што на беларускай зямлі і сёння нараджаюцца мужныя людзі, гатовыя працаваць, змагацца, а калі трэба - аддаць жыццё за сваю краіну, за свой народ.
Мы заўсёды будзем дзякаваць нашым урачам за выратаванне маленькага беларуса, які вынес з агню брата.
Болем і гонарам будуць адклікацца ў нашых сэрцах імёны ваенных лётчыкаў, якія пайшлі ў свой апошні палёт.
Мы будзем выхоўваць сыноў на памяці байца гурта "Альфа", які з гонарам выканаў сваё апошняе заданне.
Усе яны - равеснікі нашай незалежнасці, моцныя, смелыя, тыя, хто любіць сваю Радзіму, сапраўдныя героі сучаснай Беларусі.
Яны сталі ў адзін рад з пакаленнем пераможцаў Вялікай Айчыннай вайны. Пакінулі ў гісторыі свой дастойны прыклад сапраўднага патрыятызму і велічы душы.
Я таксама ганаруся ўсімі, хто праявіў сёлета такія рэдкія ў наш жорсткі век чалавечнасць, міласэрнасць, праўдзівы гуманізм да людзей, якія страцілі сваю Радзіму і вымушаныя шукаць новую мясціну.
Мы гэта зрабілі таму, што добра разумеем вялікую каштоўнасць міру, дома і хлеба. Каштоўнасць таго, за што самі змагаліся ў сваёй гісторыі не аднойчы.
Беларусь памятае ўрокі мінулага. Таму ў адыходзячым годзе мы разам адрадзілі традыцыю адзначаць дату ўз'яднання беларускіх земляў. Дзень народнага адзінства стаў дзяржаўным святам - адным з сімвалаў станаўлення беларускай нацыянальнай дзяржавы.
Гэта наша зямля, гэта наш лёс, гэта нашая гісторыя. І толькі мы будзем яе вяршыць. Гэтага не змяніць, пакуль у кожным з нас гарыць незгасальнае полымя любові да Радзімы.
Ставячы перад сабой новыя мэты, мы ведаем, што не ў нашых сілах усё прадбачыць, але ў нашай уладзе ў надыходзячым годзе вызначыць для сябе галоўнае.
Гэта тое, што павінна быць у памяці пакаленьняў і ў сэрцы кожнага. Гэта нашы рэальныя вытокі - тая гаючая сіла, якая стагоддзямі сілкавала і фармавала наш духоўны і маральны свет. У ёй і сёння мы чэрпаем мудрасць, досвед і веру ў сябе.
Таму 2022 год стане Годам гістарычнай памяці.
Бо без павагі да мінулага, без традыцый няма будучыні, няма дзяржавы і няма народа.
Дарагія беларусы! Ад новага, 2022 года, нас аддзяляюць лічаныя секунды. Яны нясуць нас у будучыню з вялізнай хуткасцю.
Кожны зараз успамінае самыя эмацыйныя імгненні адыходзячага 2021 года. Мы дзякуем яму за ўсё добрае, што з намі здарылася, за вопыт, які набылі, за любімых, родных і блізкіх, якія былі апорай у цяжкія, радасныя і шчаслівыя дні.
Гэта і ёсць самае бясцэннае багацце, залог таго, што ўсё задуманае намі, нашы лепшыя чаканні і надзеі выканаюцца, а Беларусь стане яшчэ прыгажэй і багацей.
Галоўнае - каб усе былі здаровыя, на нашай зямлі быў мір, а ў вашых сем'ях панавалі згода, шчасце і каханне.
Віншую вас са святам! З новым, 2022 годам!
На фінішнай прамой: якім быў 2021 год у гісторыі Беларусі – відэа - Sputnik Беларусь, 1920, 31.12.2021
Відэа
На фінішнай прамой: якім быў 2021 год у гісторыі Беларусі – відэа
Чытайце таксама:
Лукашэнка згуляў у хакей, наведаў РНПЦ "Маці і дзіця" і аб'явіў Год гістарычнай памяці
Лукашэнка павіншаваў Пуціна з Новым годам
Стужка навiн
0
Спачатку новыяСпачатку старыя
loader
У эфіры
Заголовок открываемого материала