Прадстаўніца Польшчы перамагла на конкурсе "Міс свету"

© Photo : Miss World / InstagramПераможцай конкурсу "Міс свету - 2021" стала прадстаўніца Польшчы Караліна Бяляўска
Пераможцай конкурсу Міс свету - 2021 стала прадстаўніца Польшчы Караліна Бяляўска
 - Sputnik Беларусь, 1920, 17.03.2022
Падпісацца
Раней фінал конкурсу "Міс свету 2021" быў перанесены з-за масавага заражэння ўдзельніц каронавіруснай інфекцыяй.
МІНСК, 17 сак - Sputnik. Пераможцай 70-га юбілейнага конкурсу "Міс свету - 2021" стала прадстаўніца Польшчы Караліна Бяляўска, паведамляецца на афіцыйнай старонцы конкурсу ў Twitter.
У конкурсе, які прайшоў у Пуэрта-Рыка, прынялі ўдзел прадстаўніцы 97 краін свету.

Што вядома аб пераможцы "Міс свету"

22-гадовая Караліна Бяляўска зараз атрымлівае ступень магістра ў галіне менеджменту, у далейшым яна мае намер атрымаць доктарскую ступень па спецыяльнасці, таксама дзяўчына працуе мадэллю і займаецца дабрачыннасцю.
Караліна на радзіме ў Польшчы стала ініцыятарам праекта "Прыгажосць з мэтай", які займаецца аказаннем дапамогі бяздомным. У праекце сабраная Каралінай каманда валанцёраў дапамагае людзям, якія апынуліся на вуліцы, з харчаваннем, прадуктамі, адзеннем, юрыдычнымі кансультацыямі, меддапамогай.

А дзе беларуска?

У лістападзе мінулага года стала вядома, што "Міс Беларусь 2021" Дар'я Ганчарэвіч не зможа прыняць удзел у конкурсе "Міс Свету" з-за хваробы, пра гэта беларуская прыгажуня расказала падпісчыкам у сваім Instagram.
© Sputnik / Виктор Драчев"Міс Беларусь" Дар'я Ганчарэвіч
Мисс Беларусь Дарья Гончаревич - Sputnik Беларусь, 1920, 17.03.2022
"Міс Беларусь" Дар'я Ганчарэвіч
"На жаль, вірус разбурыў мае надзеі і планы прыняць удзел у "Міс Свету-2021". Я вельмі перажываю з-за гэтага… Гэта быў такі вялікі гонар для мяне прадстаўляць краіну, была зроблена вялікая камандная праца і я бясконца ўдзячная за гэта, было ж гатова ўсё", - напісала беларуска.
Пазней высветлілася, што і фінал конкурсу "Міс свету 2021" быў перанесены ў апошні момант, пасля таго як каронавірусам заразіліся большасць удзельніц.
Конкурс "Міс свету" ўваходзіць у чацвёрку найбуйнейшых конкурсаў прыгажосці нароўні "Міс Сусвет", "Міс Інтэрнэшнл" і "Міс Зямля", і з'яўляецца найстарэйшым з іх. Пераможца конкурсу традыцыйна на працягу года жыве ў Лондане, прымаючы ўдзел у буйных праектах у моднай сферы і дабрачыннасці.
>>> Самая актуальная інфармацыя – у Telegram-канале Sputnik Беларусь
Таксама на Sputnik:
Беларуска стала "Каралевай студэнцтва Саюзнай дзяржавы"
"Міс Беларусь 2021" Ганчарэвіч згодна паляцець у космас
"Міс Беларусь-2021" Дар'я Ганчарэвіч прапусціць конкурс "Міс Свету"
Стужка навiн
0