Каронавірусны ўздым: новая статыстыка па COVID-19

© Sputnik / Александр Патрин / Перайсці ў фотабанкАддзяленне для пацыентаў з Covid-19 у бальніцы
Аддзяленне для пацыентаў з Covid-19 у бальніцы - Sputnik Беларусь, 1920, 06.01.2022
Падпісацца на
У краіне больш за 52% жыхароў атрымалі першую дозу антыкавіднай вакцыны, поўнасцю вакцынаваўся 41% беларусаў.
МІНСК, 6 сту - Sputnik. У Беларусі за мінулыя суткі на каронавірус захварэлі 1400 чалавек, такія звесткі публікуе прэс-служба Міністэрства аховы здароўя рэспублікі.
У лік ачунялых патрапілі прыкладна столькі ж - 1378 пацыентаў, а вось памерлі ад інфекцыйных ускладненняў 16 чалавек.
У Беларусі назіраецца новы ўздым захворвання, канстатуюць медыкі. Гэта бачна па лічбах, якія Міністэрства аховы здароўя публікавала з першых дзён новага года:
1 студзеня - 1311;
2 студзеня - 711;
3 студзеня - 507;
4 студзеня - 675;
5 студзеня - 1133.
Колькасць хворых у Беларусі з пачатку пандэміі ўжо наблізілася да 705 тысяч чалавек. Акрыялі амаль 698 тысяч, памерлі 5 669 беларусаў. У актыўнай стадыі лячэння знаходзяцца больш за 1300 жыхароў краіны.
Таксама за ўвесь час каронавіруснай эпідэміі ў Беларусі было зроблена больш за 11 мільёнаў тэстаў.

Вакцынаваны дзеці і дарослыя

Міністэрства аховы здароўя напярэдадні прывяло статыстыку аб колькасці прышчэпленых жыхароў краіны. Па дадзеных на 5 студзеня, першы ўкол зрабілі больш за 4 896 000 беларусаў, другі - 3 821 000 чалавек.
Таксама адну дозу вакцыны зрабілі больш за 2,9 тысячы падлеткаў ад 12 да 17 гадоў.

"Амікрон" у Беларусі

Першыя выпадкі інфіцыравання новым штамам "амікрон", які прызнаны больш заразным, чым папярэднія версіі COVID-19, былі зарэгістраваны ў Беларусі 29 снежня.
Заразіліся чацвёра раней не прышчэпленых мінчанін ва ўзросце ад 20 да 46 гадоў, яны знаходзяцца на самаізаляцыі дома. Па дадзеных Міністэрства аховы здароўя, ва ўсіх пацыентаў каронавірус працякае ў лёгкай форме. Вядома таксама, што адзін з хворых, хутчэй за ўсё, мог прывезці новы штам з Егіпта - сыходзіцца па тэрмінах заражэння.
Аб новых выпадках заражэння гэтым варыянтам каронавіруса больш не паведамлялася.
Чытайце таксама:
Беларусь закупіць 4 млн доз расійскай вакцыны ад каронавіруса
Навукоўцы ацанілі ўздзеянне штаму "амікрон" на лёгкія
Амаль 52% беларусаў прышчапіліся ад каронавіруса
Стужка навiн
0
Спачатку новыяСпачатку старыя
loader
У эфіры
Заголовок открываемого материала