Военнослужащий на фоне поврежденного административного здания в Попасной - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

На веласіпедах з клункамі: беларусы перадаюць дапамогу родным ва Украіну - відэа

Падпісацца на
Yandex newsTelegram
Беларусы збіраюць перадачы для сваякоў ва Украіне і прыносяць іх на мяжу, каб перадаць праз КПП. Такія паходы імкнуцца здзяйсняць раз у тры-пяць дзён. Што перадаюць родным і што расказваюць пра сітуацыю, глядзіце відэа Sputnik.
Ва Украіне зараз мама, свякроў і родны брат, распавяла карэспандэнту Sputnik адна з жанчын, яна прынесла да мяжы некалькі пакетаў з прадуктамі. Суразмоўніца Sputnik родам з Украіны, адкуль яна з'ехала вучыцца ў Беларусь, а зараз працуе ў Гомелі.
"Вось вязем прадукты - хлеб, крупы, аўсянка, алей сланечнікавы, масла сметанковае, прадукты. 8 сакавіка былі і вось сёння", - расказала жанчына.
У Гарнастаеўцы і Дабранцы - украінскіх населеных пунктах, дзе зараз застаюцца родныя, ужо спакойна, сказала суразмоўца Sputnik. Далёка на тэрыторыю Украіны іх з мужам не пускаюць, з таго боку сустракаюць родныя, забіраюць перадачу, абменьваюцца навінамі.
"Цяпер крыху стала лепш. У Дабранцы сталі пячы, дык па булачцы хлеба камусьці вырабяць. А так да Гарнастаеўкі, дзе мы нарадзіліся, увогуле нічога не давозяць, таму цяжка... Дзіця захварэла, таму папрасілі лекі прывезці", - распавяла яна.
Родныя, якія засталіся ва Украіне, зараз збіраюцца адправіць сваіх дзяцей да цёткі і дзядзькі ў Беларусь, аб сітуацыі гавораць: "Павінна стабілізавацца".
"Мы родам з Украіны, хочам, каб быў мір", - сказала жанчына.
Пакуль карэспандэнт гутарыў з беларускай, якая перадае прадукты, з тэрыторыі Украіны з'явілася іншая жанчына - на веласіпедзе і з вялікімі торбамі.
"Прадала хату, рэчы стаялі ў людзей, зараз патроху перакладаю, дзякуй вялікі, дазволілі. Я ж толькі туды і назад. Пакуль ціха, а што там далей, я не ведаю," - распавяла жанчына.
>>> Самая актуальная інфармацыя аб перамовах Расіі і Украіны - у Telegram-канале Sputnik Беларусь
Таксама на Sputnik:
Сітуацыя з бежанцамі: што адбываецца ў суседніх з Украінай краінах (фота)
Лаўроў пасля перамоў з Кулебай: спецаперацыя на Украіне ідзе па плане
Жыццё ў вызваленых сёлах ДНР – фота
Стужка навiн
0