Вялікіх скачкоў цэн на прадукты больш не будзе - Брыло

© SputnikПрадукты ў краме
Прадукты ў краме - Sputnik Беларусь, 1920, 03.04.2022
Падпісацца на
Yandex newsTelegram
Краіна ў поўнай меры забяспечана па асноўных пазіцыях прадуктаў, мяркуе кіраўнік міністэрства сельскай гаспадаркі.
МІНСК, 3 кра - Sputnik. Вялікіх скачкоў цэн на прадукты харчавання ў Беларусі не будзе, аб гэтым заявіў міністр сельскай гаспадаркі і харчавання Ігар Брыло.
"Ніякіх вялікіх скачкоў цэн на прадукты харчавання не будзе. Гэта адназначна", - сказаў ён у эфіры YouTube-канала "Галоўны. Тур".
Кіраўнік Мінсельгасхарча пры гэтым адзначыў, што магчыма невялікае паэтапнае павышэнне.
"Калі мы будзем упэўнены ў тым, што на самой справе 5-7% можна даць прадпрыемству, адпусціць недзе цану, калі мы будзем дакладна ў гэтым упэўнены, мы гэта зробім", - сказаў міністр.
Брыло ўдакладніў, што пытанні кошту - "пытанне досыць складанае і абмяркоўваемае", бо шмат што падаражэла, што выклікае выдаткі прадпрыемстваў. Але ўлады стрымліваюць цэнавы фактар. Ён таксама нагадаў, што існуе дзейная пастанова аб цэнах на сацыяльна значныя прадукты.

Харчовая бяспека

Паводле яго слоў, у краіне поўнасцю забяспечана харчовая бяспека, хоць па шэрагу пазіцый, у прыватнасці, агародніны, ніколі не было мэты забяспечыць унутраны рынак на 100%. Асабліва ёсць нюансы па тых найменнях, якія ў Беларусі не вырабляюцца.
"Так ніколі пытанне ў нас не стаяла. Заўсёды крыху імпартавалі мы гэтыя пазіцыі", - адзначыў кіраўнік ведамства.
Брыло адзначыў, што ў Беларусі больш за 1,5 тысячы найменняў сваёй малочнай і каля тысячы - мясной прадукцыі, і "ніякай напругі" па частцы пракарміць насельніцтва краіны, няма.
Ён таксама паведаміў, што ў аграпрамысловым комплексе з улікам наяўнай сітуацыі пераарыентавалі экспарт і не чакаюць зніжэння валютнай выручкі.
"Валютная выручка была, ёсць і будзе", - сказаў міністр.

Прыйдзецца з'есці, што накупілі

Кіраўнік Мінсельгасхарча лічыць ажыятаж з прадуктамі харчавання неапраўданым, бо праблем з забеспячэннем насельніцтва імі няма.
"Што тычыцца вось гэтага незразумелага ажыятажу. Напэўна (…) усё ж такі ўплываюць на людзей псіхалагічна нейкія санкцыйныя, ваенныя, палітычныя рэчы. Чамусьці мы раней з вамі не елі гэтую тушонку банкамі, як гаворыцца", - сказаў міністр.
Рана ці позна шафы запоўняцца і макаронамі, і тушанкай, якую трэба будзе з'есці, выказаў сваё меркаванне кіраўнік ведамства. Што тычыцца макаронаў, Брыло паведаміў, што іх вырабляецца ў краіне дастаткова.
"Нашы пакупнікі прывыклі да камфорту. Такога камфорту, як на паліцах Беларусі, няма нідзе. Праехаўшы практычна ўвесь свет, я ведаю, пра што гавару. Што тычыцца макаронаў, мы ў спакойным рэжыме выраблялі ў месяц недзе 1700-1800 тон. Вось за гэтыя месяцы ў нас дайшло да 3,5 тысячы тон", - адзначыў міністр.
Ён упэўнены, што неўзабаве попыт упадзе і тады давядзецца з'есці ўсё, што накупілі.
"Я сваім вытворцам, нашым заводам кажу: хлопцы, праз некалькі месяцаў вы будзеце прасіць гандлёвыя сеткі, каб яны купілі вашу прадукцыю. Таму што насамрэч цудаў не бывае. І калі чалавек запоўніў гэтыя шафкі дома, іх трэба з'есці, перш чым у чарговы раз ісці ў краму", - рэзюмаваў ён.
>>> Больш актуальнай інфармацыі – у Telegram-канале Sputnik Беларусь
Таксама на Sputnik:
Багданаў: Беларусь жалезабетонна забяспечана асноўнымі прадуктамі
Кіраўнік МАРГ аб цэнах: нельга дапусціць спекуляцыі і дэфіцыту
Ажыятаж у крамах: МАРГ распавёў, ці хопіць беларусам ежы
Стужка навiн
0