https://bel.sputnik.by/20220102/smval-2022-yak-zhyvuts-u-zaaparku-surovy-sherkhan--dobraya-tayga-1059190193.html
Сімвал 2022: як жывуць у заапарку суровы Шэрхан і добрая Тайга
Сімвал 2022: як жывуць у заапарку суровы Шэрхан і добрая Тайга
Sputnik Беларусь
Гродзенскі тыгр Шэрхан з'ядае 12 кіло сырога мяса ў дзень, яго спадарожніца Тайга - у тры разы менш, парачка 10 гадоў разам, але сустракаліся яны толькі адзін... 02.01.2022, Sputnik Беларусь
2022-01-02T10:44+0300
2022-01-02T10:44+0300
2022-01-02T10:44+0300
новы год
гродзенскі заапарк
сімвал
тыгр
https://cdnn11.img.sputnik.by/img/07e5/0c/1e/1059150269_16:0:1945:1085_1920x0_80_0_0_f8715710586211b442cca69057e0bec8.jpg
ГРОДНА, 2 сту - Sputnik, Іна Грышук. У Гродзенскім заапарку жывуць цэлых два сімвалы 2022 года - пара амурскіх тыграў па мянушцы Шэрхан і Тайга. Падчас экскурсій тут можна даведацца, які характар у тыгра і як жывуць самыя буйныя драпежныя каты ў свеце.Кожны гуляе сам па сабеУ Гродзенскім заапарку пара амурскіх тыграў жыве ўжо дзесяць гадоў, але за гэты час наведвальнікі ні разу яшчэ не бачылі іх разам. Як аказалася, нездарма."Тыгры - гэта драпежнікі-адзіночкі. У дзікай прыродзе яны заўсёды жывуць асобна, сыходзяцца толькі ў шлюбны перыяд, але дзіцянят самка выхоўвае. Тыгр пасля спарвання сыходзіць і можа знайсці сабе адну ці дзве самкі. Гэтым тыгры адрозніваюцца, напрыклад, ад львоў, якія заўсёды жывуць вялікімі сем'ямі – прайдамі і разам клапоцяцца пра нашчадства. Калі два тыгра апынуцца ўдваіх у адным вальеры, гэта выкліча агрэсію ў абодвух, можа пачацца бойка", – пачынае расповед экскурсавод Гродзенскага заапарка Анастасія Лупач.Па словах экскурсавода, з надыходам маразоў амурскія тыгры сталі выходзіць на прагулку з асаблівым задавальненнем. Бо снег і тайговы холад - гэта іх натуральнае асяроддзе пасялення. Ад маразоў іх ратуе густая цёплая поўсць. Арэал пасялення амурскіх тыграў Далёкі Усход Расіі: ахоўныя тэрыторыі ў Хабараўскам краі на берагах рэк Амур і Усуры, у Прыморскім краі.У свеце налічваецца каля 550 асобін амурскага тыгра, большая частка з іх жыве на тэрыторыі Расіі. Амурскія тыгры занесены ў Міжнародную Чырвоную кнігу, а таксама ў Чырвоную кнігу Расіі. Каля ста гадоў таму яны апынуліся на мяжы знікнення, калі паляўнічыя вынішчылі 97% папуляцыі далёкаўсходняга тыгра.На іх было забаронена паляванне, з таго часу папуляцыя павялічылася прыкладна ў 20 разоў, але амурскі тыгр па-ранейшаму носіць статус рэдкай жывёлы.Нараджэнне тыгранят у няволі - вялікая рэдкасцьТыгры Шэрхан і Тайга пасяліліся ў Гродзенскім заапарку дзесяць гадоў таму. Тайга нарадзілася ў 2010, у Гродна прыехала ў 2011 годзе з Пензенскага заапарка, Шэрхан на год малодшы за сваю сяброўку па вальеры, ён прыбыў у 2012 годзе з заапарка Удмуртыі. Паласатая парачка ўнікальная тым, што пяць гадоў таму ў іх з'явілася патомства, а гэта рэдкасць для тыграў, якія жывуць у няволі.Па словах суразмоўцы, Тайга аказалася клапатлівай мамай. Малых назвалі Хельга і Губерт. Дарэчы, мянушку для тыграня-самца ў 2016 годзе выбіраў увесь горад. Цяпер яны жывуць у цэнтры агратурызму пад Мінскам.