ЕАЭС цалкам адмовіцца ад долара і еўра - міністр Глазьеў

© Sputnik / Илья Питалев / Перайсці ў медыябанк Сяргей Глазьеў
 Сяргей Глазьеў  - Sputnik Беларусь, 1920, 22.03.2022
Падпісацца на
НовостиTelegram
Захоўваць зберажэнні і праводзіць экспартныя здзелкі неўзабаве будуць толькі ў нацыянальных валютах.
МІНСК, 22 сак - Sputnik. Санкцыі калектыўнага Захаду і замарозка фінансавых актываў Расіі цалкам дыскрэдытавала долар як рэзервовую валюту. У ЕАЭС прымаюць меры да пераводу разлікаў у нацыянальных валютах.
У прыватнасці, актыўна ідзе падрыхтоўка міжнароднай дамовы аб новай валютна-фінансавай архітэктуры, якая б уключала дзяржавы не толькі ЕАЭС, але і ўсе краіны, якія не хочуць залежаць ад самавольства ЗША, распавёў міністр па інтэграцыі і макраэканоміцы Еўразійскай эканамічнай камісіі Сяргей Глазьеў у рамках відэамоста Масква -Мінск-Ерэван-Бішкек-Нур-Султан у мультымедыйным прэс-цэнтры Sputnik.
Міністр Глазьеў адзначыў, што цэнтр сусветнай эканомікі перамяшчаецца ў паўднёва-ўсходнюю Азію. Гэты цэнтр уключае ў сябе Кітай, Індыю, Японію, Карэю. У адрозненне ад звыклай мадэлі ліберальнай глабалізацыі, ён заснаваны на спалучэнні стратэгічнага планавання для ўздыму грамадскага дабрабыту і рынкавай канкурэнцыі.
"Яны абсалютна сёння пераўзыходзяць па аб'ёмах вытворчасці і ЗША, і ЕС. І няма ніякіх сумненняў, што далейшае развіццё сусветнай эканомікі будзе ў гэтым ключы. Краіны, якія фарміруюць у сябе інстытуты новага светагаспадарчага ўкладу, дэманструюць тэмпы эканамічнага росту ў 3-5 разоў вышэйшыя, чым іншыя", - сказаў міністр.

Долар стане смеццевай валютай

Паводле слоў спікера, магутны эканамічны і палітычны націск на Расію і Беларусь паскорыў пераход ЕАЭС да новага эканамічнага ўкладу. Міністр не выключыў верагоднасць, што ў новым фінансавым фармаце не будзе месца ні долару, ні еўра.
"Санкцыі, па сутнасці, ператварылі сёння долар і еўра ў смеццевую валюту. Для Расіі ва ўсякім разе. А паколькі Расія з'яўляецца галоўным цэнтрам гандлёва-эканамічнага супрацоўніцтва ў ЕАЭС, адмова ад долара, еўра і фунта ў нашых узаемаадносінах наканавана самімі ж санкцыянерамі", - сказаў Глазьеў.
Паводле яго слоў, уводзячы жорсткія санкцыі супраць Расіі ЗША і ЕС рэзка паскорылі пераход да новага светагаспадарчага ўкладу, стымуляваўшы ператок рэсурсаў, гандлю ў азіяцкім напрамку. Сёння адбываюцца кардынальныя змены ў валютна-фінансавай архітэктуры сусветнага ладу.
"Мы да гэтага рыхтаваліся. Пасля першых санкцый у 2014 годзе створана сістэма абмену электроннымі паведамленнямі, якая поўнасцю замяняе SWIFT банкам Расіі. Такая ж сістэма працуе ў Кітаі. Мы гатовы сёння тэхналагічна да праграмы сваёй новай сусветнай эканамічнай прасторы, абароненай ад агрэсіі і недружалюбных дзеянняў трэціх краін", - сказаў міністр.
У той жа час, паводле ацэнкі спікера, у ЕАЭС яшчэ захоўваецца залежнасць ад долара і еўра. У прыватнасці, у калідоры гэтых валют адбываецца цэнаўтварэнне. Ключавая задача ЕАЭС у найбліжэйшы час максімальна знізіць залежнасць ад долара і еўра.
"Мы цяпер працуе над канцэпцыяй біржавай прасторы ЕАЭС, дзе імкнёмся прапанаваць нашы ўласныя, унутраныя механізмы цэнаўтварэння ў нацыянальных валютах", - адзначыў Глазьеў. Таксама міністр прапанаваў экспартаваць нафту і прыродны газ у краіны ЕС выключна за расійскія рублі. На думку спікера, гэта зменшыць залежнасць ад долара і еўра, а галоўнае падтрымае нацыянальную валюту.
>>> Больш актуальных навін – у Telegram-канале Sputnik Беларусь
Таксама на Sputnik:
Як санкцыі супраць Расіі і Беларусі адаб'юцца на ЕАЭС - відэа
Толькі Бог ведае: Ермакова дала прагноз па юаню, еўра і долару
Адысці ад долара: эксперт аб бліжэйшых зменах у Расіі і Беларусі
Стужка навiн
0