https://bel.sputnik.by/20220322/payshla-epokha-u-sayuze-belaruskkh-psmennka-zmyansya-starshynya-1061502958.html
Пайшла эпоха: у Саюзе беларускіх пісьменнікаў змяніўся старшыня
Пайшла эпоха: у Саюзе беларускіх пісьменнікаў змяніўся старшыня
Sputnik Беларусь
У Нацыянальнай бібліятэцы ўпершыню за апошнія пяць гадоў адбыўся З'езд Саюза пісьменнікаў Беларусі, на мерапрыемстве сабраліся вядомыя празаікі, паэты... 22.03.2022, Sputnik Беларусь
2022-03-22T15:54+0300
2022-03-22T15:54+0300
2022-03-22T15:54+0300
саюз пісьменнікаў беларусі
аляксандр карлюкевіч
мікалай чаргінец
https://cdnn11.img.sputnik.by/img/104104/80/1041048018_0:0:3000:1688_1920x0_80_0_0_5066a278dd4ac192c5332dc86aab0af9.jpg
МІНСК, 22 сак - Sputnik. Алесь Карлюкевіч стаў новым старшынём Саюза пісьменнікаў Беларусі, перадае карэспандэнт Sputnik.На гэтай пасадзе ён змяніў Мікалая Чаргінца, які кіраваў з моманту ўтварэння арганізацыі - з 2006 года.Першым слова ўзяў Мікалай Чаргінец, папрасіўшы сяброў саюза больш не абіраць яго на пасаду кіраўніка арганізацыі."Я хачу прасіць вас больш мяне не выбіраць. Не гарантую, што наступныя пяць гадоў буду працаваць з вамі. Калі не пярэчыце, прыміце маю прапанову па маім зменшчыку - гэта Аляксандр Карлюкевіч, які стаяў ля вытокаў нашай арганізацыі", - сказаў Чаргінец, прадстаўляючы новага кіраўніка беларускіх пісьменнікаў.Новы старшыня саюза ў сваім спічы паабяцаў, што паступальны рух уверх арганізацыі будзе працягнуты і ўказаў пісьменнікам на тое, на што неабходна звярнуць увагу.Па аднадушным рашэнні дэлегатаў спісам галасавалі і за новы склад прэзідыўма саюза. У яго склад увайшлі 16 чалавек - сярод іх віцэ-кіраўнік адміністрацыі прэзідэнта Ігар Луцкі, міністр інфармацыі Уладзімір Пярцоў, старшыня Саюза пісьменнікаў Расіі Мікалай Іваноў і іншыя.Алесь Карлюкевіч - дырэктар і галоўны рэдактар выдавецкага дома "Звязда", быў міністрам інфармацыі з 2017 па 2020 гады.Чым вядомы Мікалай Чаргінец?Мікалай Чаргінец нарадзіўся ў Мінску ў 1937 годзе, з'яўляецца нязменным старшынёй Саюза пісьменнікаў з 2006 года - з моманту ўтварэння аб'яднання. У 60-х быў прафесійным футбалістам, выступаў у тым ліку за мінскае "Дынама".Працаваў на Мінскім прыборабудаўнічым заводзе, служыў у органах унутраных спраў Беларусі. Звольніўся ў званні генерал-лейтэнанта ўнутранай службы. З 1984 па 1987 год служыў у Афганістане.Літаратурнай дзейнасцю пачаў займацца ў 1970 годзе. Аўтар звыш 50 кніг, некалькіх кінасцэнарыяў і спектакляў. Кнігі перакладзены больш чым на 15 моў свету. Многія раманы ўнесены ў спіс лепшых твораў свету. Стаў першым беларускім пісьменнікам, які звярнуўся да жанру міліцэйскага дэтэктыва.Адны з самых яго вядомых кніг - "За секунду да стрэлу", "Вам - заданне", "Фінал Краба", "Следства працягваецца" і іншыя.Мікалаю Чаргінцу прапанавалі заняць пасаду ганаровага старшыні Саюза пісьменнікаў Беларусі.>>> Самыя важныя навіны шукайце ў нашым Тelegram-канале Sputnik БеларусьТаксама на Sputnik:
Sputnik Беларусь
media@sputniknews.com
+74956456601
MIA „Rosiya Segodnya“
2022
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
саюз пісьменнікаў беларусі, аляксандр карлюкевіч, мікалай чаргінец
саюз пісьменнікаў беларусі, аляксандр карлюкевіч, мікалай чаргінец
Пайшла эпоха: у Саюзе беларускіх пісьменнікаў змяніўся старшыня
У Нацыянальнай бібліятэцы ўпершыню за апошнія пяць гадоў адбыўся З'езд Саюза пісьменнікаў Беларусі, на мерапрыемстве сабраліся вядомыя празаікі, паэты, драматургі, крытыкі ды іншыя літаратары з усёй краіны, а таксама з Расіі.
