Адміністрацыя прэзідэнта: на "Беларуськаліі" ёсць пэўныя цяжкасці

© Sputnik / Виктор ДрачевААТ "Беларуськалій"
ААТ Беларуськалій
 - Sputnik Беларусь, 1920, 30.03.2022
Падпісацца на
НовостиTelegram
Беларускі калійны гігант у сувязі з санкцыямі сутыкнуўся з цяжкасцямі са збытам удабрэнняў і спрабуе перабудаваць лагістычныя ланцужкі.
МІНСК, 30 сак - Sputnik. Санкцыі б'юць не толькі па тых, супраць каго ўводзяцца, але і па тых, хто іх уводзіць, заявіў кіраўнік Адміністрацыі прэзідэнта Ігар Сяргеенка па выніках пасяджэння Салігорскага райвыканкама.
"Абстаноўка няпростая, але не крытычная. Ідзе пошук рашэнняў. Прадпрыемства працуе", - запэўніў журналістаў высокапастаўлены чыноўнік.
Паводле яго слоў, цяпер у Салігорскім раёне сканцэнтравана трэць прамысловага патэнцыялу цэнтральнага рэгіёну рэспублікі. На "Беларуськаліі" працуе 16,5 тысяч чалавек.
"Так, ва ўмовах санкцый, штучна створаных нам праблем з транспарціроўкай прадукцыі па вядомых каналах праз парты Балтыі (апошнім часам парушана транспарціроўка і праз Украіну) даводзіцца перабудоўваць лагістыку, працаваць з іншымі партнёрамі. Працаваць з Кітаем, больш актыўна працаваць з Расіяй", - распавёў Ігар Сяргеенка.

Абстаноўка ў калектыве стабільная

Пасля чаго кіраўнік прэзідэнцкай адміністрацыі асабліва адзначыў, што калійны гігант працягвае развівацца, а абстаноўка ў калектыве па-ранейшаму стабільная.
"Так, ёсць пэўныя цяжкасці. Але хацеў бы адзначыць, што працуе ў гэтым плане не толькі кіраўніцтва прадпрыемства, але і ўрад нашай краіны. Прымаюцца меры, разглядаюцца на пасяджэнні аператыўнага штаба, каб пераарыентаваць тую прадукцыю", - цытуе чыноўніка БелТА.
У завяршэнне Ігар Сяргеенка падзяліўся меркаваннем, што санкцыі наносяць удар па эканоміцы краін, якія ўводзілі абмежавальныя меры, таксама, як і ў выпадку з тымі, супраць каго іх увялі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0