Расія ўвяла персанальныя санкцыі супраць Байдэна і Блінкена - МЗС РФ
17:51 15.03.2022 (абноўлена: 15:05 01.07.2022)
© REUTERS / JONATHAN ERNST
Падпісацца
Нягледзячы на санкцыі ў дачыненні да шэрагу чыноўнікаў ЗША, Масква не адмаўляецца ад падтрымання афіцыйных сувязяў, заявілі ў МЗС РФ.
МІНСК, 15 сак - Sputnik. Расія ўвяла персанальныя санкцыі супраць шэрагу амерыканскіх чыноўнікаў, паведаміла расійскае МЗС РФ.
Рашэнне аб увядзенні персанальныя санкцыі ў расійскім знешнепалітычным ведамстве назвалі адказам "на серыю беспрэцэдэнтных санкцый, якія забараняюць, апроч іншага, уезд у ЗША для вышэйшых службовых асоб Расійскай Федэрацыі".
"Гэты крок, зроблены ў парадку сустрэчнай рэакцыі, стаў непазбежным следствам вельмі русафобскага курсу, узятага цяперашняй Адміністрацыяй ЗША, якая ў адчайнай спробе захаваць амерыканскую гегемонію зрабіла стаўку, адкінуўшы ўсе прыстойнасці, на франтальнае стрымліванне Расіі", - гаворыцца ў паведамленні ведамства.
Нягледзячы на санкцыі, Масква не адмаўляецца ад падтрымання афіцыйных сувязяў і перамоў з тымі, хто трапіў у "чорны спіс", калі гэта будзе "адказваць нацыянальным інтарэсам".
Поўны спіс тых, хто трапіў пад санкцыі
Джозэф Байдэн (Joseph Robinette Biden) - прэзідэнт ЗША
Энтані Блінкен (Anthony John Blinken) - дзяржсакратар ЗША
Лойд Осцін (Lloyd James Austin III) - міністр абароны ЗША
Марк Мілі (Mark Alexander Milley) - старшыня аб'яднанага камітэта начальнікаў штабоў
Джэйкаб Саліван (Jacob Jeremiah Sullivan) - памочнік прэзідэнта ЗША па нацыянальнай бяспецы
Уільям Бернс (William Joseph Burns) - дырэктар ЦРУ
Джэніфер Псакі (Jennifer Rene Psaki) - прэс-сакратар Белага дома
Даліп Сінгх (Daleep Singh) - намеснік памочніка прэзідэнта ЗША па нацыянальнай бяспецы
Саманта Паўэр (Samantha Jane Power) - дырэктар Агенцтва па міжнародным развіцці
Хантэр Байдэн (Robert Hunter Biden) - сын прэзідэнта ЗША
Хілары Клінтан (Hillary Diane Rodham Clinton) - былы кандыдат у прэзідэнты ЗША
Адэвэйл Адэема (Adewale Adeyemo) – першы намеснік міністра фінансаў
Рэта Джо Льюіс (Reta Jo Lewis) - прэзідэнт і старшыня савета дырэктараў Экспартна-імпартнага банка.
У МЗС РФ дадалі, што ў бліжэйшы час санкцыйны спіс будзе пашыраны, у яго трапяць вышэйшыя амерыканскія чыноўнікі, ваенныя, заканадаўцы, бізнесмены, эксперты і медыйныя персоны, якія па-русафобску настроены або садзейнічаюць "распальванню нянавісці да Расіі і ўвядзенні абмежавальных мер".
"Гэтыя дзеянні будуць ажыццяўляцца ў арганічнай еднасці з маштабнымі рашэннямі, якія прымаюцца Урадам Расійскай Федэрацыі ў фінансава-банкаўскай і іншых сферах для абароны эканомікі Расіі і забеспячэння яе ўстойлівага развіцця", - заявілі ў ведамстве.
Нагадаем, пасля пачатку ваеннай спецаперацыі РФ на Украіне пачаўся новы віток санкцыйнага ўздзеяння на Расію.
Так, ужо 25 лютага ЗША афіцыйна ўвялі санкцыі асабіста супраць расійскага прэзідэнта Уладзіміра Пуціна, міністра замежных спраў РФ Сяргея Лаўрова, таксама ў спіс патрапілі міністр абароны РФ Сяргей Шайгу і начальнік Генеральнага штаба Узброеных сіл Расіі, генерал арміі Валерый Герасімаў.
Акрамя таго, цяпер пад заходнімі санкцыямі рознай ступені калянасці знаходзяцца банкі ВТБ, Прамсувязьбанк, "Адкрыццё", Саўкамбанк, дзяржкарпарацыя ВЭБ., банк "Расія", Новікамбанк (усе пад блакавальнымі санкцыямі ЗША, якія прадугледжваюць блакіроўку доларавых разлікаў), Ашчадбанк (забарона на карэспандэнцкія рахункі ў ЗША), Альфа-банк, Газпромбанк, МКБ і Рассельгасбанк (сектаральныя). Шэраг буйных кампаній – "Совкомфлот", "Расійскія чыгункі" (РЧ), АЛРОСА, "Газпром", "Ростелеком" і "Русгідра" – патрапілі пад рэстрыкцыі, якія абмяжоўваюць прыцягненне фінансавання.
>>> Больш актуальнай інфармацыі – у Telegram-канале Sputnik Беларусь