МІНСК, 22 сак - Sputnik. Алесь Карлюкевіч стаў новым старшынём Саюза пісьменнікаў Беларусі, перадае карэспандэнт Sputnik.
На гэтай пасадзе ён змяніў Мікалая Чаргінца, які кіраваў з моманту ўтварэння арганізацыі - з 2006 года.
Першым слова ўзяў Мікалай Чаргінец, папрасіўшы сяброў саюза больш не абіраць яго на пасаду кіраўніка арганізацыі.
"Я хачу прасіць вас больш мяне не выбіраць. Не гарантую, што наступныя пяць гадоў буду працаваць з вамі. Калі не пярэчыце, прыміце маю прапанову па маім зменшчыку - гэта Аляксандр Карлюкевіч, які стаяў ля вытокаў нашай арганізацыі", - сказаў Чаргінец, прадстаўляючы новага кіраўніка беларускіх пісьменнікаў.
Новы старшыня саюза ў сваім спічы паабяцаў, што паступальны рух уверх арганізацыі будзе працягнуты і ўказаў пісьменнікам на тое, на што неабходна звярнуць увагу.
"Час патрабуе ад нас дадаць да эвалюцыйных змен новыя хуткасці. Бракуе публіцыстыкі ў літаратуры ў цэлым. Буду імкнуцца служыць нашаму аб'яднанню строга і падтрымліваць нашых пісьменнікаў", - заявіў Алесь Карлюкевіч.
Па аднадушным рашэнні дэлегатаў спісам галасавалі і за новы склад прэзідыўма саюза. У яго склад увайшлі 16 чалавек - сярод іх віцэ-кіраўнік адміністрацыі прэзідэнта Ігар Луцкі, міністр інфармацыі Уладзімір Пярцоў, старшыня Саюза пісьменнікаў Расіі Мікалай Іваноў і іншыя.
Алесь Карлюкевіч - дырэктар і галоўны рэдактар выдавецкага дома "Звязда", быў міністрам інфармацыі з 2017 па 2020 гады.
Чым вядомы Мікалай Чаргінец?
Мікалай Чаргінец нарадзіўся ў Мінску ў 1937 годзе, з'яўляецца нязменным старшынёй Саюза пісьменнікаў з 2006 года - з моманту ўтварэння аб'яднання. У 60-х быў прафесійным футбалістам, выступаў у тым ліку за мінскае "Дынама".
Працаваў на Мінскім прыборабудаўнічым заводзе, служыў у органах унутраных спраў Беларусі. Звольніўся ў званні генерал-лейтэнанта ўнутранай службы. З 1984 па 1987 год служыў у Афганістане.
Літаратурнай дзейнасцю пачаў займацца ў 1970 годзе. Аўтар звыш 50 кніг, некалькіх кінасцэнарыяў і спектакляў. Кнігі перакладзены больш чым на 15 моў свету. Многія раманы ўнесены ў спіс лепшых твораў свету. Стаў першым беларускім пісьменнікам, які звярнуўся да жанру міліцэйскага дэтэктыва.
Адны з самых яго вядомых кніг - "За секунду да стрэлу", "Вам - заданне", "Фінал Краба", "Следства працягваецца" і іншыя.
Мікалаю Чаргінцу прапанавалі заняць пасаду ганаровага старшыні Саюза пісьменнікаў Беларусі.
>>> Самыя важныя навіны шукайце ў нашым Тelegram-канале Sputnik Беларусь Чаргінец пра Алімпіяду-80: хацелі разам з Мядзведзем "скрасці" факел
Чаргінец пра смерць у Афгане: вочы таго хлопца я запомніў назаўсёды
Чаргінец: трэба, каб у Мінску былі
вуліцы Быкава і Барадуліна
