Работа зенитно-ракетной системы ПВО С-300В4 на Харьковском направлении - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Спецаперацыя ў Данбасе: што адбываецца ў сераду

© Sputnik / Михаил Воскресенский / Перайсці ў фотабанкСітуацыя на мяжы РФ з Украінай у Белгарадскай вобласці
Сітуацыя на мяжы РФ з Украінай у Белгарадскай вобласці - Sputnik Беларусь, 1920, 02.03.2022
Падпісацца на
Yandex newsTelegram
Аб пачатку ваеннай аперацыі расійскімі вайскоўцамі аб'явіў прэзідэнт Уладзімір Пуцін на мінулым тыдні.
МІНСК, 2 сак - Sputnik. Украінскія войскі за мінулыя суткі 41 раз адкрывалі агонь па тэрыторыі ДНР, па тэрыторыі ЛНР - дзевяць разоў.
У выніку ў Першамайску было пашкоджана 12 дамоў і газаправод, у Кіраўску - два дамы і лінія электраперадачы.
Сітуацыя на лінія баявога судотыку ЛНР і ДНР застаецца напружанай.
Па дадзеных ДНР, пад абстрэлам украінскіх войскаў таксама знаходзіцца пасёлак шахты імя Абакумава ў Данецку. За суткі з-за абстрэлаў з боку ўкраінскіх войскаў чатыры чалавекі загінулі, раненні атрымалі 30 мірных жыхароў.
Як паведаміў афіцыйны прадстаўнік Мінабароны РФ генерал-маёр Ігар Канашэнкаў, за ўвесь час спецаперацыі расійскія Узброеныя сілы паразілі 1502 ваенных аб'екта Украіны.
Паводле даных Мінабароны, сярод іх: 51 пункт кіравання і вузел сувязі ўкраінскіх узброеных сіл, 38 зенітных ракетных комплексаў СПА С-300, "Бук М-1" і "Аса", 51 радыёлакацыйная станцыя".
Таксама знішчана 58 самалётаў, 472 танкі і іншых баявых браніраваных машын, 62 рэактыўныя сістэмы залпавага агню, 206 гармат палявой артылерыі і мінамётаў, 336 адзінак спецыяльнай ваеннай аўтамабільнай тэхнікі, 46 беспілотнікаў.
Групоўка ДНР з пачатку аперацыі прасунулася на 58 кіламетраў, ЛНР - на 75 кіламетраў.

Няма ўпэўненасці ў выніках

Масква спадзяецца, што кантакты з прадстаўнікамі Кіева працягнуцца і стануць пачаткам палітычнага рашэння, аднак упэўненасці ў тым, што дыялог з украінскім бокам прынясе жаданыя вынікі, няма, аб гэтым заявіў пастаянны прадстаўнік Расіі пры жэнеўскім аддзяленні ААН Генадзь Гацілаў.
"Мы падтрымліваем дыпламатычныя сродкі, але гэта дыпламатыя павінна паважаць пазіцыі ўсіх краін і ажыццяўляцца на раўнапраўнай аснове, чаго мы, на жаль, не бачым... Мы не бачым жадання ўкраінскага рэжыму паспрабаваць знайсці легітымнае і ўзважанае вырашэнне гэтай праблемы", - сказаў ён.

Ваенная спецаперацыя

Прэзідэнт Расіі Уладзімір Пуцін 21 лютага заявіў аб прызнанні суверэнітэту Данецкай і Луганскай народных рэспублік і падпісаў адпаведныя ўказы. Аб пачатку спецаперацыі ў Данбасе ён аб'явіў 24 лютага.
Пуцін назваў яе мэтай "абарону людзей, якія на працягу васьмі гадоў падвяргаюцца здзекам, генацыду з боку кіеўскага рэжыму". Паводле яго слоў, плануецца правесці "дэмілітарызацыю і дэнацыфікацыю Украіны", а таксама аддаць пад суд ваенных злачынцаў, адказных за "крывавыя злачынствы супраць мірных жыхароў" Данбаса.

Перамовы паміж Масквой і Кіевам

У панядзелак, 28 лютага, на тэрыторыі Беларусі прайшоў першы раунд перагавораў паміж прадстаўнікамі Украіны і Расіі.
Сустрэча ў Гомельскай вобласці працягвалася каля пяці гадзін, потым бакі зрабілі кароткія заявы і адправіліся на кансультацыі ў свае сталіцы.
Чакаецца, што другі раунд перамоваў адбудзецца ў бліжэйшыя дні - як паведамляў Sputnik палітолаг Юрый Васкрасенскі, блізкі да арганізатараў сустрэчы, сустрэча можа прайсці 2 сакавіка.
Паводле яго слоў, перагаворы пройдуць на новай пляцоўцы, але па-ранейшаму на тэрыторыі Беларусі.
"Бліжэй да польскай мяжы, у адной з дзяржрэзідэнцый", - сказаў Васкрасенскі, не выключыўшы, што склад украінскай дэлегацыі можа змяніцца.
Як раней заяўляў прэзідэнт Казахстана Касым-Жамарт Такаеў, у выпадку неабходнасці краіна гатова прадаставіць пляцоўку для перагавораў Расіі і Украіны. На яго думку, Мінскія пагадненні "засталіся на паперы", што прывяло да ваенных дзеянняў на тэрыторыі Украіны.
>>> Самая актуальная інфармацыя аб перамовах Расіі і Украіны - у Telegram-канале Sputnik Беларусь
Таксама на Sputnik:
Беларускіх вайскоўцаў пад Кіевам і Чарнігавам няма - Мінабароны
Пяскоў: расійскія войскі не наносяць удараў па жылых раёнах на Украіне
Перагаворы РФ і Украіны могуць прайсці заўтра – крыніца
Стужка навiн
0