https://bel.sputnik.by/20220127/putsn-asabsta-prachyta-adkaz-zsha-pa-garantyyakh-byaspek---pyasko-1059826459.html
Пуцін асабіста прачытаў адказ ЗША па гарантыях бяспекі - Пяскоў
Пуцін асабіста прачытаў адказ ЗША па гарантыях бяспекі - Пяскоў
Sputnik Беларусь
Расійскі бок зараз займаецца аналізам адказаў заходніх контрпартнёраў, у тым ліку плануецца шэраг працоўных кантактаў. 27.01.2022, Sputnik Беларусь
2022-01-27T14:49+0300
2022-01-27T14:49+0300
2022-01-27T14:49+0300
сяргей лаўроў
дзмітрый пяскоў
уладзімір пуцін
зша
бяспека
https://cdnn11.img.sputnik.by/img/07e5/0c/1f/1059175733_0:0:3071:1728_1920x0_80_0_0_cbc52c224c455b4e3650082ba916ca83.jpg
МІНСК, 27 сту - Sputnik. Прэзідэнту Расіі Уладзіміру Пуціну перадалі адказ Злучаных Штатаў на прапановы па гарантыях бяспекі, заявіў прэс-сакратар расійскага лідэра Дзмітрый Пяскоў.Раней стала вядома, што ЗША і Паўночнаатлантычны альянс перадалі расійскаму боку свае адказы на адпаведныя прапановы. Кіраўнік МЗС РФ Сяргей Лаўроў адзначыў, што грамадства заслугоўвае таго, каб яны былі абнародаваны, але калі Вашынгтон супраць, то Масква не стане іх публікаваць.Прэзідэнты вырашаць, што надалей"Я адразу вам скажу, напэўна вы будзеце пытацца аб тым, што ўчора перадалі нам амерыканцы, што перадалі натаўцы. Усе гэтыя паперы ў прэзідэнта", – запэўніў Пяскоў журналістаў."Так", - сказаў ён, адказваючы на пытанне, ці прачытаў Уладзімір Пуцін адказы амерыканскага боку асабіста.Паводле слоў прэс-сакратара кіраўніка расійскай дзяржавы, зараз магчымы кантакты паміж зацікаўленымі бакамі ў рабочым парадку. Сустрэча на вышэйшым узроўні адбудзецца ў тым выпадку, калі прэзідэнты РФ і ЗША прымуць такое рашэнне."Вы ведаеце, што было выказана меркаванне нашых візаві, маецца на ўвазе ў Вашынгтоне і ў Бруселі, што гэтыя паперы ў адказ не варта публікаваць", – канстатаваў Пяскоў.Пры гэтым ён звярнуў увагу, што па сутнасці змест гэтых дакументаў ужо ўсім вядомы, зыходзячы з заяў, зробленых раней.Цяпер расійскаму боку патрабуецца некаторы час на аналіз, атрыманых адказаў, таму ў Крамлі пакуль не спяшаюцца з заключэннямі на дадзены конт.Інтарэсы КрамляПрэс-сакратар прэзідэнта РФ нагадаў аб надыходзячым 30-гадовым юбілеі падпісання дэкларацыі Джорджам Бушам-старэйшым і Барысам Ельцыным аб спыненні халоднай вайны."У бягучых умовах я не схільны пераацэньваць значэнне гэтай гадавіны. Наўрад ці яна можа і здольна мець нейкі ўплыў на фарміраванне палітычнай свядомасці цяперашніх кіраўнікоў", - адзначыў ён.Пасля чаго Пяскоў дадаў, што "аб падпісанні такіх папер, сапраўды, можна толькі марыць. Але ўсё ж такі мы ўсе нясем іншыя абавязкі, і мары – гэта не тое, за што нам плацяць наш заробак".Пры гэтым ён нагадаў аб сутнасці ўчарашніх заяў Блінкена і Столтэнберга, дзе яны сказалі, што заходнія краіны не прымаюць да ўвагі заклапочанасці, якія былі выкладзены расійскім бокам.У сувязі з гэтым расійскі бок пакуль устрымаецца ад канцэптуальных адзнак, зробленых у заявах дзяржаўнага сакратара ЗША і генсака НАТА.