Мядзведзеў: давер да рэзервовых валют растае, надыходзіць эра рэгіянальных валют

© Sputnik / Екатерина Штукина / Перайсці ў медыябанкНамеснік старшыні Савета бяспекі РФ Дзмітрый Мядзведзеў
Намеснік старшыні Савета бяспекі РФ Дзмітрый Мядзведзеў
 - Sputnik Беларусь, 1920, 30.03.2022
Падпісацца на
НовостиTelegram
Краінам давядзецца дамаўляцца аб новым фінансавым светапарадку, лічыць Дзмітрый Мядзведзеў.
МІНСК, 30 сак - Sputnik. Адмова ад долара і еўра як ад асноўных сусветных рэзерваў не выглядае фантастычнай перспектывай, такое меркаванне выказаў намеснік старшыні Савета бяспекі РФ Дзмітрый Мядзведзеў.
У сераду Дзмітрый Мядзведзеў апублікаваў у сваім Telegram-канале артыкул, у якім выказаў меркаванне па эканамічнай сітуацыі ў Расіі і свеце.

Аб санкцыях

Каменціруючы наступствы новых санкцый, уведзеных супраць Расіі ў лютым, Дзмітрый Мядзведзеў адзначыў, што яны "чакана... вяртаюцца на Захад бумерангам".
Паводле яго ацэнкі, "у Еўропе пачынаецца рэцэсія, якая можа распаўсюдзіцца на ўвесь свет". Пры гэтым Мядзведзеў зазначае, што не ўсім дзяржавам удасца паспяхова справяцца з такім спадам. Ён нагадаў, што наступствы папярэдніх эканамічных крызісаў перш за ўсё адбіваліся на звычайных хатніх гаспадарках.
"Сёння на Захадзе ўжо далёка не ўсіх пераконвае думка, што "салідарнасць у барацьбе за правую справу" важнейшая за асабісты дабрабыт. Пра гэта гавораць не толькі эксперты і СМІ, але і самі людзі. Яны выходзяць на стыхійныя пратэсты або наўпрост звяртаюцца да сваіх начальнікаў", - звярнуў увагу Дзмітрый Мядзведзеў.
Ён таксама адзначыў той факт, што санкцыі на гэты момант не далі выніку, аб якім ужо заявілі заходнія палітыкі. Тлумачачы сваю думку, ён прывёў у прыклад блакіроўку расійскіх банкаў, якая не адбілася на расіянах, паколькі яны карыстаюцца расійскай сістэмай плацяжоў, а таксама забарону на экспарт расійскіх энергарэсурсаў, які на дадзены момант ударыў толькі па радавых заходніх спажыўцах.
"Што там яшчэ? Так, вядома, сыход прадаўцоў люксавага сегмента з нашай краіны. Што зараз рабіць без магчымасці купляць сумкі і футры за некалькі мільёнаў рублёў? Гэта незаменная страта", – не ўтрымаўся ад іроніі Дзмітрый Мядзведзеў.

Аб цяжкасцях

Пры гэтым ён прызнаў, што ёсць і рэальныя цяжкасці, з якімі Расіі даводзіцца змагацца.
У прыватнасці размова аб тым, што Расію спрабуюць ізаляваць ад сусветных ланцужкоў дабаўленай вартасці, міжнароднага падзелу працы. Аднак, паводле яго ацэнкі, і гэта не атрымліваецца: краіна аказалася гатова "да гэтых цалкам прадказальных атак".
"Пакуль нашы апаненты прадаўжаюць сваю бясплодную працу, свет паступова рухаецца да новай логікі сусветных эканамічных адносін. І да абноўленай фінансавай сістэмы", - адзначыў Дзмітрый Мядзведзеў.
Яна не зможа застацца ранейшай, падкрэсліў намеснік старшыні Савета бяспекі РФ, паколькі яе былыя гаранты занадта моцна скампраметавалі.
"Немагчыма давяраць тым, хто арыштоўвае рахункі іншых дзяржаў, крадзе чужыя бізнес-актывы і асабістую маёмасць, абыходзячыся прынцыпамі абсалютнай абароны свяшчэннага права прыватнай уласнасці", – асабліва адзначыў Мядзведзеў.

Аб новым светапарадку

"Свет прачынаецца, а давер да рэзервовых валют растае, як ранішні туман. Адмова ад долара і еўра як ад асноўных сусветных рэзерваў не выглядае такой ужо фантастычнай перспектывай", - лічыць Дзмітрый Мядзведзеў.
Ён выказаў неразуменне, як можна карыстацца рэзервамі, абавязацельствы па якіх замарожаны і "фактычна пушчаны ў дэфолт", і ўсумніўся ў тым, што яны ў такім выпадку ўвогуле камусьці патрэбны.
"Іх нават у аплату кантрактаў за пастаўкі паліва браць не хочуць. Надыходзіць эра рэгіянальных валют", - заявіў Дзмітрый Мядзведзеў.
Дамаўляцца аб новым фінансавым парадку давядзецца, і вырашальнае слова ў гэтым пытанні будзе ў краін з моцнай і прасунутай эканомікай, здаровымі дзяржаўнымі фінансамі, надзейнай грашовай сістэмай, заключыў намеснік старшыні Савета бяспекі РФ.
>>> Больш актуальнай інфармацыі – у Telegram-канале Sputnik Беларусь
Таксама на Sputnik:
Ці будзе дэфолт? Мядзведзеў аб наступствах эканамічнай вайны супраць Расіі
Пуцін адрэагаваў на спробы заходніх краін "адмяніць Расію"
Большасць краін не падтрымаюць санкцыі ў дачыненні да Расіі - Лаўроў
Стужка навiн
0