Военнослужащие ВС РФ на блокпосту рядом с территорией завода Азовсталь в Мариуполе - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Пасол РФ распавёў, калі адбудзецца чацвёрты раўнд перамоў з Украінай

© Sputnik / BelTA / Перайсці ў фотабанкСцяжкі на стале, за якім пройдуць расійска-ўкраінскія перамовы
Сцяжкі на стале, за якім пройдуць расійска-ўкраінскія перамовы
 - Sputnik Беларусь, 1920, 10.03.2022
Падпісацца на
Yandex newsTelegram
Расійскі і ўкраінскі бакі праводзілі папярэднія перамовы з розніцай у 3 ці 4 дні на тэрыторыі Беларусі.
МІНСК, 10 сак - Sputnik. Расійскі бок падрыхтаваў канкрэтныя прапановы для ўкраінскага боку па ўрэгуляванні сітуацыі, заявіў карэспандэнту Sputnik пасол РФ Барыс Грызлоў.
Паводле яго слоў, у ходзе папярэдніх раўндаў перагавораў расійскім бокам былі распрацаваны праекты дакументаў, якія ўжо перададзены для вывучэння.
"На знаёмства з гэтымі дакументамі, паводле слоў украінскай дэлегацыі, патрабуецца два-тры дні, як мінімум", - сказаў ён.
Барыс Грызлоў нагадаў аб тым, што адбылася сустрэча міністраў замежных спраў Расіі і Украіны на турэцкай тэрыторыі. Вынікі размовы Сяргея Лаўрова і Дзмітрыя Кулебы могуць у тым ліку садзейнічаць далейшаму вырашэнню існуючай сітуацыі.
"Звычайна мы сустракаліся праз тры дні на чацвёрты. Тады такі дзень будзе заўтра (у пятніцу, 11 сакавіка - Sputnik), але на дадзены момант абмеркавання дакладнага часу сустрэчы яшчэ не было. Таму, магчыма, гэта будзе не заўтра, а крыху пазней" , - раскрыў падрабязнасці ён.
Кіраўнік дыпмісіі таксама выказаў надзею на тое, што перагаворы з украінскім бокам з'яўляюцца рэальным працэсам, а не зацягваннем часу з іх боку: "Мы перадалі важкія дакументы з канкрэтнымі пунктамі, аб якіх неабходна дамовіцца".
"Пазіцыя наша нязменная, таму мы пераконваем украінскі бок у неабходнасці прызнаць тыя патрабаванні, якія прад'яўляе расійскі бок", - падсумаваў ён.

Мінскія пагадненні

Украінскі бок прызнае, што калі б яны выконвалі Мінскія пагадненні, то сітуацыя не зайшла б так далёка, заявіў Барыс Грызлоў.
Паводле слоў расійскага дыпламата, калі ён раней прымаў удзел у рабоце трохбаковай кантактнай групы па Мінскіх пагадненнях, кіраўнікі дэлегацыі з боку Украіны неаднаразова заяўлялі, што ў іх няма паўнамоцтваў.
"Мы гатовы абмяркоўваць, але паўнамоцтваў на прыняцце рашэнняў няма. Таму не хацелася б думаць, што ў такім жа становішчы знаходзіцца і цяперашняя ўкраінская дэлегацыя, якая зараз удзельнічае з намі ў перамовах", - выказаў ён надзею.
Пасля чаго дадаў, што нашы прапановы падпісаць пратакол сустрэчы па выніках папярэдняга раунда перагавораў сутыкнуліся з адмовай украінскага боку.

"Спадзяемся, што падчас чацвёртага раўнда перамоваў мы зможам нешта падпісаць", - выказаў меркаванне расійскі дыпламат.

Паводле яго слоў, у цяперашніх перагаворах прымаюць удзел украінскія палітыкі, якія раней абмяркоўвалі Мінскія пагадненні. Пры гэтым яны прызнаюць, што лепей было выканаць усе тыя патрабаванні, чым сутыкнуцца з цяперашняй сітуацыяй.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Таксама на Sputnik:
Лаўроў пасля перамоў з Кулебай: спецаперацыя на Украіне ідзе па плане
Прэс-канферэнцыя Лаўрова па выніках перамоў з Кулебай
Лукашэнка абмеркаваў з Пуціным сітуацыю на Чарнобыльскай АЭС
Стужка навiн
0