Люди фотографируются до начала церемонии встречи олимпийского огня в Пекине  - Sputnik Беларусь, 1920
Зімовыя Алімпійскія гульні ў Пекіне
Зімовыя Алімпійскія гульні ў Пекіне праводзяцца з 4 па 20 лютага 2022 года. Апошнія навіны аб Алімпійскіх гульнях чытайце ў матэрыялах Sputnik.

У Беларусі другі медаль на Алімпіядзе - у фрыстайле

© Sputnik / Павел Бедняков / Перайсці ў медыябанкГанна Гуськова
Ганна Гуськова - Sputnik Беларусь, 1920, 14.02.2022
Падпісацца на
НовостиTelegram
Гэта другая ўзнагарода беларускай зборнай на Гульнях у Пекіне - дзякуючы ёй нацыянальная каманда перамясцілася на 22-е месца ў медальным заліку.
МІНСК, 14 лют - Sputnik. Беларуская фрыстайлістка Ганна Гуськова заваявала сярэбраны медаль Алімпійскіх гульняў, перадае Sputnik.
Узнагароду спартсменка выйграла ў спаборніцтвах па лыжнай акрабатыцы, паказаўшы вынік 107,95 бала за свой скачок.
У суперфінале Гуськова выканала складаны скачок - трайное сальта з трыма вінтамі. Беларусцы не хапіла менш за адзін бал, каб стаць двухразовай алімпійскай чэмпіёнкай - яе абыйшла кітаянка Ксю Ментао, якая набрала 108,61 бала.
Трэцяе месца заваявала амерыканка Меган Нік - яна засталася за межамі "сотні" - 93,76 бала.
Нагадаем, беларуская спартсменка не без цяжкасцяў выйшла ў суперфінал. У кваліфікацыйных скачках яна заняла 6-е месца, на такой жа пазіцыі завяршыла выступленне ў фінале, атрымаўшы за свае скачкі не больш за 92 балы.
Нагадаем, на Алімпійскіх гульнях у Пхенчхане ў 2018-м Гуськова з другім вынікам пераадолела кваліфікацыю і стала чэмпіёнкай па выніках суперфіналу.
У зборнай Беларусі на Гульнях у Пекіне ўжо два медалі - абодва сярэбраныя. Дзякуючы ўзнагародзе ў фрыстайле, нацыянальная каманда перамясцілася на 22-е месца ў медальным заліку.

Віншаванні ад Віктара Лукашэнкі

Адразу пасля выступлення лятаючых лыжнікаў у Пекіне беларускую спартсменку павіншаваў прэзідэнт НАК Віктар Лукашэнка. Ён адзначыў чэмпіёнскія амбіцыі Ганны і працу трэнераў каманды.
"Гэтак уражлівы вынік - заслужаная ўзнагарода за твой спартыўны талент, майстэрства, мэтанакіраванасць. І, вядома, гэта сведчанне напружанай, самаадданай працы тваіх трэнераў, настаўнікаў", - канстатаваў Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Антон Смольскі фінішуе ў індывідуальнай гонцы на Алімпійскіх гульнях у Пекіне - Sputnik Беларусь, 1920, 08.02.2022
Зімовыя Алімпійскія гульні ў Пекіне
Антон Смольскі заваяваў сярэбраны медаль у індывідуальнай гонцы
Стужка навiн
0