Ніхто не плануе ваяваць з Украінай - Лукашэнка

© Sputnik / Стрингер / Перайсці ў медыябанкБудынак міністэрства замежных спраў у Кіеве
Будынак міністэрства замежных спраў у Кіеве - Sputnik Беларусь, 1920, 14.02.2022
Падпісацца на
НовостиTelegram
Прэзідэнт Беларусі заявіў аб недатычнасці краіны да абвастрэння адносін з украінскім бокам.
МІНСК, 14 лют - Sputnik. Ваяваць з Украінай ніхто не мае намеру, а Захад сам спрабуе развязаць канфлікт, заявіў на сустрэчы з палітычным і дзяржаўным дзеячам Украіны Аляксандрам Марозам беларускі прэзідэнт Аляксандр Лукашэнка.
Па ягоных словах, украінскія ўлады ўжо не зусім салідарныя з пазіцыяй заходніх краін па сітуацыі ў рэгіёне.
"Што трэба сёння тут Захаду: трэба развязаць канфлікт. Вы ж ведаеце, яны ўмеюць чужымі рукамі", - адзначыў Аляксандр Лукашэнка.

Вайна чужымі рукамі

На думку беларускага лідэра, заходнія краіны маюць прывычку "ваяваць чужымі рукамі". "Няхай гінуць украінцы, рускія, беларусы - гэта далёка", - адзначыў прэзідэнт. Ён указаў на тое, што на Захадзе бесперапынна гучыць ваенная рыторыка, нібыта Расія мае намер напасці на Украіну.
"Калі б планавалі нейкую вайну супраць Украіны, зусім інакш бы паводзілі сябе сродкі масавай інфармацыі", - адзначыў Лукашэнка. Паводле яго слоў, СМІ - гэта артпадрыхтоўка сучаснай вайны.
"І як толькі сціхаюць на імгненне гэтыя крыкі аб вайне ва Украіне, з Амерыкі зноў ідзе сігнал і гэта істэрыя пачынае падагравацца", - сказаў беларускі прэзідэнт. Яму ўсё ясна, каму патрэбна гэтая вайна на тэрыторыі Украіны, удакладніў ён.

Беларусь недатычная

Прэзідэнт Беларусі заявіў аб недатычнасці яго краіны да абвастрэння адносін з Украінай.
"Яшчэ раз хачу публічна сказаць вам, што мы да абвастрэння нашых адносін практычна не маем ніякага дачынення", - адзначыў Лукашэнка.
Паводле яго слоў, беларускі бок заўсёды праводзіў зразумелую палітыку для ўкраінцаў.
"Я і цяпер прытрымліваюся гэтай палітыкі. Мы родныя людзі, мы суседзі. Гэта ад бога. І ўсё гэтым сказана", - запэўніў суразмоўцу беларускі лідэр.
Ён таксама ўпэўнены, што ў будучыні Беларусь і Украіны павінны выбудоўваць свае двухбаковыя адносіны "як суседзі".

Сустрэча з Марозам

Звяртаючыся да Аляксандра Мароза, кіраўнік дзяржавы падзякаваў яму за тое, што той застаецца прыхільным да сваіх ідэй.
"Вы захавалі мужнасць і стойкасць, не страцілі свае перакананні ў той няпростай сітуацыі, якая складваецца вакол нас - вакол Украіны, Беларусі", - падкрэсліў Лукашэнка.
У сваю чаргу Мароз адзначыў, што пацвярджэннем міралюбівай і добрасуседскай палітыкі Беларусі ў адносінах да Украіны з'яўляюцца каля 200 тысяч украінцаў, якія прапісаліся і жывуць зараз тут.
У СССР Аляксандр Мароз працаваў у партыйных органах на Украіне, займаў пасаду сакратара Кіеўскага абласнога саюза прафсаюзаў, загадваў аграрным аддзелам Кіеўскага абкама Кампартыі Украіны. У 1990-2007 гады Мароз быў дэпутатам Вярхоўнай Рады Ўкраіны. Займаў пасаду старшыні Вярхоўнай рады II і V скліканняў. На працягу шэрагу гадоў быў на чале Сацыялістычнай партыі Украіны.
Стужка навiн
0