https://bel.sputnik.by/20230410/peradvelkodny-tydzen-vernk-spamnayuts-aposhnya-dn-zyamnoga-zhytstsya-khrysta-1062086543.html

Перадвелікодны тыдзень: праваслаўныя вернікі ўспамінаюць апошнія дні зямнога жыцця Хрыста

Перадвелікодны тыдзень: праваслаўныя вернікі ўспамінаюць апошнія дні зямнога жыцця Хрыста

Sputnik Беларусь

Кожны дзень Перадвелікоднай Сядміцы называецца Вялікім і прысвечаны асобнай падзеі апошніх дзён зямнога жыцця Збавіцеля. 10.04.2023, Sputnik Беларусь

2023-04-10T10:46+0300

2023-04-10T10:46+0300

2023-04-10T11:17+0300

вялікдзень

царква

рэлігія

страсная сядміца

перадвелікодны тыдзень

грамадства

свята

царкоўнае свята

праваслаўе

хрыстос

https://cdnn11.img.sputnik.by/img/07e6/04/17/1062238797_0:0:2851:1605_1920x0_80_0_0_20d8ded957ee98c928ef13d97e6457a7.jpg

Перадвелікодная Сядміца, якая папярэднічае Вялікадню, пачалася ў праваслаўных.Светлае Хрыстова Уваскрэсенне ў гэтым годзе праваслаўны свет адзначае 16 красавіка.Перадвелікодны тыдзень лічыцца асаблівым перыядам літургічнага года, а таксама ў жыцці кожнага праваслаўнага верніка. Падчас Перадвелікоднай Сядміцы царква загадвае выконваць самы строгі пост, а ў пятніцу, калі Збавіцель быў распяты і памёр, у храмах нават не служыцца Боская літургія.Згодна з кананічнымі патрабаваннямі, кожны дзень тыдня прысвечаны асобнай падзеі апошніх дзён зямнога жыцця Хрыста. Вернікі дзень за днём, прыходзячы ў храмы, па сутнасці, пражываюць разам з Ісусам Яго апошнія дні.Кожны дзень Перадвелікоднай Сядміцы называецца Вялікім.Вялікі панядзелакУ гэты дзень царква ўспамінае старазапаветныя падзеі, звязаныя з усушаннем Госпадам пакрытай багатай лістотай, але бясплоднай смакоўніцы. Гэта вобраз крывадушнасці кніжнікаў і фарысэяў, якія не пакаяліся.Акрамя гэтага ў Вялікі панядзелак пачынаюць рыхтавацца да варэння міра, якое будуць асвячаць у чацвер. Чын міраварэння адбываецца толькі раз у годзе і толькі на Перадвелікоднай Сядміцы.Вялікі аўторакУ гэты дзень успамінаюцца падзеі, калі Хрыстос прыйшоў у Іерусалімскі храм і шмат прапаведаваў. Лічыцца, што менавіта тады першасвяшчэннікі ўпершыню задумаліся аб Яго забойстве.Вялікая серадаУ гэты дзень чытаецца пісанне аб тым, калі Іуда вырашыўся здрадзіць Хрысту за 30 сярэбранікаў. У той час гэтай сумы хапіла для таго, каб купіць невялікі ўчастак зямлі ў наваколлях Іерусаліма.Вялікі чацверУ гэты дзень успамінаецца найважнейшая евангельская падзея – Тайная вячэра, падчас якой Збавіцель устанавіў Таінства Новага запавету – Еўхарыстыі.У Вялікі Чацвер усе праваслаўныя павінны прычасціцца Святых Хрыстовых Таінстваў. Акрамя гэтага, у храмах у гэты дзень здзяйсняецца Чын абмывання ног, яго здзяйсняе архірэй – па прыкладзе таго, як Хрыстос абмыў ногі сваім 12 вучням.Вялікая пятніцаГэта самы журботны дзень літургічнага года, ён прысвечаны ўспаміну асуджэння на смерць, Хрэсных пакут і смерці Збавіцеля.Вялікая суботаУ гэты дзень царква ўспамінае пахаванне Ісуса Хрыста, знаходжанне цела ў магіле, сашэсце душою ў пекла для абвяшчэння там перамогі над смерцю і збавення душ. Перад самым Вялікаднем вернікі ідуць у храм, гэты час лічыцца асабліва радасным. Велікоднае богаслужэнне пачынаецца ў ноч з суботы на нядзелю, пасля чаго пачынаюць хросны ход са спевамі. У гэты дзень у храмах асвячаюць велікодныя стравы.ВялікдзеньВялікдзень – Светлае Хрыстова Уваскрэсенне, самае галоўнае праваслаўнае свята. Па завяршэнні богаслужэння вернікі "разгаўляюцца" – смакуюць асвячоныя яйкі і кулічы.Затым надыходзіць Светлая Сядміца, калі у храмах будуць служыць святочныя літургіі.Таксама на Sputnik:

2023

Навіны

ru_BY

перадвелікодны тыдзень ісус хрыстос вялікі пост вернікі традыцыі праваслаўе рэлігія беларусь страстная седмица неделя иисус христос великий пост верующие традиции православие религия