Украіна прыпыніла імпарт электраэнергіі з Беларусі з 23 лютага

© Photo : пресс-служба Госкорпорации "Росатом"Энергасетка БелАЭС
Энергасетка БелАЭС - Sputnik Беларусь, 1920, 23.02.2022
Падпісацца на
НовостиTelegram
У пачатку лютага Кіеў анансаваў два тэставыя адключэнні ад энергасетак Беларусі і Расіі перад падключэннем да заходнееўрапейскай энергасістэмы.
МІНСК, 23 лют - Sputnik. Украіна прыпыніла імпарт электраэнергіі з Беларусі з серады. Пра гэта сведчаць дадзеныя на сайце Еўрапейскай сеткі сістэмных аператараў перадачы электраэнергіі (ENTSO-E).
У заяўцы на сёння Украіна "атрымае" 0 МВт з Беларусі, такія ж дадзеныя змяшчаюцца на сайце аператара энергасістэмы Украіны "Укрэнерга". У аўторак, 22 лютага, з боку Беларусі яшчэ ажыццяўляліся пастаўкі электраэнергіі, у пэўны час яны дасягалі максімальна магчымых 900 МВт.

Украіна хоча падключыцца да ENTSO-E

Як раней паведамляў міністр замежных спраў Украіны Дзмітрый Кулеба, краіна збіраецца ў 2023 годзе адлучыцца ад энергасістэм Беларусі і Расіі і падключыцца да сістэмы пастаўкі электраэнергіі (ENTSO-E) з Еўрасаюза.
Украіна заяўляла аб тым, што мае намер правесці два тэставыя адключэнні ад энергасетак Беларусі і Расіі перад падключэннем да заходнееўрапейскай энергасістэмы. Першае было прызначанае на 24 - 26 лютага, другое - на лета, без дакладнай даты.

Пастаўкі электрычнасці з Беларусі ва Украіну

Кіеў то скарачае, то нарошчвае пастаўкі электраэнергіі з нашай краіны. У Мінэнерга Беларусі тлумачылі, што, як правіла, пастаўкі электраэнергіі на ўкраінскі рынак абмяркоўваюцца штомесяц, і часцей за ўсё попыт расце ў асенне-зімовы перыяд.
У канцы лістапада кіраўнік Украіны Уладзімір Зяленскі заявіў, што лічыць правільным імпарт электраэнергіі з Беларусі, калі дзяржаве яго не хапае.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Калі пачне працаваць адзіны рынак электраэнергіі Беларусі і Расіі
БелАЭС ужо выпрацавала 5 млрд кВт гадзін энергіі
Беларусь спыняе пастаўкі электраэнергіі ва Украіну
Стужка навiн
0