Міністэрства аховы здароўя паставіла новую задачу па вакцынацыі беларусаў

© Sputnik / Виктор ТолочкоМіністр аховы здароўя Дзмітрый Піневіч
Міністр аховы здароўя Дзмітрый Піневіч - Sputnik Беларусь, 1920, 22.01.2022
Падпісацца на
Yandex newsTelegram
Пры гэтым ведамства плануе прывіваць ад карoнавіруса і дзяцей малодшага ўзросту, як толькі будзе для іх адобраны прэпарат.
МІНСК, 22 сту - Sputnik. Вакцынаваць ад каронавіруснай інфекцыі плануецца не менш за 60% беларусаў, заявіў міністр аховы здароўя Дзмітрый Піневіч.
Ён указаў, што да канца 2021 года была практычна выканана задача па вакцынацыі першым кампанентам як мінімум 50 працэнтаў насельніцтва.
"Я думаю, што мы дойдзем да тых лічбаў, якія планавалі, - 60 працэнтаў усяго насельніцтва першым і затым другім кампанентам", - сказаў Піневіч у эфіры тэлеканала "Беларусь 1".
Гаворачы аб вакцынацыі непаўналетніх, міністр адзначыў, што Міністэрства аховы здароўя чакае рэгістрацыі для дзяцей малодшага ўзросту і "Спутник", і вакцын іншых вытворцаў.
Пры гэтым Піневіч падкрэсліў, што пакуль няма патрэбы адчыняць пункты вакцынацыі ва ўстановах адукацыі.

Хуткія крокі "амікрона"

Гаворачы аб сітуацыі з захворваннем на каронавірус у краіне, кіраўнік Міністэрства аховы здароўя ахарактарызаваў яе як звычайную для гэтага перыяду. Пры гэтым канстатаваў, што рост ёсць.
"Амікрон" калі не сямімільнымі, то хуткімі крокамі замяшчае штам "дэльта". Тыдні два - і будзе такая пярэстая сітуацыя, калі будзе "амікрон", "дэльта" і грып. Перадача "амікрона" лягчэйшая, але патагеннасць ніжэй, чым у "дэльта"-штаму, таму фарміраванне імунітэту ў любым выпадку адбываецца", – адзначыў ён.
На думку Піневіча, пакуль якіх-небудзь элементаў, якія патрабуюць ад Міністэрства аховы здароўя экстраных мер, няма.
"У нас не больш за 30 працэнтаў ад піка мінулай хвалі ідзе шпіталізацыя, у некаторых рэгіёнах менш за 20 працэнтаў", - удакладніў ён.
Пры гэтым у ведамстве чакаюць росту колькасці амбулаторных пацыентаў з COVID-19.
"Будуць працаваць кантактныя брыгады дома. Калі будзе той варыянт, які мы чакаем, гэта звычайная эпідэмічная сітуацыя, накшталт той, з якой мы сутыкаемся ў сувязі з грыпам", - падкрэсліў кіраўнік ведамства.
Ён таксама ўдакладніў, што стацыянары рэспублікі знаходзяцца ў гатоўнасці: абноўлены кіслародныя сістэмы, папоўнены запасы кіслароду.

Аб новых вакцынах

Адказваючы на ​​пытанне, ці ідуць перагаворы аб закупцы новых відаў вакцын ад каронавіруса, кіраўнік Міністэрства аховы здароўя ўдакладніў, што ў гэтым асаблівай неабходнасці няма.
"І "Синофарм, і "Спутник", як вектарная вакцына, мае эфектыўнасць не ніжэйшую, а паводле апошніх даных, вышэйшую за тыя вакцыны, пра якія ўсе мараць", – адзначыў ён.
Па словах Піневіча, для ведамства галоўнае ў барацьбе з каронавірусам - эфектыўнасць, якасць і кошт прэпарата.
"І ў гэтым фармаце існуючыя вакцыны не саступаюць ні ў чым. Пытанне палітычнае, проста іх не прызнаюць, і ў гэтых адносінах узнікае пытанне паездак і абмену", - удакладніў ён.
Пры гэтым кіраўнік Міністэрства аховы здароўя падтрымаў рэкамендацыі СААЗ не ўзмацняць жорсткасць існуючых трансгранічных абмежаванняў.
"Мы нанеслі ўрону больш, чым эфекту. Гэта неэфектыўна ў рамках супрацьэпідэмічных мерапрыемстваў", - сказаў на заканчэнне міністр.
Прэзідэнт Беларусі Аляксандр Лукашэнка - Sputnik Беларусь, 1920, 20.01.2022
Лукашэнка зноў перахварэў на COVID-19
Стужка навiн
0