ЗША перакінуць у Польшчу дзве батарэі ЗРК Patriot
© Sputnik / Игорь Зарембо
/ Падпісацца
Гэты крок зроблены "ў папераджальным парадку" для адбіцця патэнцыйных пагроз НАТА, адзначыў амерыканскі ваенны.
МІНСК, 9 сак – Sputnik. ЗША перадыслакуюць у Польшчу дзве батарэі зенітна-ракетных комплексаў Patriot, паведаміў РІА Навіны прадстаўнік Еўрапейскага камандавання (EUCOM) амерыканскіх узброеных сіл Адам Мілер.
Ён растлумачыў, што такі крок зроблены "ў папераджальным парадку ў мэтах супрацьдзеяння любым патэнцыйным пагрозам для ЗША, сіл саюзнікаў і тэрыторыі НАТА".
"Па ўказанні міністра абароны і па запрашэнні нашых польскіх саюзнікаў камандуючы Еўрапейскім камандаваннем УС ЗША генерал Уолтэрс аддаў загад аб перадыслакацыі двух батарэй ЗРК Patriot у Польшчу", – сказаў Мілер.
"Гэта з’яўляецца разумнай ахоўнай мерай, якая падмацоўвае нашу прыхільнасць Пятаму артыкулу (Статута НАТА – Sputnik) і ніякім чынам не накіравана на падтрымку якіх-небудзь наступальных аперацый", - падкрэсліў суразмоўца агенцтва.
Ваенная спецаперацыя РФ
Прэзідэнт Расіі Уладзімір Пуцін 21 лютага заявіў аб прызнанні суверэнітэту Данецкай і Луганскай народных рэспублік і падпісаў адпаведныя ўказы.
Пазней кіраўнікі ДНР Дзяніс Пушылін і ЛНР Леанід Пасечнік звярнуліся да расійскага лідара з просьбай аказаць дапамогу ў адбіцці агрэсіі з боку Узброеных сіл Украіны.
24 лютага Пуцін аб’явіў аб пачатку ваеннай спецаперацыі ў Данбасе. Пры гэтым ён адзначыў, што ўся адказнасць за кровапраліцце будзе на сумленні кіруючага ва Украіне рэжыму, і заклікаў украінскіх вайскоўцаў скласці зброю.
НАТА не будзе ваяваць
Як заявіў 4 сакавіка генеральны сакратар НАТА Йенс Столтэнберг па выніках пасяджэння кіраўнікоў МЗС краін Паўночнаатлантычнага блока, "у саюзнікаў ёсць адказнасць за тое, каб эскалацыя не выйшла далей за межы Украіны".
"Гэта будзе яшчэ больш небяспечна, больш разбуральна, прынясе больш пакут. Мы дакладна далі зразумець, не збіраемся ваяваць на Украіне, як у паветры, так і на зямлі", - асабліва адзначыў генеральны сакратар альянсу", - сказаў Столтэнберг.
Пры гэтым ён адзначыў, што характар адносін Паўночнаатлантычнага альянсу і Расіі змяніўся.
"Міністры (замежных спраў краін альянсу – Sputnik) сышліся ў меркаванні, што адносіны Расіі і НАТА памяняліся на працяглы перыяд, але мы па-ранейшаму адданыя таму, каб захоўваць шанс для дыпламатыі, для вырашэння канфлікту, каб пазбегнуць непрадбачанай эскалацыі, непаразуменняў", - заявіў Столтэнберг.
Раней стала вядома, што на фоне ўкраінскага крызісу Пентагон 1 сакавіка ўстанавіў канал сувязі з Мінабароны РФ для таго, каб прадухіліць ваенныя канфлікты.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
МЗС РФ: ва Украіне распрацоўвалася біялагічная зброя
Сі Цзіньпін заклікаў Макрона і Шольца падтрымліваць перагаворы РФ і Украіны
Мінабароны РФ аб поспехах спецаперацыі і адкрыцці гуманітарных калідораў
Эвакуацыя з Марыупаля: хто змог скарыстацца гуманітарным калідорам – фота
ЕС, ЗША і Швейцарыя: у Расіі зацверджаны пералік недружалюбных краін
