Праваахоўнікі затрымалі падазраваных у здзяйсненні тэрарыстычных атак

© PixabayЧыгуначныя пуці, снег, архіўнае фота
Чыгуначныя пуці, снег, архіўнае фота
 - Sputnik Беларусь, 1920, 06.04.2022
Падпісацца на
Yandex newsTelegram
У МУС адзначылі, што экстрэмісцкае фарміраванне "Bypol" працягвае адкрыта заклікаць беларусаў да ўчынення тэрактаў на аб'ектах чыгуначнага транспарту і інфраструктуры.
МІНСК, 6 кра – Sputnik. Намеснік міністра ўнутраных спраў Беларусі Генадзь Казакевіч паведаміў, што праваахоўнікі затрымалі траіх чалавек, якія падазраюцца ва ўчыненні тэрарыстычных атак.
Спецаперацыя была праведзена ў Бабруйскім і Барысаўскім раёнах.
Як адзначыў Казакевіч, у ноч на 30 сакавіка былі затрыманы трое жыхароў Бабруйска 27 і 28 гадоў, якія былі датычныя да знішчэння дзвюх рэлейных шаф сігнальнай устаноўкі пад Асіповічамі.
"Апаратура, якая забяспечвае рух чыгуначных саставаў, узламана і спалена імі 28 сакавіка. У час затрымання тэрарысты аказалі актыўны супраціў і паспрабавалі ўцячы. Прыменена зброя на паражэнне", - сказаў намеснік міністра.
Як паведамілі ў МУС, у выніку адзін з затрыманых быў паранены, зараз ён знаходзіцца ў лячэбнай установе, астатнім падазраваным дапамогу аказалі на месцы.
У іх машыне праваахоўнікі знайшлі радыёстанцыі і спецыяльна вырабленае прыстасаванне для "сходу з рэйак" рухомага саставу. Казакевіч падкрэсліў, што гэта сведчыць аб намеры ўчыніць чарговы тэракт.

Затрыманне ў Барысаўскім раёне

Спецпадраздзяленне "Алмаз" 1 красавіка затрымала яшчэ аднаго падазраванага ў такім жа злачынстве. Яно было здзейснена ў ноч з 24 на 25 сакавіка ў Барысаўскім раёне.
Пра падазраванага паведамілі неабыякавыя грамадзяне, якія патэлефанавалі ў міліцыю і расказалі аб тым, што каля месца злачынства некалькі гадзін стаяў падазроны аўтамабіль.
"Тэрарыстам аказаўся 40-гадовы жыхар Мінскага раёна, раней судзімы за забойства з асаблівай жорсткасцю. Пры затрыманні ён таксама аказаў актыўны супраціў, прыменена зброя на паражэнне. Злачынца паранены, знаходзіцца ў лячэбнай установе", - дадаў Казакевіч.
Дома і ў машыне ў затрыманага было знойдзена некалькі адзінак зброі, радыёстанцыі, бінокль, ноўтбук і мабільныя тэлефоны.
Казакевіч папярэдзіў, што МУС мае праўдзівую інфармацыю пра тых, хто збіраецца здзейсніць тэракты на аб'ектах чыгуначнага транспарту. Іх найбліжэйшым часам затрымаюць.
Намеснік міністра звярнуў увагу на тое, што такія дыверсіі на чыгунцы будуць жорстка спыняцца з выкарыстаннем зброі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0