Меню ШэрханаГродзенскі сімвал надыходзячага года тыгр Шэрхан адрозніваецца выдатным апетытам. Аказалася, што ён есць больш, чым іншыя драпежнікі ў заапарку."У Шэрхана максімальнае меню. У дзень ён з'ядае па 12 кілаграмаў мяса. Гэта ў асноўным ялавічына, часам курыца. Шерхан есць больш, чым львы, якім даюць па 8-9 кіло мяса ў дзень. Для параўнання Тайга з'ядае ўсяго 4,5 кіло" мяса ў дзень. Але Шэрхан вельмі буйны тыгр, тыгрыца больш мініяцюрная", – адзначае экскурсавод.Тыгры сілкуюцца штодня, узімку ў меню ўключаюць таксама сырыя яйкі, прарошчаны авёс. Раз у тыдзень драпежнікам належыць даваць жывы корм - труса, курыцу ці голуба. У заапарку тлумачаць, што такім чынам тыгры могуць папаляваць, бо яны драпежнікі і павінны памятаць пра гэта. Таксама гэта карысна для іх добрага псіхалагічнага самаадчування. Жывую ежу тыграм заўсёды даюць у зачыненых памяшканнях, каб не агаломшыць наведвальнікаў. Раз на тыдзень па нядзелях у іх галодны дзень."У жывой прыродзе ў тыграў бываюць няўдалыя перыяды, калі няма здабычы, у натуральных умовах яны могуць тыдзень жыць без ежы. У нас галодны перыяд - толькі на адзін дзень", - удакладніла субяседніца.Як забаўляюць тыграўНапярэдадні Новага года ў вальеры тыграў з'явілася навагодняя ялінка, упрыгожаная цацкамі для вялікіх котак, кавалкамі мяса, тушкай курыцы. Тыгры новую канструкцыю заўважылі адразу, але разбіваць яе не сталі, у першыя дні знялі частку пачастункаў і цацак.“Тыгры вельмі асцярожныя жывёлы. Гэта пацвярджае характар Шэрхана. Калі ў вальеры нешта змянілася, ён не адразу падыдзе, спачатку будзе назіраць збоку. Шэрхан увогуле не любіць ніякіх зменаў, ён вельмі наравісты, часам нават у вальер адмаўляецца сыходзіць, калі прыходзіць час для прагулкі Тайгі. Тыгрыца Тайга больш ахвотна гуляе, яна больш рахманая, адклікаецца на сваю мянушку", - адзначыла Лупач.Для забаўкі тыграў супрацоўнікі заапарка часам падвешваюць шыны, кладуць бярвенне, каб жывёлы маглі патачыць кіпцюры. Могуць пакласці падушкі ці пудзілы з саломы. У мінулым годзе пад Новы год зляпілі снегавіка. Было цікава назіраць, як тыгры рэагавалі на яго.Улетку любімае месца амурскіх тыграў - гэта міні-басейн. Амурскія тыгры вельмі любяць ваду, хоць і ставяцца да сямейства каціных, яны добра плаваюць, могуць, напрыклад, пераплысці Амур.У гродзенскім заапарку гавораць, што тыгры Шэрхан і Тайга заўсёды былі аднымі з самых любімых жывёлін. Перад Новым годам наведвальнікі прыходзілі, каб зрабіць фота на памяць і на поспех. У заапарку мяркуюць, што ў 2022 годзе жадаючых паглядзець і лепш даведацца пра звычкі самай буйной драпежнай коткі будзе яшчэ больш.Таксама на Sputnik:
Sputnik Беларусь
media@sputniknews.com
+74956456601
MIA „Rossiya Segodnya“
2022
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
новы год, гродзенскі заапарк, сімвал, тыгр
новы год, гродзенскі заапарк, сімвал, тыгр
Сімвал 2022: як жывуць у заапарку суровы Шэрхан і добрая Тайга
Гродзенскі тыгр Шэрхан з'ядае 12 кіло сырога мяса ў дзень, яго спадарожніца Тайга - у тры разы менш, парачка 10 гадоў разам, але сустракаліся яны толькі адзін раз.
