Беларусь ужо разлічваецца з шэрагам партнёраў у іх нацвалюце - кіраўнік МАРГ

© PixabayІнтэрнет-крама
Інтэрнет-крама - Sputnik Беларусь, 1920, 29.03.2022
Падпісацца на
Yandex newsTelegram
Паводле слоў міністра, беларускія імпарцёры "не спяць у шапку", усе арыентаваны на тое, каб працаваць аператыўна.
МІНСК, 29 сак - Sputnik. Міністр антыманапольнага рэгулявання і гандлю Беларусі Аляксей Багданаў заявіў, што рэспубліка пачала ўжо разлічвацца за імпарт з шэрагам партнёраў у іх нацыянальнай валюце.
Пры гэтым кіраўнік МАРГ адзначыў, што гэты працэс ідзе дастаткова актыўна.
"Ужо пераходзяць (на разлікі ў нацвалютах - Sputnik)", - сказаў Аляксей Багданаў у эфіры СТБ. "Найактыўным чынам гэты працэс ідзе", - дадаў ён.
У сувязі з гэтым міністр прывёў у прыклад разлікі ў юанях з пастаўшчыкамі з Кітая, а таксама з Турцыі - з некаторымі з іх разлікі адбываюцца ў лірах.
Ён адзначыў, што пераход на разлікі ў нацвалютах "аднамаментна не зробіш", але паколькі ў Беларусі ёсць запасы па многіх таварных пазіцыях, "час ёсць".

Дыверсіфікацыя імпарту

Аляксей Багданаў таксама запэўніў, што беларускія імпарцёры шукаюць новыя каналы пастаўкі тавараў на айчынны рынак.
"Наш бізнэс не спіць у шапку", – сказаў ён.
Паводле слоў кіраўніка ведамства, цяпер усе арыентаваны на аператыўную работу. "Калі раней мы гаварылі аб экспартнай дыверсіфікацыі, то сёння мы гаворым аб дыверсіфікацыі імпарту", - адзначыў міністр.
Ён таксама дадаў, што адбываецца аптымізацыя ланцужкоў паставак тавараў у краіну.

Павелічэння кошту тавараў на 200% не будзе

Кіраўнік МАРГ таксама закрануў пытанне цэн. У сувязі з гэтым ён звярнуў увагу на тое, што канчатковы кошт тавару залежыць ад шэрага фактараў, і курс замежнай валюты, за якую ажыццяўляецца закупка, мае вялікае значэнне. Акрамя таго, кошт залежыць і ад лагістыкі, якая моцна ўскладнілася ў апошні час.
Разам з тым Аляксей Багданаў падкрэсліў, што ўлады, і МАРГ у прыватнасці, не дапусцяць спекулятыўнага росту коштаў.
"Павелічэнні кошту на 200% мы не дапусцім. Мы не дапусцім вакханаліі ў фарміраванні цаны тавару на паліцы магазіна", - заявіў міністр.
>>> Больш актуальнай інфармацыі – у Telegram-канале Sputnik Беларусь
Таксама на Sputnik:
Мяса, гародніна, дзіцячае харчаванне: МАРГ фіксуе завышаныя цэны на шэраг тавараў
Кіраўнік МАРГ аб цэнах: нельга дапусціць спекуляцыі і дэфіцыту
Ажыятаж у крамах: МАРГ распавёў, ці хопіць беларусам ежы
Стужка навiн
0