Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Латвійскія і Літоўскія ваенныя прыбылі на вучэнні "Саюзная рашучасць"

© Sputnik / Виктор ТолочкоВучэнні "Саюзная рашучасць-2022" на палігоне "Гожскі"
Вучэнні Саюзная рашучасць-2022 на палігоне Гожскі - Sputnik Беларусь, 1920, 19.02.2022
Падпісацца на
НовостиTelegram
Ваенныя назіральнікі напярэдадні прысутнічалі на брыфінгу, на якім ім расказалі аб ходзе сумесных беларуска-расійскіх манеўраў.
МІНСК, 19 лют – Sputnik. Прадстаўнікі ўзброеных сіл Латвіі і Літвы будуць назіраць сёння за вучэннямі "Саюзная рашучасць-2022", якія праходзяць у Беларусі, аб гэтым паведаміла ў суботу беларускае ваеннае ведамства.
Назіральнікі прыбылі на запрашэнне беларускага боку. Напярэдадні для іх быў арганізаваны брыфінг, дзе прадстаўнікі Мінабароны Беларусі праінфармавалі замежных гасцей аб ходзе манеўраў.
Сёння ж ваенныя назіральнікі адправіліся на палігон "Абуз-Лясноўскі", дзе будуць назіраць за баявымі дзеяннямі ў рамках вучэнняў.
"Рэспубліка Беларусь запрасіла ваенных назіральнікаў з названых дзяржаў на добраахвотнай аснове, зыходзячы з імкнення да развіцця супрацоўніцтва і добрасуседства, а таксама на аснове прынцыпаў адкрытасці, транспарэнтнасці і ўзаемнасці", - падкрэслілі ў Мінабароны.

Ваенныя вучэнні Мінска і Масквы

Цяпер на беларускай тэрыторыі прадаўжаюцца вучэнні "Саюзная рашучасць - 2022", якія пачаліся 10 лютага і завершацца 20 лютага.
У Маскве і Мінску на заклапочанасць Захаду з гэтай нагоды ўжо неаднаразова заяўлялі, што расійскія вайскоўцы пасля вучэнняў вернуцца ў пункты пастаяннай дыслакацыі, а пагрозы ўварвання на тэрыторыю Украіны няма – гэта ўсё домыслы.
На вучэнні ў Беларусь прыбыў шэраг часцей і падраздзяленняў Усходняй ваеннай акругі са штатным узбраеннем. У прыватнасці, была перабазіравана сістэма СПА далёкага дзеяння С-400, дывізіён комплексаў СПА малой далёкасці "Панцирь-С", шматмэтавыя знішчальнікі чацвёртага пакалення Су-35 і штурмавыя самалёты Су-25СМ.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Паветраны бой і не толькі: што вайскоўцы паказалі Лукашэнку на вучэннях – відэа
Украінскі ваенны аташэ наведаў вучэнні ў Беларусі
Беларусь і Латвія абмяркоўваюць пытанні кантролю над узбраеннямі
Ні адзін расійскі вайсковец не застанецца ў Беларусі пасля вучэнняў - МЗС
"Кропка" ў размове з ворагам: як выглядае падрыхтоўка ракетнага пуску – відэа
Стужка навiн
0