Рэакцыя Расіі"Перспектывы для працягу дыялогу ёсць, павінны быць заўсёды – гэта і ў нашых інтарэсах, і ў інтарэсах амерыканцаў. І як бы дыяметральна супрацьлегла часам мы ні разыходзіліся ў нашых поглядах, дыялог патрэбны заўсёды", – асабліва адзначыў прэс-сакратар прэзідэнта РФПаводле яго слоў, пры неабходнасці Уладзімір Пуцін праводзіць кансультацыі з членамі Савета бяспекі, са сваімі памочнікамі. Дакладнай даты пакуль няма, але ў Крамлі не стануць зацягваць з рэакцыяй на адказ контрпартнёраў."ЗША і цэлай Еўропе спатрэбіўся амаль месяц, больш за месяц, таму давайце не будзем чакаць нашай рэакцыі імгненнай", – рэзюмаваў Пяскоў.Пашырэнне НАТАУ сваю чаргу кіраўнік МЗС РФ Сяргей Лаўроў заявіў, што дакумент узгоднены "з усімі саюзнікамі ЗША і ўкраінскім бокам", таму "няма сумневаў, што ў найбліжэйшы час ён "уцячэ".Паводле яго слоў, у адказе прысутнічае рэакцыя, якая абяцае працяг дыялогу, але на другарадныя пытанні. Галоўнае пытанне не знайшло адказу і там няма пазітыву, падкрэсліў Лаўроў."Галоўным пытаннем з'яўляецца наша дакладная пазіцыя аб недапушчальнасці далейшага пашырэння НАТА на Усход і размяшчэння ўдарных узбраенняў, якія могуць пагражаць тэрыторыі Расійскай Федэрацыі", - растлумачыў расійскі міністр.Пры гэтым ён звярнуў асаблівую ўвагу на тое, што пазіцыя расійскага боку "склалася не на пустым месцы". "Калі аб'ядноўвалася Германія і вырашаліся пытанні еўрапейскай бяспекі, нам клятвенна абяцалі не пашыраць НАТА ні на дзюйм на ўсход ад ракі Одэр".Недарослыя палітыкі на ЗахадзеЛаўроў нагадаў, што дадзены факт не проста добра ўсім вядомы, але нават утрымліваецца ў мемуарах заходніх палітыкаў, якія ўдзельнічалі ў тых перамовах. Цяпер гэтае пытанне востра абмяркоўваецца, але цяперашняе пакаленне палітыкаў сцвярджае, што гэта ўсяго толькі вусныя дамоўленасці."Зусім не "па-даросламу" сталі тлумачыць сваю лінію на безагляднае пашырэнне альянсу", - асабліва адзначыў расійскі міністр.Апроч іншага, Расія абапіраецца ў дадзеным пытанні на такія дакументы, дзе стаяць подпісы лідэраў заходніх краін, якія ўваходзяць у АБСЕ, як Стамбульская дэкларацыя 1999 года і Астанінская дэкларацыя 2010 года. Пагадненні змяшчаюць наступную фармулёўку: "мы ўсе адданыя прынцыпу непадзельнасці бяспекі і абавязуемся свята яго выконваць".У ёй - два галоўныя ўзаемазвязаныя падыходы, падкрэсліў міністр. "Першы: прызнаецца права кожнай дзяржавы свабодна выбіраць ваенныя саюзы. Другі: абавязацельства кожнай дзяржавы не ўмацоўваць сваю бяспеку за кошт бяспекі іншых", - растлумачыў Лаўроў.Паводле яго слоў, права такога выбару дакладна вызначана абавязацельствамі "ўлічваць інтарэсы бяспекі любой іншай дзяржавы АБСЕ, у тым ліку Расійскай Федэрацыі"."Прынцып, згодна з якім нельга ўмацоўваць сваю бяспеку за кошт бяспекі іншых, свядома замоўчваецца. Ні Стамбульская, ні Астанінская дэкларацыі нашымі заходнімі партнёрамі ў дыскусіях аб еўрабяспецы, якія зараз праходзяць, не згадваюцца. Старанна абыходзяцца бокам", – канстатаваў кіраўнік МЗС РФ.
