Беларус выйграў мас-старт у Кубку Расіі па біятлоне, і гэта не Смольскі

© Sputnik / БФБ / Перайсці ў медыябанкМікіта Лобастаў
Мікіта Лобастаў - Sputnik Беларусь, 1920, 16.03.2022
Падпісацца на
НовостиTelegram
Сярэбраны прызёр пекінскай Алімпіяды і пераможца пасьюта на сёлетніх спаборніцтвах у РФ Антон Смольскі ў самай відовішчнай гонцы фінішаваў толькі чацвёртым.
МІНСК, 16 сак - Sputnik. Мега-мас-старт на Кубку Расіі па біятлоне ва Уфе выйграў беларускі біятланіст Мікіта Лобастаў, паведаміла прэс-служба НАК Беларусі.
Дыстанцыю ў 15 км з чатырма агнявымі рубяжамі ён пераадолеў без промахаў, паказаўшы час 41 хвіліну і 3 секунды. Другое месца заняў ураджэнец Гродна Эдуард Латыпаў, які выступае за Расію, а бронзавым прызёрам гонкі стаў Данііл Серахоўстаў, які прадстаўляе на Кубку РФ Алтайскі край. Чацвёртае месца ў мас-старце заняў яшчэ адзін беларус Антон Смольскі.
"Задаволены, што ўдалося справіцца са стральбой без памылак. Для мяне гэта прынцыпова, бо ў гэтым сезоне адстраляцца на "нуль" у гонках не атрымлівалася… Наша зборная выступіла ва Уфе бліскуча, выйгралі ўсе мужчынскія гонкі. Расійская каманда моцная, але мы на дадзены момант апынуліся лепшымі", - падзяліўся ўражаннямі пасля гонкі ў эфіры "Матч ТБ" Мікіта Лобастаў.
Па выніках выступлення ва Уфе ў мужчынскай каманды Беларусі шэсць медалёў – тры залатыя, два сярэбраныя і адзін бронзавы. Сёння ва Уфе ў 11:30 (па мінскім часе) адбудзецца жаночы мас-старт. Беларусь прадставяць Дынара Алімбекава, Ірына Лешчанка, Юлія Кавалеўская, Адэліна Сабітава, Дар'я Кудаева, Ірына Кручынкіна. Усяго на старт выйдуць 52 біятланісткі.

Чаму беларусы не на Кубку свету?

Міжнародны саюз біятланістаў адхіліў ад міжнародных спаборніцтваў беларускіх і расійскіх спартсменаў праз палітычную сітуацыю, звязаную з Украінай. Таму замест кубкавых этапаў і тым, і іншым адразу пасля Алімпіяды прыйшлося працягваць сезон у Расіі. Наступны старт у беларусаў пасля Уфы - у канцы сакавіка ў Цюмені.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларус Смольскі выйграў спрынт на Кубку Саюза біятланістаў Расіі
Замест Кубка свету: беларускія біятланісты адправіліся ва Уфу
Біятланістаў з Расіі і Беларусі адхілілі ад спаборніцтваў IBU
Стужка навiн
0