Беларусь узмацніла ахову мяжы з краінамі ЕС і Украінай
14:20 24.02.2022 (абноўлена: 14:29 24.02.2022)
© Photo : ГПК Беларуси
Падпісацца
Беларускі бок гатоў забяспечыць пропуск грамадзян Беларусі, якія вяртаюцца з тэрыторыі Украіны, паведамілі ў Дзяржпагранкамітэце.
МІНСК, 24 лют – Sputnik. Дзяржаўны пагранічны камітэт Беларусі паведаміў аб узмацненні дзяржаўнай мяжы на заходнім і паўднёвым напрамку.
"З улікам наяўнай абстаноўкі для прадухілення правакацый органамі пагранічнай службы ўзмоцнена ахова мяжы з краінамі ЕС і Украінай", - заявілі Sputnik у Дзяржаўным пагранічным камітэце ў чацвер.
Там таксама паведамілі, што на гэтым участку мяжы ў пунктах пропуску ажыццяўляюцца дадатковыя кантрольныя мерапрыемствы.
Ахова Дзяржаўнай мяжы Рэспублікі Беларусь ажыццяўляецца ва ўзмоцненым рэжыме. Але беларускі бок гатоў забяспечыць пропуск грамадзян Беларусі, якія вяртаюцца з тэрыторыі Украіны, сказалі ў ДПК.
Агульная працягласць Дзяржмяжы складае 3617 кіламетраў, у тым ліку з Еўрасаюзам – 1250 кіламетраў. Ахоўны ўчастак мяжы – 2314 кіламетраў. Беларуская мяжа з Украінай складае 1084 кіламетры, з Рэспублікай Польшча – 398 кіламетраў, з Літвой – 679 кіламетраў, з Латвіяй – 173 кіламетры, з Расіяй – 1283 кіламетры.
Украінскія пункты пропуску
Усе пункты пропуску Украіны на мяжы з Беларуссю прыпынілі сваё функцыянаванне на нявызначаны тэрмін, паведаміла прэс-служба ДПК Беларусі.
"У той жа час, паводле інфармацыі ўкраінскага боку пропуск праз украінска-беларускую мяжу грамадзян Беларусі, якія вяртаюцца з тэрыторыі Украіны ў Беларусь, будзе ажыццяўляцца праз украінскі пункт пропуску "Выступовічы" (з беларускага боку - Новая Рудня)", - паведаміў Тelegram-канал ДПК Беларусі ў чацвер.
"Інфармацыя аб арганізацыі выезду грамадзян Беларусі з Украіны праз іншыя пункты пропуску ўдакладняецца", - адзначылі пагранічнікі.
У ДПК нагадалі, што пры ўзнікненні праблем з вяртаннем у Беларусь МЗС рэкамендуе падтрымліваць кантакт з беларускімі дыпламатамі.
У чацвер раніцай Украіна закрыла пункт пропуску "Вільча" на мяжы з Беларуссю. Паводле афіцыйнай інфармацыі, якая паступіла ад украінскага боку ў адрас Дзяржпагранкамітэта, згодна з распараджэннем Кабміна Украіны з 00:00 24 лютага пагранпераход Вільча (з беларускага боку - Аляксандраўка) закрыты да 3 сакавіка.
Усяго на беларуска-ўкраінскім участку мяжы ёсць 12 пагранічных пунктаў пропуску, але большая частка з іх не функцыянуе пасля ўвядзення абмежаванняў, звязаных з пандэміяй каронавіруса.
Да апошняга часу працавалі на пропускі транспарту і грамадзян пяць пунктаў пропуску:
"Вільча" (з беларускага боку – "Аляксандраўка"),
"Макраны" ("Даманава"),
"Камарын" ("Славуціч"),
"Новая Гута" ("Новыя Ярылавічы"),
"Весялоўка" ("Сянькоўка").
Ваенная аперацыя ў Данбасе
Напярэдадні народныя рэспублікі Данбаса звярнуліся да Расіі з просьбай аб дапамозе.
Прэзідэнт РФ Уладзімір Пуцін раніцай 24 лютага звярнуўся да расіян і паведаміў, што прыняў рашэнне аб правядзенні спецыяльнай ваеннай аперацыі.
Прэзідэнт РФ Уладзімір Пуцін раніцай 24 лютага звярнуўся да расіян і паведаміў, што прыняў рашэнне аб правядзенні спецыяльнай ваеннай аперацыі.
Кіраўнік расійскай дзяржавы адзначыў, што ўся адказнасць за кровапраліцце будзе на сумленні кіруючага ва Украіне рэжыму, і заклікаў украінскіх вайскоўцаў не выконваць злачынных загадаў украінскай улады, скласці зброю і ісці дадому.
Мінабароны РФ паведаміла, што Узброеныя сілы Расіі не наносяць ніякіх ракетных, авіяцыйных ці артылерыйскіх удараў па гарадах Украіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Без Расіі на Беларусь пачнецца атака з усіх бакоў – Лукашэнка
Украіна разрывае дыпламатычныя адносіны з Расіяй – Зяленскі
Кіеў прайграе: Лукашэнка назваў умовы перамоў РФ з Украінай
