Увосень войскі АДКБ вернуцца ў Казахстан на вучэнні

© Министерство обороны РФ / Перайсці ў медыябанкАсабісты склад расійскага кантынгенту міратворчых сіл АДКБ на аэрадроме ў Алматы
Асабісты склад расійскага кантынгенту міратворчых сіл АДКБ на аэрадроме ў Алматы
 - Sputnik Беларусь, 1920, 15.04.2022
Падпісацца на
НовостиTelegram
Увосень бягучага года на палігоне ў Казахстане пройдуць планавыя вучэнні ўзброеных сіл краін, якія ўваходзяць у АДКБ.
МІНСК, 15 кра - Sputnik. Арганізацыя Дагавора аб калектыўнай бяспецы правядзе восенню ў Казахстане шэраг ваенных вучэнняў, заявіў у час нарады начальнікаў генштабаў краін АДКБ начальнік казахстанскага Генеральнага штаба Марат Хусаінаў.
Падчас вучэнняў "Эшалон - 2022" на палігоне "Матыбулак" пакажуць свае навыкі "тылавікі". Патрэніруюцца восенню ў Казахстане і разведчыкі. Адпрацуюць праграму камандна-штабнога вучэння "Узаемадзеянне - 2022" сілы аператыўнага рэагавання АДКБ.
Гэты палігон у Алмацінскай вобласці часта выкарыстоўваецца для правядзення сумесных вучэнняў і іншых мерапрыемстваў. Напрыклад, летась там спаборнічалі артылерысты з 8 краін і разлікі беспілотных лятальных апаратаў армій 4 дзяржаў на міжнародных вайсковых гульнях "АрМІ-2021".
Нагадаем, што ў студзені гэтага года пасля рэзкага павышэння коштаў на звадкаваны газ у Казахстане прайшлі акцыі пратэсту, якія перараслі ў масавыя беспарадкі.
Найбольш маштабнымі яны былі ў горадзе Алматы. У выніку моцна пацярпела інфраструктура краіны, у тым ліку вайсковыя аб'екты, на шэраг з якіх напалі пратэстоўцы.
Урэгуляваць сітуацыю ў Казахстане ўдалося толькі пасля ўвядзення міратворчага кантынгенту АДКБ. Вынікам тых падзей стала змена ўрада краіны, у тым ліку кіраўніцтва сілавога блока. Аднак Марат Хусаінаў, прызначаны начальнікам Генштаба 6 верасня 2021 года, захаваў сваю пасаду.
Акрамя плана вучэнняў, на нарадзе начальнікі штабоў абмеркавалі ўдасканаленне прыёмаў крызіснага рэагавання, а таксама ажыццяўленне вайсковай авіяцыяй АДКБ міжнародных палётаў і іншыя пытанні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Стужка навiн
0