https://bel.sputnik.by/20220126/laro-nazva-paspyakhovym-budantstva-sayuznay-dzyarzhavy-1059795249.html
Sputnik Беларусь
media@sputniknews.com
+74956456601
MIA „Rosiya Segodnya“
2022
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
сяргей лаўроў, дзмітрый пяскоў, уладзімір пуцін, зша, бяспека
сяргей лаўроў, дзмітрый пяскоў, уладзімір пуцін, зша, бяспека
Пуцін асабіста прачытаў адказ ЗША па гарантыях бяспекі - Пяскоў
Расійскі бок зараз займаецца аналізам адказаў заходніх контрпартнёраў, у тым ліку плануецца шэраг працоўных кантактаў.
МІНСК, 27 сту - Sputnik. Прэзідэнту Расіі Уладзіміру Пуціну перадалі адказ Злучаных Штатаў на прапановы па гарантыях бяспекі, заявіў прэс-сакратар расійскага лідэра Дзмітрый Пяскоў.
Раней стала вядома, што ЗША і Паўночнаатлантычны альянс перадалі расійскаму боку свае адказы на адпаведныя прапановы. Кіраўнік МЗС РФ Сяргей Лаўроў адзначыў, што грамадства заслугоўвае таго, каб яны былі абнародаваны, але калі Вашынгтон супраць, то Масква не стане іх публікаваць.
Прэзідэнты вырашаць, што надалей
"Я адразу вам скажу, напэўна вы будзеце пытацца аб тым, што ўчора перадалі нам амерыканцы, што перадалі натаўцы. Усе гэтыя паперы ў прэзідэнта", – запэўніў Пяскоў журналістаў.
"Так", - сказаў ён, адказваючы на пытанне, ці прачытаў Уладзімір Пуцін адказы амерыканскага боку асабіста.
Паводле слоў прэс-сакратара кіраўніка расійскай дзяржавы, зараз магчымы кантакты паміж зацікаўленымі бакамі ў рабочым парадку. Сустрэча на вышэйшым узроўні адбудзецца ў тым выпадку, калі прэзідэнты РФ і ЗША прымуць такое рашэнне.
"Вы ведаеце, што было выказана меркаванне нашых візаві, маецца на ўвазе ў Вашынгтоне і ў Бруселі, што гэтыя паперы ў адказ не варта публікаваць", – канстатаваў Пяскоў.
Пры гэтым ён звярнуў увагу, што па сутнасці змест гэтых дакументаў ужо ўсім вядомы, зыходзячы з заяў, зробленых раней.
Цяпер расійскаму боку патрабуецца некаторы час на аналіз, атрыманых адказаў, таму ў Крамлі пакуль не спяшаюцца з заключэннямі на дадзены конт.
Прэс-сакратар прэзідэнта РФ нагадаў аб надыходзячым 30-гадовым юбілеі падпісання дэкларацыі Джорджам Бушам-старэйшым і Барысам Ельцыным аб спыненні халоднай вайны.
"У бягучых умовах я не схільны пераацэньваць значэнне гэтай гадавіны. Наўрад ці яна можа і здольна мець нейкі ўплыў на фарміраванне палітычнай свядомасці цяперашніх кіраўнікоў", - адзначыў ён.
Пасля чаго Пяскоў дадаў, што "аб падпісанні такіх папер, сапраўды, можна толькі марыць. Але ўсё ж такі мы ўсе нясем іншыя абавязкі, і мары – гэта не тое, за што нам плацяць наш заробак".
Пры гэтым ён нагадаў аб сутнасці ўчарашніх заяў Блінкена і Столтэнберга, дзе яны сказалі, што заходнія краіны не прымаюць да ўвагі заклапочанасці, якія былі выкладзены расійскім бокам.
У сувязі з гэтым расійскі бок пакуль устрымаецца ад канцэптуальных адзнак, зробленых у заявах дзяржаўнага сакратара ЗША і генсака НАТА.