ГРОДНА, 2 сту - Sputnik, Іна Грышук. У Гродзенскім заапарку жывуць цэлых два сімвалы 2022 года - пара амурскіх тыграў па мянушцы Шэрхан і Тайга. Падчас экскурсій тут можна даведацца, які характар у тыгра і як жывуць самыя буйныя драпежныя каты ў свеце.
У Гродзенскім заапарку пара амурскіх тыграў жыве ўжо дзесяць гадоў, але за гэты час наведвальнікі ні разу яшчэ не бачылі іх разам. Як аказалася, нездарма.
"Тыгры - гэта драпежнікі-адзіночкі. У дзікай прыродзе яны заўсёды жывуць асобна, сыходзяцца толькі ў шлюбны перыяд, але дзіцянят самка выхоўвае. Тыгр пасля спарвання сыходзіць і можа знайсці сабе адну ці дзве самкі. Гэтым тыгры адрозніваюцца, напрыклад, ад львоў, якія заўсёды жывуць вялікімі сем'ямі – прайдамі і разам клапоцяцца пра нашчадства. Калі два тыгра апынуцца ўдваіх у адным вальеры, гэта выкліча агрэсію ў абодвух, можа пачацца бойка", – пачынае расповед экскурсавод Гродзенскага заапарка Анастасія Лупач.
На прагулкі тыгры гродзенскага заапарка выходзяць у розны час сутак. Шэрхан - у першай палове дня, Тайга - пасля абеду і ўвечары.
Па словах экскурсавода, з надыходам маразоў амурскія тыгры сталі выходзіць на прагулку з асаблівым задавальненнем. Бо снег і тайговы холад - гэта іх натуральнае асяроддзе пасялення. Ад маразоў іх ратуе густая цёплая поўсць. Арэал пасялення амурскіх тыграў Далёкі Усход Расіі: ахоўныя тэрыторыі ў Хабараўскам краі на берагах рэк Амур і Усуры, у Прыморскім краі.
У свеце налічваецца каля 550 асобін амурскага тыгра, большая частка з іх жыве на тэрыторыі Расіі. Амурскія тыгры занесены ў Міжнародную Чырвоную кнігу, а таксама ў Чырвоную кнігу Расіі. Каля ста гадоў таму яны апынуліся на мяжы знікнення, калі паляўнічыя вынішчылі 97% папуляцыі далёкаўсходняга тыгра.
На іх было забаронена паляванне, з таго часу папуляцыя павялічылася прыкладна ў 20 разоў, але амурскі тыгр па-ранейшаму носіць статус рэдкай жывёлы.
Нараджэнне тыгранят у няволі - вялікая рэдкасць
Тыгры Шэрхан і Тайга пасяліліся ў Гродзенскім заапарку дзесяць гадоў таму. Тайга нарадзілася ў 2010, у Гродна прыехала ў 2011 годзе з Пензенскага заапарка, Шэрхан на год малодшы за сваю сяброўку па вальеры, ён прыбыў у 2012 годзе з заапарка Удмуртыі. Паласатая парачка ўнікальная тым, што пяць гадоў таму ў іх з'явілася патомства, а гэта рэдкасць для тыграў, якія жывуць у няволі.
“У заапарках часта бывае, што жывуць два абсалютна здаровыя тыгры – самец і самка, але патомства не даюць. Чаму? Гэта загадка. Магчыма, проста не ўзнікае сімпатыі адзін да аднаго. У дзікіх умовах тыгры самі выбіраюць сабе пару, а ў заапарку такога выбару няма. Так што гродзенскаму заапарку пашанцавала", - тлумачыць Лупач.
