Боевая работа расчетов гаубиц Д-30 в зоне СВО - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Мінабароны РФ агучыла сваю версію здарэння ў Бучы

© Sputnik / Рамиль Ситдиков / Перайсці ў медыябанкЗдание министерства обороны РФ
Здание министерства обороны РФ - Sputnik Беларусь, 1920, 03.04.2022
Падпісацца на
НовостиTelegram
Гэты населены пункт у Кіеўскай вобласці расійскія вайскоўцы пакінулі яшчэ 30 сакавіка, а выезд з горада не блакаваўся для мясцовых жыхароў.
МІНСК, 3 кра - Sputnik. Усе апублікаваныя кіеўскім рэжымам фатаграфіі і відэаматэрыялы, якія нібыта сведчаць аб нейкіх "злачынствах" расійскіх вайскоўцаў у горадзе Буча Кіеўскай вобласці з'яўляюцца чарговай правакацыяй, паведамілі ў прэс-службе расійскага абароннага ведамства.
У Мінабароны РФ асабліва адзначылі, што пакуль горад Буча быў пад кантролем расійскіх вайскоўцаў, ніводзін гараджанін не пацярпеў ад гвалту.
"У населеныя пункты Кіеўскай вобласці расійскімі вайскоўцамі было дастаўлена і выдадзена мірным жыхарам 452 тоны гуманітарнай дапамогі", - нагадалі ў прэс-службе.
Прычым пакуль горад кантраляваўся расійскім войскам і аж да гэтай нядзелі ў Бучы ўсе мясцовыя жыхары мелі магчымасць свабодна перасоўвацца і карыстацца мабільнай сувяззю, адзначылі ў Мінабароны.
Выезд з гарада не блакаваўся, і гараджане маглі свабодна выехаць у паўночным кірунку ў бок Беларусі. У той жа час ускраіны Бучы абстрэльваліся ўкраінскім войскам, сцвярджаюць у ведамстве.
"Усе расійскія падраздзяленні поўнасцю выйшлі з Бучы яшчэ 30 сакавіка, на наступны дзень пасля вочнага раўнда перамоў Расіі і Украіны ў Турцыі", – асабліва адзначылі ў прэс-службе Мінабароны РФ.
Пасля чаго звярнулі ўвагу, што 31 сакавіка, мэр горада Буча Анатоль Федарук у сваім відэазвароце пацвердзіў, што ў горадзе нікога з расійскіх вайскоўцаў няма, і пры гэтым не згадаў аб расстраляных на вуліцах людзях са звязанымі за спіной рукамі.
"Таму нядзіўна, што ўсе так званыя "пасведчанні злачынстваў" у Бучы з'явіліся толькі на чацвёрты дзень, калі ў горад прыбылі супрацоўнікі СБУ і прадстаўнікі ўкраінскага тэлебачання", - падкрэслілі ў расійскім абаронным ведамстве.
Там таксама выказалі заклапочанасць у сувязі з тым, што на апублікаваных кадрах бачныя целы людзей, якія "па сканчэнні мінімум 4 дзён не здранцвелі, не маюць характэрных трупных плям, а ў ранах незгарнутая кроў".
"Усё гэта неабвержна пацвярджае, што фатаграфіі і відэакадры з Бучы - чарговая пастаноўка кіеўскага рэжыму для заходніх СМІ", - гаворыцца ў афіцыйнай заяве.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мядзінскі назваў абавязковую ўмову для сустрэчы Пуціна і Зяленскага
Вынікі перамоваў Расіі і Украіны ў Турцыі - Мядзінскі
Першы этап спецаперацыі на Украіне завершаны - Шайгу
Стужка навiн
0