"Перспектывы для працягу дыялогу ёсць, павінны быць заўсёды – гэта і ў нашых інтарэсах, і ў інтарэсах амерыканцаў. І як бы дыяметральна супрацьлегла часам мы ні разыходзіліся ў нашых поглядах, дыялог патрэбны заўсёды", – асабліва адзначыў прэс-сакратар прэзідэнта РФ
Паводле яго слоў, пры неабходнасці Уладзімір Пуцін праводзіць кансультацыі з членамі Савета бяспекі, са сваімі памочнікамі. Дакладнай даты пакуль няма, але ў Крамлі не стануць зацягваць з рэакцыяй на адказ контрпартнёраў.
"ЗША і цэлай Еўропе спатрэбіўся амаль месяц, больш за месяц, таму давайце не будзем чакаць нашай рэакцыі імгненнай", – рэзюмаваў Пяскоў.
У сваю чаргу кіраўнік МЗС РФ Сяргей Лаўроў заявіў, што дакумент узгоднены "з усімі саюзнікамі ЗША і ўкраінскім бокам", таму "няма сумневаў, што ў найбліжэйшы час ён "уцячэ".
Паводле яго слоў, у адказе прысутнічае рэакцыя, якая абяцае працяг дыялогу, але на другарадныя пытанні. Галоўнае пытанне не знайшло адказу і там няма пазітыву, падкрэсліў Лаўроў.
"Галоўным пытаннем з'яўляецца наша дакладная пазіцыя аб недапушчальнасці далейшага пашырэння НАТА на Усход і размяшчэння ўдарных узбраенняў, якія могуць пагражаць тэрыторыі Расійскай Федэрацыі", - растлумачыў расійскі міністр.
Пры гэтым ён звярнуў асаблівую ўвагу на тое, што пазіцыя расійскага боку "склалася не на пустым месцы". "Калі аб'ядноўвалася Германія і вырашаліся пытанні еўрапейскай бяспекі, нам клятвенна абяцалі не пашыраць НАТА ні на дзюйм на ўсход ад ракі Одэр".
Недарослыя палітыкі на Захадзе
Лаўроў нагадаў, што дадзены факт не проста добра ўсім вядомы, але нават утрымліваецца ў мемуарах заходніх палітыкаў, якія ўдзельнічалі ў тых перамовах. Цяпер гэтае пытанне востра абмяркоўваецца, але цяперашняе пакаленне палітыкаў сцвярджае, што гэта ўсяго толькі вусныя дамоўленасці.
"Зусім не "па-даросламу" сталі тлумачыць сваю лінію на безагляднае пашырэнне альянсу", - асабліва адзначыў расійскі міністр.
Апроч іншага, Расія абапіраецца ў дадзеным пытанні на такія дакументы, дзе стаяць подпісы лідэраў заходніх краін, якія ўваходзяць у АБСЕ, як Стамбульская дэкларацыя 1999 года і Астанінская дэкларацыя 2010 года. Пагадненні змяшчаюць наступную фармулёўку: "мы ўсе адданыя прынцыпу непадзельнасці бяспекі і абавязуемся свята яго выконваць".
У ёй - два галоўныя ўзаемазвязаныя падыходы, падкрэсліў міністр. "Першы: прызнаецца права кожнай дзяржавы свабодна выбіраць ваенныя саюзы. Другі: абавязацельства кожнай дзяржавы не ўмацоўваць сваю бяспеку за кошт бяспекі іншых", - растлумачыў Лаўроў.
Паводле яго слоў, права такога выбару дакладна вызначана абавязацельствамі "ўлічваць інтарэсы бяспекі любой іншай дзяржавы АБСЕ, у тым ліку Расійскай Федэрацыі".
"Прынцып, згодна з якім нельга ўмацоўваць сваю бяспеку за кошт бяспекі іншых, свядома замоўчваецца. Ні Стамбульская, ні Астанінская дэкларацыі нашымі заходнімі партнёрамі ў дыскусіях аб еўрабяспецы, якія зараз праходзяць, не згадваюцца. Старанна абыходзяцца бокам", – канстатаваў кіраўнік МЗС РФ.