Па словах суразмоўцы, Тайга аказалася клапатлівай мамай. Малых назвалі Хельга і Губерт. Дарэчы, мянушку для тыграня-самца ў 2016 годзе выбіраў увесь горад. Цяпер яны жывуць у цэнтры агратурызму пад Мінскам.
Гродзенскі сімвал надыходзячага года тыгр Шэрхан адрозніваецца выдатным апетытам. Аказалася, што ён есць больш, чым іншыя драпежнікі ў заапарку.
"У Шэрхана максімальнае меню. У дзень ён з'ядае па 12 кілаграмаў мяса. Гэта ў асноўным ялавічына, часам курыца. Шерхан есць больш, чым львы, якім даюць па 8-9 кіло мяса ў дзень. Для параўнання Тайга з'ядае ўсяго 4,5 кіло" мяса ў дзень. Але Шэрхан вельмі буйны тыгр, тыгрыца больш мініяцюрная", – адзначае экскурсавод.
Тыгры сілкуюцца штодня, узімку ў меню ўключаюць таксама сырыя яйкі, прарошчаны авёс. Раз у тыдзень драпежнікам належыць даваць жывы корм - труса, курыцу ці голуба. У заапарку тлумачаць, што такім чынам тыгры могуць папаляваць, бо яны драпежнікі і павінны памятаць пра гэта. Таксама гэта карысна для іх добрага псіхалагічнага самаадчування. Жывую ежу тыграм заўсёды даюць у зачыненых памяшканнях, каб не агаломшыць наведвальнікаў. Раз на тыдзень па нядзелях у іх галодны дзень.
"У жывой прыродзе ў тыграў бываюць няўдалыя перыяды, калі няма здабычы, у натуральных умовах яны могуць тыдзень жыць без ежы. У нас галодны перыяд - толькі на адзін дзень", - удакладніла субяседніца.
Напярэдадні Новага года ў вальеры тыграў з'явілася навагодняя ялінка, упрыгожаная цацкамі для вялікіх котак, кавалкамі мяса, тушкай курыцы. Тыгры новую канструкцыю заўважылі адразу, але разбіваць яе не сталі, у першыя дні знялі частку пачастункаў і цацак.
“Тыгры вельмі асцярожныя жывёлы. Гэта пацвярджае характар Шэрхана. Калі ў вальеры нешта змянілася, ён не адразу падыдзе, спачатку будзе назіраць збоку. Шэрхан увогуле не любіць ніякіх зменаў, ён вельмі наравісты, часам нават у вальер адмаўляецца сыходзіць, калі прыходзіць час для прагулкі Тайгі. Тыгрыца Тайга больш ахвотна гуляе, яна больш рахманая, адклікаецца на сваю мянушку", - адзначыла Лупач.
Для забаўкі тыграў супрацоўнікі заапарка часам падвешваюць шыны, кладуць бярвенне, каб жывёлы маглі патачыць кіпцюры. Могуць пакласці падушкі ці пудзілы з саломы. У мінулым годзе пад Новы год зляпілі снегавіка. Было цікава назіраць, як тыгры рэагавалі на яго.
Улетку любімае месца амурскіх тыграў - гэта міні-басейн. Амурскія тыгры вельмі любяць ваду, хоць і ставяцца да сямейства каціных, яны добра плаваюць, могуць, напрыклад, пераплысці Амур.
У гродзенскім заапарку гавораць, што тыгры Шэрхан і Тайга заўсёды былі аднымі з самых любімых жывёлін. Перад Новым годам наведвальнікі прыходзілі, каб зрабіць фота на памяць і на поспех. У заапарку мяркуюць, што ў 2022 годзе жадаючых паглядзець і лепш даведацца пра звычкі самай буйной драпежнай коткі будзе яшчэ больш.
Навагоднія цацкі, свечкі і хлапушкі:
як упрыгожвалі ёлку ў СССРНа фінішнай прамой: якім быў
2021 год у гісторыі Беларусі – відэа
