Работа штурмовой авиации ВС РФ на Харьковском направлении - Sputnik Беларусь, 1920
Ваенная спецаперацыя РФ у Данбасе
Сітуацыя ў самаабвешчаных рэспубліках Данбаса абвастрылася пасля таго, як прадстаўніцтвы ДНР і ЛНР паведамілі аб абстрэлах з украінскага боку. Жыхароў рэспублік Данбаса пачалі эвакуіраваць у Расію. Пра тое, што адбываецца ў Данбасе, чытайце ў матэрыялах Sputnik.

Мядзінскі: Расія не супраць уступлення Украіны ў ЕС

© Sputnik / Алексей ВитвицкийСцягі Украіны і Еўрапейскага Саюза.
Сцягі Украіны і Еўрапейскага Саюза.
 - Sputnik Беларусь, 1920, 29.03.2022
Падпісацца на
Yandex newsTelegram
Кіеў абяцае адмовіцца ад уступлення ў ваенныя саюзы, заявіў Уладзімір Мядзінскі.
МІНСК, 29 сак - Sputnik. Памочнік прэзідэнта РФ Уладзімір Мядзінскі распавёў новыя падрабязнасці аб перамовах РФ і Украіны.
Нагадаем, перагаворы дзвюх краін прайшлі ў аўторак, 29 сакавіка, у Стамбуле. Па выніках Уладзімір Мядзінскі адзначыў, што яны прайшлі канструктыўна, расійскі бок атрымаў шэраг прапаноў ад украінскай, аб гэтых прапановах даложаць прэзідэнту РФ Уладзіміру Пуціну, пасля чаго расійскі бок дасць на іх адказ. Таксама па выніках перамоваў расійскі бок анансаваў скарачэнне баявых дзеянняў на кіеўскім і чарнігаўскім напрамках.

Аб уступленні Украіны ў ЕС і ваенныя саюзы

"Са свайго боку Расійская Федэрацыя не пярэчыць супраць імкнення Украіны ўступіць у Еўрапейскі саюз ", - сказаў Мядзінскі ў эфіры Першага канала.
Нагадаем, 28 лютага, Зяленскі звярнуўся да Еўрапейскага саюза з просьбай аб неадкладным далучэнні. Пасля гэтага прэм'ер-міністр краіны Дзяніс Шмыгаль сказаў, што Украіна падае заяўку на ўступленне ў Еўрасаюз па спецыяльнай працэдуры.
У той жа дзень Зяленскі падпісаў заяўку на ўступленне Украіны ў Еўрапейскі саюз. На наступны дзень Еўрапарламент падтрымаў рэзалюцыю аб наданні Украіне статусу краіны-кандыдата.
Аднак шэраг краін ЕС выказаліся супраць надання Кіеву статусу кандыдата ў тэрміновым парадку. Канцлер ФРГ Олаф Шольц заяўляў, што ўступленне Украіны ў Еўрасаюз мае перадумовы, аднак гэта не першачарговае пытанне, якое трэба сёння ўзнімаць. А прэзідэнт Францыі Эмануэль Макрон не лічыць магчымым тэрмінова ўключыць Украіну ў Еўрасаюз.
Што тычыцца ўступлення Украіны ў ваенныя саюзы, то ад гэтага, паводле слоў Мядзінскага, Кіеў адмаўляецца.
"Украіна адмаўляецца ад уступлення ў ваенныя саюзы, ад размяшчэння замежных ваенных баз, кантынгентаў, правядзення ваенных вучэнняў на тэрыторыі Украіны без згоды дзяржаў-гарантаў, уключаючы РФ", - сказаў Уладзімір Мядзінскі ў эфіры Першага канала.

Аб статусе Крыма і Данбаса

"Гарантыі бяспекі не распаўсюджваюцца на тэрыторыю Крыма і Севастопаля, гэта значыць Украіна адмаўляецца ад імкнення вярнуць Крым, Севастопаль ваенным шляхам і заяўляе аб тым, што гэта магчыма толькі шляхам перамоваў", - заявіў Уладзімір Мядзінскі. Ён зазначыў, што гэта не адпавядае расійскай пазіцыі.
Кіраўнік расійскай дэлегацыі таксама падкрэсліў, што гарантыі бяспекі для Украіны "не распаўсюджваюцца на тую частку Украіны, якую яна называе асобнымі раёнамі Данецкай і Луганскай абласцей". Пры гэтым ён растлумачыў, што абодва бакі сфармулююць, аб якіх менавіта раёнах ідзе размова.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мядзінскі назваў абавязковую ўмову для сустрэчы Пуціна і Зяленскага
Вынікі перамоваў Расіі і Украіны ў Турцыі - Мядзінскі
Першы этап спецаперацыі на Украіне завершаны - Шайгу
Стужка навiн
0